1 Korinit 7:19 - Tataroha Diana

¹⁹ Aena aana uri o ke hele aana kaꞌu torihesiꞌonga wa haꞌike, nga mei roroꞌanga haꞌike aana. Taꞌa-taꞌa leu mola e roroꞌa oto, uri o ke lulu i sulie mo haꞌatolanga a God.

1 Korinit 7:19 Referans Kwoze

Kalesia 6:15

Oto e kaꞌa tohungei roroꞌa ike uri aana iinoni e torihesiꞌo wa e kaꞌa torihesiꞌo. Taꞌa-taꞌa leu e roroꞌa oto uri a God ke haꞌahaalukie hunie kie ke neꞌi iinoni haalu.

Kalesia 5:6

Aana maholo iinoni e lado oto peꞌie a Jisas Kraes, nge maꞌalana e torihesiꞌo wa haꞌike, taꞌe e sada mola na e kaꞌa roroꞌa ike. Taꞌa-taꞌa leu mola e roroꞌa, na leune mola hiiwalaimolinge ikie aana a Jisas Kraes ke si haataꞌi aana manata-diananga hunie mo iinoni.

Haataꞌinge 22:14

“Deidehie mo iini kire hoda rereꞌa aana mo toꞌoni ikire, aana ikire oto kire kei lai sili i laona maaꞌi para aana Jerusalem Haalu ngeena, na kire kei ngeue hue-huana ai ni meurihe.

Kolosi 3:11

Ahutaka mo iinoni kie mani sada mola i laona mauringe haalu ngeena. Maꞌalana uri kie hute aana mo Jiu wa haꞌike, maꞌalana uri kie hele aana torihesiꞌonga wa haꞌike, maꞌalana uri kie hute aana mwala ni puꞌo wa mwala e puꞌo tataꞌala oto liutaa mala mo Sitia, maꞌalana uri kie neꞌi koni-konihe wa kie iiꞌo luhetaꞌi loꞌu, taꞌe a Kraes oto e neꞌi naꞌohai ola roroꞌa i laona maurihaꞌaka, mo iini kie hiiwalaimoli aana.

Kalesia 3:28

Oto nga mei ola hunie ke aaopa i matolamiu mo Jiu na mo Aapoloa Aaopa haꞌike loꞌu, wa i matolana mo koni-konihe na mo aalaha, wa i matolana mo mwane na mo keni. Omu meni neꞌie oto e taꞌa-taꞌa iinoni i lalo aana a Kraes Jisas.

1 Korinit 8:8

Taꞌe ngaulaa e kaꞌa roroꞌa ike i maana God. Oto maꞌalana uri kie ke ngaue mo ngeulaa ngeena wa haꞌike, kie saꞌa aaela ike aani wa kie ke tarie nga mei ola aani.

Uusu-uusu A Pol Hurula'aa Hunie Mo Rom 3:30

Aana e taꞌa-taꞌa God mola ni e paine haahie walumalau. Na ahutana mo iini ko hiiwalaimoli, maꞌalana mo Jiu wa nga mo Jiu haꞌike, taꞌe ingeie mola ni ko da kire ke neꞌi iinoni oodotaꞌi i maana.

Tataroha Diana I Sulie A Jisas Kraes Nge A Jon E Uusue 15:14

Na iꞌomu oto mo malahuku, mala uri omu ke dau i sulie nga taa nou unue huniꞌomu.

Matiu 5:19

Oto mala nga iini ko heitohea nga taꞌa-taꞌa kele iini aana mo Haꞌatolanga, na ko haꞌa-uusulie ngaeta mwala huni heimaanie tolahai ola aaela ingeie, nge haꞌa-uusuli aaela ngeena haꞌamwai-mweiꞌalana kei lae aana Aalahanga a God. Taꞌe nga iini nge ko lulu i sulie ahutana mo Haꞌatolanga na ko haꞌa-uusulie ngaeta mwala huni lulu i suliꞌi mala ingeie, nge ingeie ngeena haꞌapainaꞌalana kei lae aana Aalahanga a God.