1 Korinit 7:14 - Tataroha Diana

¹⁴ Aana a God kei haꞌamaaꞌie mwane e kaꞌa hiiwalaimoli ngeena aena aana ko iiꞌo ruru peꞌie huꞌe nge e hiiwalaimoli. Na a God kei haꞌamaaꞌie noꞌone keni e kaꞌa hiiwalaimoli ngeena aena aana ko iiꞌo ruru peꞌie poro nge e hiiwalaimoli. Na mala kirerue kei iiꞌo ruru urine, nge a God kei haꞌamaaꞌie noꞌone mo mwela ikirerue. Taꞌe mala ko haꞌike, nge mo mwela ikirerue kire kei urihana mola mo mwela ni puꞌo.

1 Korinit 7:14 Referans Kwoze

Taetas 1:15

Kire unue uri kie ke haꞌahili-hili mwaanie mo ola oto hunge, taꞌe eeronga mola ni ngeena, aana walu ola kire mani diana mola hunie mo iini kire iiꞌo oodotaꞌi. Taꞌe iini nge ko loꞌo-loꞌongaꞌinie mola aaelanga haliꞌite, ahutana ola kire mani madaꞌa hunie, aena aana e kaꞌa hiiwalaimoli ike aana God. Oto iini urine manatana na loꞌongaꞌinge ingeie kire mani aaela mango mola.

1 Timoti 4:5

aana kie saie oto uri walana God na aarengaꞌinge ko haꞌamaaꞌie adona ngaulana.

Uusu-uusu A Pol Hurula'aa Hunie Mo Rom 11:16

Loꞌongaꞌi keꞌu i sulie maholo kie ko niie nga kele makakaꞌai ngeulaa mala nga uuraaꞌinge hunie a God. Aena leune, nge ahutana oto ho ngeulaa ngeena haꞌamaaꞌilana e lae oto noꞌone. Na mala uri imi-imine nga ai e maaꞌi, nge ahutana mo sasarana na kire mani maaꞌi oto noꞌone. Oto mo Jiu kire urine noꞌone, aana a God e lio hilisie mo weuwada oto i naꞌo huni neꞌie mo iinoni ingeie, na nou saie lio-hilisinge ngeena e aaluhie oto komu nge e aehota aada.

Palonga 10:23

Oto a Pita e si unue kire ke lae kaꞌu mei nume, na kire ko maꞌahu oto aana hai rodona. E dangi hoꞌowa a Pita e dau aakau mango, kiraelu ko si meni lae, na ngaeta mo eesine i lalo aana Kraes i Jopa ko hekusire noꞌone.

1 Korinit 7:13

Na mala uri nga keni nge e hiiwalaimoli aana a Kraes ko toꞌo aana nga mwane ni puꞌo, na a mwane ngeena e ilenimwaꞌe mola ni iiꞌo ruru peꞌie, a huꞌe ngeena ke suꞌuri sikaa.