1 Korinit 6:13 - Tataroha Diana

¹³ Na nga mo iini loꞌu kire unue uuri, “Ngaulaa ola mola hunie iiaka ni ngeena, na iiaka ola mola huni hele aana ngaulaa.” E toꞌohuu taane, taꞌe a God kei haꞌamangoa mola e ro mei ola ngeena. Oto aana omu ko loꞌongaꞌinie uri mo hiolonga ni sape kire mani sada mola i maana God, nge omu unue uri masinge noꞌone e kaꞌa neꞌie ike nga mei ola. !Taꞌe haꞌike mwae! Sape mei ola huni esu nana Aalaha ni ngeena, na a Aalaha ko lio i sulie sapeka,

1 Korinit 6:13 Referans Kwoze

1 Korinit 6:19

?Uri omu kaꞌa saie ike uri sapemiu nge oto nume maaꞌi a Liꞌoa Maaꞌi? E iiꞌo oto i lalo aamiu, aana a God e niie huniꞌomu. Oto sapemiu kaꞌa toꞌo-toꞌolamiu ike loꞌu maraamiu,

1 Korinit 3:16

!Haꞌike eena! ?Uri omu kaꞌa saie ike uri soihaadaꞌinge iꞌomu e neꞌi nume maaꞌi a God? !Iau, e toꞌohuu oto aana Liꞌoa Maaꞌi e iiꞌo i lalo aamiu!

Uusu-uusu A Pol Hurula'aa Hunie Mo Rom 6:12

Mwaanie omu toitoliꞌaasie oorahaꞌaa e aalaha loꞌu haahiꞌomu, uri hunie omu ke lae loꞌu mola i sulie mo loꞌongaꞌinge aaela ni sape, aana sape mei ola nge e sai mae mola.

1 Korinit 6:15

Omu saie mola sapena nga iini e neꞌie oto ngaeta sasarai ola a Kraes. ?Oto e ue? ?Uri e malisine nga iini ke toolea mola sapena nge e neꞌie oto ngaeta sasarai ola a Kraes, na ke ladoa peꞌie nga repi? !Haꞌike! !E kaꞌa malisi ike!

Epesas 5:23

Aana mo poro iꞌomu, ikire oto kire ko lio i suliꞌomu mala pwaune iinoni ko lio i sulie sapena, na mala a Kraes noꞌone ko lio i sulie soihaadaꞌinge nge e haꞌa-uurie oto.

Matiu 15:17

?Uri omu kaꞌa lio saie ike noꞌone? Mei ngeulaa nge ko sili i ngidune iinoni, ko lae mola i laona oopwana, oto ko iisitaa loꞌu mola mwaanie sapena.

Uusu-uusu A Pol Hurula'aa Hunie Mo Rom 14:17

Aana mo ola mala ngaunge na inunge, kire kaꞌa roroꞌa ike i laona Aalahanga a God. Taꞌe mo ola nge Liꞌoa Maaꞌi ko niiꞌi mala oodotaꞌinge na hanuelamanga na ilenimwaꞌenga haꞌalaa kire roroꞌa.

Uusu-uusu A Pol Hurula'aa Hunie Mo Rom 12:1

Oto aena urinena, maeni eesiku maaꞌi, aena aana mei sae ni aamasinge a God hunikie, no ko eitanaiꞌomu hunie omu ke niiꞌomu maraamiu mala nga uunu-olanga e mauri hunie a God aani niilana sapemiu suli dinge huni esuie mo esunge e oodo i maana God. Mala maurihaꞌamiu ke urine, nge omu kei urihana nga uunu-olanga e maaꞌi na a God e sai ilenimwaꞌe haahie. Taꞌa-taꞌa tohungei tala hunikie mo iinoni kie ke palo-paloa God aana ni otona.

