1 Korinit 8:7 - Tataroha Diana

⁷ Taꞌe maꞌalana e urine, na ahutana mwala kaꞌa mani sai diana aana ike leune. Oto wau i naꞌo ngaeta mwala kire ko palo-paloa mola mo nunui ola oto tarau. Oto hule mai siꞌiri, maholo kire ko ngeue mo ngeulaa urine, kire ko loꞌo-loꞌongaꞌinie mola ue uri mo ngeulaa ngeena mo ola i saana mo god eero-eero ngeena. Loꞌongaꞌinge ikire e mamaelaꞌa oto aana e kaꞌa sada ike peꞌie hiiwalaimolinge ikire, na kire loꞌongaꞌinie uri mo ngeulaa ngeena ko da kire ko madaꞌa.

1 Korinit 8:7 Referans Kwoze

Uusu-uusu A Pol Hurula'aa Hunie Mo Rom 14:14

Nou tohungei sai diana aana oto uri nga taꞌa-taꞌa mei ngeulaa e kaꞌa aapu ike, aana a Jisas maraana ni e haataꞌinie leune aaka. Taꞌe mala uri nga iini ko loꞌongaꞌinie uri ngaeta mo taungei ngeulaa kire aapu hunie, nge ke suꞌuri ngaa loꞌu mo iini urine.

Palonga 15:20

Taꞌe hunie hanuelamanga ke iiꞌo i matolaka, e diana hunie kolu ke uusu-uusu mola hunire ni haꞌarongora uri kire ke suꞌuri esuie mo ola e lio mamaꞌelaꞌa aakaelu mo Jiu, mala ngaulana mo ngeulaa nge kire uunu ola aani i saana mo liꞌoa aaela, wa aeni-olanga peꞌie nga iini. Na kire ke suꞌuri ngeue taꞌena nga ola mauri nge liꞌoilana e lae hunie ke mae, na kire ke suꞌuri ngeue noꞌone nga mei epu.

Uusu-uusu A Pol Hurula'aa Hunie Mo Rom 15:14

Maeni eesiku maaꞌi, nou hiiwalaimoli uri omu honu makeato oto aana taꞌena nga tolahai ola diana, na uri omu tohungei saenanau oto aani, hule aana omu sai haꞌananauꞌomu heiliu oto aani.

1 Korinit 8:1

Hoe, no ko sare heꞌi ere loꞌu i sulie mo ngeulaa nge kire uunuꞌi oto i saana mo nunui ola. E toꞌohuu taane mala ngaeta mwala ko unu-unue uuri, “Ahutaka kie mani sai ola mola.” !Taꞌe omu ke lio talamiu! Sai olanga e sai da mola iinoni ke toohaꞌinie maraana, taꞌe manata-diananga nge ko peꞌikie suli maholo.

1 Korinit 8:4

Oto aapa aana ngaulana mo ngeulaa uunuleni e lae i saana mo nunui ola, kie saie oto uri nunui ola nga ola toꞌohuu haꞌike, aana kie mani saie oto uri e taꞌa-taꞌa God mola.

1 Korinit 10:25

Oto aapa hatarie dolosinge iꞌomu ngeena, e kaꞌa aapu ike na omu sai ngeue mola taꞌena nga mei ngeulaa omu ko lio oodoie i laona uusiꞌe. Na mo taungei ola urine omu ke suꞌuri aapwasu ni dolosie loꞌu uri kire uunuꞌi i saana mo liꞌoa aaela wa haꞌike.

1 Tesalonaeka 5:14

Na melu ko eitanaiꞌomu, maeni eesiku, uri omu ke ere aana mo iini ko lalawasie asunge. Omu ke peꞌie mo iini nge kire sai meꞌu hunie saeda ke susu. Omu ke peꞌie mo iini nge loꞌongaꞌinge ikire e mamaelaꞌa, na omu ke haro kele ere hunie ahutana mwala. Na mwaanie saewasunge iꞌomu e lau-leu hunie taꞌena nga iini.