1 Korinit 5:6 - Tataroha Diana

⁶ Omu saie taane mei wala nge e unue uuri, “Kele mei iis oto mola mwai-mwei e ado oto huni esuie nimei pulaoa laku hunie kei hane i lengi.” Oto urine noꞌone, e kaꞌa ado ike hunie omu ke toohaꞌiniꞌomu, aena aana aaelanga ngeena e sai sikihie ahutemiu mango-mango.

1 Korinit 5:6 Referans Kwoze

Jemes 4:16

Taꞌe ie omu ko haꞌapainaꞌaꞌomu mola maraamiu, na omu ko si ere toohaꞌiniꞌomu mola. Na mo toohaꞌinge urine e tohungei aaela.

Kalesia 5:9

!Omu ke lio talamiu! Kele mei iis oto mola mwai-mwei e sai haꞌahanea mola nimei pulaoa laku, na urine loꞌu nga kele haꞌa-uusulinge aaela e sai haꞌatakaloa mola mwala oto hunge.

1 Korinit 15:33

Maeni eesiku, mwaanie mwala urine e eero-eeroꞌomu. Aamasitoꞌo kaꞌu aana mei neꞌisaenga uuri, “Hikusilana mo iinoni aaela e sai waelie tolaha diana iꞌomu.”

1 Korinit 5:2

!Haꞌike eena! ?E ue ni omu ko toohaꞌiniꞌomu haahie? E malisine omu ke saehuu i sulie, na hunie omu ke neꞌie mwane ngeena i sinaha mwaanie soihaadaꞌinge.

Matiu 13:33

Oto ko heꞌi unue loꞌu ngaeta aalahuunge hunire uuri, “Aalahanga a God e urihana noꞌone kele mei iis nge huꞌe e pwaie i laona nimei pulaoa oto paine, na ahutana e haro poꞌo mango mola aana e hane.”

2 Timoti 2:17

Mo erenga ikire ngeena e urihana mola ho osa nge e kaꞌa sai mola ike. Ere-erenga e ro mwane, a Haemeneas na a Pilitas, na e urine oto.

1 Korinit 3:21

Oto aena urinena, maeni eesiku, omu ke suꞌuri ere toohaꞌinie asunge nga iinoni. Maꞌalana ineu a Pol, wa a Apolos, wa a Pita, taꞌe a God e uusungeꞌiniꞌemeelu mola huni peꞌiꞌomu. Na e toꞌohuu oto uri e niie oto ahutana walu ola namiu, hule aana walumalau, na mauringe, na maenga, na maholo siꞌiri, na maholo ko lae ue mai. Ahutana mo ola ngeena mo ola oto iꞌomu.

Tataroha Diana I Sulie A Jisas Kraes Nge A Luk E Uusue 13:21

E urihana noꞌone kele mei iis nge huꞌe e pwaie i laona nimei pulaoa oto paine, na ahutana e haro poꞌo mango mola aana e hane.”

Uusu-uusu A Pol Hurula'aa Hunie Mo Rom 6:16

Omu saie kaꞌu oto uri maholo omu ko toliꞌaasiꞌomu maraamiu huni iiꞌo i mamalutana nga iini na huni lulu i sulie, iinoni ngeena oto kei aalaha haahiꞌomu na omu saꞌa dau ike loꞌu mala saemiu. Oto, iꞌomu mola maraamiu eena. Omu sai iiꞌo mola i memelutana oorahaꞌaa hunie ke horo maesiꞌomu, wa omu sai iiꞌo i memelutana a God hunie ke haꞌa-oodohiꞌomu peꞌie maraana.