1 Korinit 5:10 - Tataroha Diana

¹⁰ Taꞌe nou kaꞌa unue ike uri omu ke oopa mwaanie mo puꞌo nge kire ko mei-mesi, wa kire ko sae-saehanalie mola toꞌo-toꞌolana ngaeta mwala, wa kire ko eeroa mwala mwaanie toꞌo-toꞌolada, wa kire ko palo-paloa mo nunui ola. Haꞌike. Aana mo iinoni mala ngeena, omu ko lae oto mwaanie walumalau ie haꞌalaa omu ko toliꞌaasire.

1 Korinit 5:10 Referans Kwoze

1 Korinit 10:27

Na loꞌu, mala uri nga iinoni ni puꞌo ko haaraiꞌomu huni lai ngeu peꞌie, na uri omu ko mwaꞌe-mwaꞌe ni lae, oto nga taa ko niie amiu, omu ke hele aana mola na omu ke suꞌuri dolosi loꞌu i sulie.

Haataꞌinge 12:9

taꞌe kire aasire mango oto mai aano i laona walumalau. Painehaꞌana mwaa ala-ala ngeena ola e uure oto mai i naꞌo. Na ingeie kaꞌu kie ko haa-haaraꞌinie a Pwelu Eero-eero wa a Satan. Na ingeie oto iini nge ko eeroa ahutana mwala aana walumalau huni lae i sulie mo tala aaela.

1 Jon 5:19

Kie manataꞌinie oto noꞌone uri ikie mo kalena God, maꞌalana ahutana mwala loꞌu i laona walumalau kire iiꞌo mola i mamalutana a Pwelu Eero-eero.

1 Jon 4:5

Ikire ngeena, kire uure mone aana walumalau, oto ere-erenga ikire ko uure mola mwaanie neꞌisaenga ni welumalau, na aena urine walumalau ko rongo oto hunire.

Pilipae 2:15

Na hunie omu ke iiꞌo oodotaꞌi, na tolahamiu ke diana aana omu neꞌi mwela maaꞌi a God oto, maꞌalana omu ko oꞌoꞌo ue i matolana mo iinoni ni oorahaꞌaa na tolahada e popoliꞌiliꞌi. Ikire, kire iiꞌo i laona rodohono, na iꞌomu oto raa-raa hunire,

Epesas 2:2

Aana maholona, omu lae oto mola i sulie mo tolahai ola aaela aana walumalau ienini. Omu lulu i sulie oto mola a Pwelu Eero-eero, nge ko aalaha haahie mo liꞌoa aaela, na ko auꞌesu i laona saena ahutana mo iini kire ko hei-heitohea a God.

2 Korinit 4:4

Kire kaꞌa hiiwalaimoli ike aana a Jisas, aena aana aalaha haahie walumalau ienini ko da mola manatada ko rodohono. Oto kire kaꞌa sai leesie ike raa-raangana Tataroha Diana nge ko raa haahire. Kire kaꞌa lio saie ike mei wala melu ko tarohaꞌinie i sulie manikuluhaꞌana a Kraes, iini e tohungei sada oto peꞌie a God.

1 Korinit 1:20

?Oto mala uri leune kei urine oto, mwala saenanau ke si ue eena? ?Mo haꞌa-uusuli na mo iini kire saenanau aana ere-haitelilinge kire ke si ue eena? Aana a God e haataꞌinie oto uri saenanaunge aana walumalau ie nga ola mola mwaakule, na e kaꞌa toꞌo aana ike nga loꞌongaꞌinge.

Tataroha Diana I Sulie A Jisas Kraes Nge A Jon E Uusue 8:23

A Jisas e aalamire oto ko teꞌuri, “Iꞌomu mwala mola aana walumalau mei aano ie ni ngeena, taꞌe ineu nou lae mai uure taꞌau i Lengi. Iꞌomu, omu uure mwaanie walumalau ie, taꞌe ineu, nou kaꞌa uure ike mwaanie walumalau ie.

1 Jon 4:7

Maeni iinoni maaꞌi ineu, kie ke manata diana hunikie hailiu, aana manata-diananga e uure aana God. Taꞌena nga iini ko mana-manata diana, nge ko haataꞌinie uri ingeie oto kalena a God na e saie a God.

Tataroha Diana I Sulie A Jisas Kraes Nge A Jon E Uusue 17:9

Oto no ko eitanaiꞌo talada. Nou kaꞌa aitanaiꞌo ike talana mwala aana walumalau ie, taꞌe no ko eitanaiꞌo talana mo iini o maire oto nakue, aena ikire mo iini iꞌoe ni ngeena.

Tataroha Diana I Sulie A Jisas Kraes Nge A Jon E Uusue 17:6

Oto a Jisas e si heꞌi aarengaꞌi loꞌu uuri, “Mamaꞌa, nou haataꞌinie oto walu ola i suliꞌo hunie mo iini o maire nakue mwaanie walumalau ie. Ikire mo iinoni iꞌoe, na o maire oto nakue. Oto kire tola oto i sulie walamu,

Tataroha Diana I Sulie A Jisas Kraes Nge A Jon E Uusue 15:19

Mala uri omu ke neꞌie mo iinoni aana walumalau, haꞌalaa walumalau e sai manata diana oto huniꞌomu, mala e manata diana hunie ahutana mo iini ingeie nge kire kaꞌa lae ike i sulie a God. Taꞌe aena aana omu kaꞌa uure ike aana walumalau, taꞌe nou lio hilisiꞌomu mwaanie walumalau, oto aena mei olana nge walumalau ko si ngiduupu huniꞌomu.

Tataroha Diana I Sulie A Jisas Kraes Nge A Luk E Uusue 18:11

Oto Parise ngeena e uure wau maraana mwaanie mwane susulu toꞌoha, ko si aarengaꞌi i sulie maraana, na ko teꞌuri, ‘God, no ko paalaheꞌo aana nou kaꞌa aaela ike mala ngaeta mwala. Nou kaꞌa urihana ike mwala nge kire sai peli, kire sai leu-leu ola, na kire ko mei-mesi. No ko paalaheꞌo aana nou kaꞌa urihana ike mwane susulu toꞌoha waune.

1 Korinit 5:9

Maeni eesiku, nou kaꞌa ere aaopa ike mwaanie nga taa nou unue oto wau i naꞌo. I laona uusu-uusu nge nou uusue kaꞌu weu huniꞌomu, nou unue oto uri omu ke suꞌuri hikusie mwala kire sai mesi.

1 Korinit 5:11

Nga taa nge nou ere urine aana, nge uri omu ke suꞌuri hikusie taꞌena nga iinoni ko unu-unue uri ingeie e hiiwalaimoli aana a Kraes, taꞌe ko aeꞌaeni ola mola, wa ko sae-saehanalie mola toꞌo-toꞌolana ngaeta mwala, wa ko palo-paloa mola mo god eero-eero, wa ko ere-ere aaelasie mola ngaeta mo iini, wa ko inu-inu wei ni pweunge mola, wa ko eeroa mola mwala mwaanie toꞌo-toꞌolada. Iini urine, maꞌalana aawenga wa ngaunge peꞌie, na omu ke suꞌuri esuie loꞌu.