2 Korinit 11:2

Mala mo mamaꞌa ko lio i sulie mo keni kaleda hunie kire ke neꞌi keni raoriꞌi lae-lae hule aana kire kei haꞌaruru aana kire toꞌo poro, nge ineu noꞌone no ko lio i suliꞌomu urine i naꞌona God. No ko lio i suliꞌomu oto mala a God ko lio i suliꞌomu, aana nou heiholotaꞌinie oto uri omu kei toꞌo aana mola nga taꞌa-taꞌa poro, na porona oto a Kraes. Saeku omu ke hiiwalaimoli mola aana a Kraes hahaiteli hunie uri aana hai dinge haꞌarurunge, nou sai maaiꞌomu taꞌau nana a Kraes mala oto nga keni raoriꞌi.

2 Korinit 5:15

Na a Kraes e mae toꞌohuu huni peꞌie ahutana mo iinoni, uri hunie ahutaka mo iini kie toꞌo aana maurihe haalu kie ke suꞌuri lae loꞌu i sulie mo loꞌongaꞌinge ikie maraaka, taꞌe hunie kie ke lulu i sulie mola a Kraes, iini e mae kaꞌu na e taꞌelaꞌi eelihoꞌi loꞌu i tehulaꞌaka.

Uusu-uusu A Pol Hurula'aa Hunie Mo Rom 7:4

Oto maeni eesiku maaꞌi, iꞌomu na e urine noꞌone. Aana mauringe lalahuꞌe iꞌomu e mae tararuru oto noꞌone peꞌie a Kraes, nge omu iiꞌo luhetaꞌi oto mwaanie mo Haꞌatolanga a Mosis eena, na kire kaꞌa toꞌo aana loꞌu nanamanga haahiꞌomu. Oto a Kraes nge e taꞌelaꞌi loꞌu mwaanie maenga, ingeie ni e toꞌo aamiu ienini uri hunie omu ke aahu aana mo hue-huei ola diana a God.

Tataroha Diana I Sulie A Jisas Kraes Nge A Jon E Uusue 6:49

Mo aamamiu kire ngau-ngeu taane aana ngaulaa nge kire haaraꞌie aana mana, taꞌe kire saronai mae mola i laona hanuesala.

Tataroha Diana I Sulie A Jisas Kraes Nge A Jon E Uusue 6:27

Omu ke suꞌuri esu mola talana mo ngeulaa nge kire sai eiꞌaa mola lau-leu, taꞌe omu ke asu aꞌailaꞌa talana mei ngeulaa nge e sai iiꞌo huu na kei niie maurihe huu huniꞌomu. Na mei ngeulaa ngeena, ineu a Kale Ni Iinoni mola nou sai niie huniꞌomu, aena aana a God Mamaꞌa e uusungeꞌinieu mei huni esuie urine peꞌie nanamanga paine ingeie.”

Tataroha Diana I Sulie A Jisas Kraes Nge A Mak E Uusue 7:19

i sulie kire kaꞌa lae ike i laona manatana, taꞌe kire lae taraꞌasi mola hao i laona oopwana. Oto ko si iisitaa loꞌu mola mwaanie sapena.” (Maholo a Jisas e ere urine e haataꞌinie uri ahutana mo ola ngau-ngeu kire mani rereꞌa mola i maana God.)

Matiu 15:20

Mo ola nge kire sai esuie iinoni ke madaꞌa eena. Taꞌe huni ngeu mola, na omu kaꞌa hodalie nimemiu mala kire unue huniꞌomu ngeena, leune e saꞌa da ike iinoni ke madaꞌa i maana God.”

Kalesia 5:24

Taꞌe mo iinoni nge kire toꞌo aana a Jisas Kraes i lalo aada, kire neꞌi aasie oto mo tolaha ni iinoni aaela, aana e urihana kire rapu taalengasie noꞌone ahutana mo tolahai iinoni aaela ikire i lengine poꞌu-poꞌu, na kire horo maesiꞌi oto.