1 Korinit 5:1 - Tataroha Diana

¹ Maeni eesiku, no ko rongo hailiu aana uri ngaeta iini eemiu ko esuie mei ola e tohungei aaela oto hiitoꞌo aana ko toꞌo aana loꞌu mola ngaeta huꞌe aamana mei ola oto maꞌalana mwala kire iiꞌo ni puꞌo na kire sai masa mola ni esuie.

1 Korinit 5:1 Referans Kwoze

Haataꞌinge 21:8

Taꞌe mwala kire ko meꞌuteꞌinie mola sapesalunge i tehulaꞌana Jisas, na mo iini kire ko eeliꞌu mola mwaanie a Jisas, na mo iini kire ko talei deu tataꞌala, na mo iini kire ko talei horo, na mo iini kire ko mei-mesi, na mo iini kire ko siꞌo-siꞌo, na mo iini kire ko palo-paloa mo god eero-eero, na mo iini kire ko eero-eero, kire kei meni iiꞌo mola i laona dunge ni haꞌamotaahinge aana mo heu eeso-eeso, na ruana nga maenga otona.”

Haataꞌinge 2:21

Nou niie maholo oto hunie a keine uri hunie ke oonisae mwaanie mo oorahaꞌaa ingeie, taꞌe e kaꞌa sare aaliꞌu ike loꞌu mwaanie aeni-olanga ngeena nge ko esuie hailiu peꞌie mwala.

Kolosi 3:5

Aena urine, omu ke horo aasie oto ahutana mo neꞌisaenga aaela mwaanie maurihaꞌamiu mala masinge, na dau-olanga taꞌe wau peꞌie nga iini, na hari-huninge ni sape, na saehanalilana mo ola aaela. Na omu ke suꞌuri saehanalie toꞌolana ngaeta mwala, aena aana palolana mo god eero-eero ni ngeena.

Epesas 5:3

Oto aeni-olanga peꞌie nga iinoni, wa taꞌena nga masinge loꞌu urine, wa saehanalilana toꞌo-toꞌolana ngaeta mwala, e kaꞌa tohungei adongamiu ike. Omu ke iiꞌo haꞌataulie mola taꞌena nga ola urine, hule aana nga iini kaꞌa sai kele siho aamiu aana nga mei ola urine, aana iꞌomu mo iinoni a God.

Kalesia 5:19

Na nga taa nge tolaha ni iinoni ko esuie, e matapwa taane mola, aana mwala nge ko lae mola i sulie saeda, kire ko mesi, na kire ko aeni ola, na kire ko deu mola i sulie taꞌena nga hari-huninge aana sape.

1 Tesalonaeka 4:7

Aana a God e kaꞌa haaraikie ike hunie iiꞌonga madaꞌa urine, taꞌe e saetoꞌo aana uri iiꞌolaka ke maaꞌi oto taꞌingelu.

2 Korinit 12:21

No ko maarara mwaanie uri mo iini hunge nge kire oorahaꞌaala kaꞌu waite, na kire kaꞌa oonisae ike mwaanie iiꞌonga madaꞌa, na aeni-olanga, na walu ola ni masanga nge kire ko esuiꞌine. Oto urine ne kei tohungei saehuu, na ne kei masa i maana God i tehulaꞌamiu.

1 Korinit 6:18

!Oto omu ke tahi oto haꞌataulie masinge! Mo iini nge kire ko esuie mo taungei oorahaꞌaa aaopa mwaanie aeni-olanga, kire kaꞌa waelie ike sapeda. Taꞌe mo iini nge kire ko esuie aeni-olanga, kire ko tohungei waelie oto sapeda maraada ni ngeena.

