1 Korinit 3:6 - Tataroha Diana

⁶ Oto ineu nge nou urihana mwane e hasie mo litei ola i laona hohola, na a Apolos nge e urihana mwane e danguhie mo litei ola ngeena aani wei. Taꞌe a God nge e asuie hunie kire ke mwaꞌora.

1 Korinit 3:6 Referans Kwoze

1 Korinit 1:30

Aena aana a God mone e si da omu lae mai neꞌi iinoni tararuru peꞌie a Jisas Kraes. Ingeie oto e lae mai huni niie saenanaunge a God hunikie, na ingeie mola ni e haꞌa-oodohikie peꞌie a God, na e haꞌamaaꞌikie, na e holikie mwaanie iiꞌonga i memelutana oorahaꞌaa.

1 Korinit 9:1

?Oto e ue maeni eesiku? ?Uri omu kaꞌa saie ike uri ineu nou sai esuie noꞌone taꞌena nga ola a God e toliꞌaasie hunikie mo iinoni? !Omu saie taane! Na hule aana omu saie taane noꞌone oto uri ineu nga hurulaꞌaa ni ienini. Na loꞌu omu meni saie oto uri ineu nou leesie Aalaha ikie a Jisas aana maaku. Iꞌomu oto mo tolimaa aana asunge ineu nana a Aalaha, aana omu ko aehota hiiwalaimoli oto i tehulaꞌana asunge ineu.

Palonga 19:1

Maholo a Apolos e iiꞌo ue aana huilume i Korinit i laona poꞌo ni henue i Akaea, a Pol e hane holo i henue e si lai hule aana huilume paine i Epesas, na ko oodoie ngaeta mo pwaarongoisuli.

Palonga 11:18

Na maholo kire rongoa a Pita ko ere-ere, oto kire kaꞌa unue ike loꞌu nga mei wala i sulie. Taꞌe kire ko lahea mola a God na kire ko teꞌuri, “!Maꞌalana mo Aapoloa Aaopa taꞌe a God e saetoꞌo aada noꞌone hunie kire ke oonisae na hunie kire ke toꞌo aana maurihe huu!”

1 Tesalonaeka 1:5

Aana maholo melu toolea mai Tataroha Diana huniꞌomu, melu kaꞌa toolea ike mai mola aani wala, taꞌe peꞌie nanamanga a Liꞌoa Maaꞌi, aana e haataꞌi diana aana aamiu uri e toꞌohuu. Na omu lio saie noꞌone urine aena aana mo ola melu euꞌesuiꞌi maholo melu iiꞌo peꞌiꞌomu, mo ola mola huni peꞌilemiu haliꞌite ni ngeena.

Uusu-uusu A Pol Hurula'aa Hunie Mo Rom 15:18

Taꞌe nou saꞌa ere toohaꞌinieu ike haahie nga mei ola loꞌu. Ne kei ere toohaꞌinie mola a Kraes na e haꞌananamaꞌaa walaku na asunge ineu hunie ne ke naꞌona mo Aapoloa Aaopa huni lulu i sulie a God.

Palonga 21:19

A Pol e unue saediananga ingeie hunire, e si ladoa ahutana mo ola nge a God e pwaoꞌi i matolana mo Aapoloa Aaopa aana asunge ingeie.

Palonga 18:24

Aana maholona noꞌone ngaeta mwane ni Jiu nge e hute aana huilume i Aleksandria ko lae mai hunie i Epesas, na satana a Apolos. E tohungei saenanau aana ere-luhesilana mo neꞌisaenga na e tohungei saenanau noꞌone aana mo Uusu-uusu Maaꞌi.

Palonga 16:14

Na ngaeta huꞌe aada satana a Lidia keni ni Taeataera. Ingeie ngaeta keni aana mo Aapoloa Aaopa, na asunge ingeie oto huni haꞌaholingeꞌinie mo sala nonoroꞌa holiteni e paine oto liutaa. Ingeie ko palo-paloa noꞌone a God, na maholo ko pwaa-pwaarongo i sulie a Pol, a God e tahanie manatana hunie ke hiiwalaimoli aana mo erenga a Pol.

Palonga 14:27

Oto maholo kirerue hule loꞌu i Antiok kire si lokoa ahutana mo iini aana soihaadaꞌinge. Na kire ladoa ahutana walu ola nge a God e asuiꞌi hunirerue, aana e tahanie ngaeta maa aana hiiwalaimolinge hunie mo Aapoloa Aaopa ke sili noꞌone mai i sulie.

1 Korinit 1:12

Ngaeta mo iini eemiu ko unu-unue uuri, “Ineu aana aapa a Pol.” Na ngaeta mo iini loꞌu uuri, “Ineu aana aapa a Apolos.” Na ngaeta mo iini loꞌu uuri, “Ineu aana aapa a Pita.” Na ngaeta mo iini loꞌu uuri, “Ineu aana aapa a Kraes.”

1 Korinit 3:7

Oto iini ko hesie mo lite na iini ko denguhiꞌi ikire mo mwane mwaakule mola, taꞌe a God ni e paine liutaa, aana ko esuie mo lite ngeena hunie kire ke mwaꞌora.

Epesas 3:17

na hunie a Kraes ke iiꞌo susu i laona manatamiu aani hiiwalaimolinge aana. No ko eitanai talamiu uri manata-diananga a Kraes huniꞌomu ke neꞌi imi-imine mauringe iꞌomu hunie omu ke uure maꞌutaꞌa.