1 Korinit 6:13

Na nga mo iini loꞌu kire unue uuri, “Ngaulaa ola mola hunie iiaka ni ngeena, na iiaka ola mola huni hele aana ngaulaa.” E toꞌohuu taane, taꞌe a God kei haꞌamangoa mola e ro mei ola ngeena. Oto aana omu ko loꞌongaꞌinie uri mo hiolonga ni sape kire mani sada mola i maana God, nge omu unue uri masinge noꞌone e kaꞌa neꞌie ike nga mei ola. !Taꞌe haꞌike mwae! Sape mei ola huni esu nana Aalaha ni ngeena, na a Aalaha ko lio i sulie sapeka,

1 Korinit 6:9

?Uri omu kaꞌa saie ike mo iini nge helelada e tataꞌala kire saꞌa roroꞌa ni hele aana ike Aalahanga a God? Mwaanie omu neꞌi-neꞌisae takalo. Mo iini nge kire ko mei-mesi, wa kire ko palo-paloa mo ola aaopa mwaanie a God, wa kire ko aeꞌaeni ola, wa mo mwane nge kire ko deu mala mo repi, wa kire ko aeꞌaeni ola peꞌinie mo mwane mala ingeie,

1 Korinit 5:11

Nga taa nge nou ere urine aana, nge uri omu ke suꞌuri hikusie taꞌena nga iinoni ko unu-unue uri ingeie e hiiwalaimoli aana a Kraes, taꞌe ko aeꞌaeni ola mola, wa ko sae-saehanalie mola toꞌo-toꞌolana ngaeta mwala, wa ko palo-paloa mola mo god eero-eero, wa ko ere-ere aaelasie mola ngaeta mo iini, wa ko inu-inu wei ni pweunge mola, wa ko eeroa mola mwala mwaanie toꞌo-toꞌolada. Iini urine, maꞌalana aawenga wa ngaunge peꞌie, na omu ke suꞌuri esuie loꞌu.

Palonga 15:29

Omu ke suꞌuri ngaa nga mei ngeulaa nge uunu-olanga aana e lae i saana mo liꞌoa aaela, na omu ke suꞌuri ngeue mo epu, na omu ke suꞌuri ngeue taꞌena nga ola mauri nge liꞌoilana e lae, na omu ke suꞌuri aeni ola peꞌie nga iini. Oto kei tohungei diana oto liutaa i matolakaelu hunie omu ke lulu i sulie mo haꞌatolanga ienini. Oto saediananga paine huniꞌomu. Ingeie otona.

Palonga 15:20

Taꞌe hunie hanuelamanga ke iiꞌo i matolaka, e diana hunie kolu ke uusu-uusu mola hunire ni haꞌarongora uri kire ke suꞌuri esuie mo ola e lio mamaꞌelaꞌa aakaelu mo Jiu, mala ngaulana mo ngeulaa nge kire uunu ola aani i saana mo liꞌoa aaela, wa aeni-olanga peꞌie nga iini. Na kire ke suꞌuri ngeue taꞌena nga ola mauri nge liꞌoilana e lae hunie ke mae, na kire ke suꞌuri ngeue noꞌone nga mei epu.

2 Korinit 7:12

Oto maꞌalana nou uusue kaꞌu uusu-uusu ngeena, taꞌe nou kaꞌa uusue ike mola aena aana nou loꞌongaꞌinie iini nge e dau roroꞌanga ngeena. Na e kaꞌa ike mola aena aana nou loꞌongaꞌinie iini nge mei roroꞌanga e hite aana. Taꞌe nou uusue huniꞌomu hunie uri omu ke aamasitoꞌo aana manata-diananga iꞌomu hunieu, na aena aana nou unue uri leune ke da omu ke lio saie i maana a God uri omu ko neꞌisae paine aameelu toꞌohuu.

1 Korinit 1:11

No ko ere urine, maeni eesiku, i sulie ngaeta mwala aana uluhe kira Kloui ni kire haꞌarongoau uri omu ko talei haꞌa-ere oto mola tarau.

2 Korinit 2:5

Nou sereꞌi ere hiitoꞌo huniꞌomu haahie nga taa nge ngaeta mwane aamiu e dau aaelasie ngeena. Taꞌe mei roroꞌanga oto paine ni ngeena, na e kaꞌa asuie ike mola saehuunge hunieu, taꞌe oto liutaa, e da hunie ahutemiu mango.