1 Korinit 3:21 - Tataroha Diana

^21-22 Oto aena urinena, maeni eesiku, omu ke suꞌuri ere toohaꞌinie asunge nga iinoni. Maꞌalana ineu a Pol, wa a Apolos, wa a Pita, taꞌe a God e uusungeꞌiniꞌemeelu mola huni peꞌiꞌomu. Na e toꞌohuu oto uri e niie oto ahutana walu ola namiu, hule aana walumalau, na mauringe, na maenga, na maholo siꞌiri, na maholo ko lae ue mai. Ahutana mo ola ngeena mo ola oto iꞌomu.

1 Korinit 3:21 Referans Kwoze

Uusu-uusu A Pol Hurula'aa Hunie Mo Rom 8:32

A God e kaꞌa saenie ike nga mei ola mwaanikie, kaꞌu hule aana e toliꞌaasie a Kalena hunie ke mae huni haꞌa-uurikie. Oto leune ko haataꞌinie uri a God kei tohungei nii mwaakule mola aana ahutana mo ola diana ingeie hunikie.

1 Korinit 4:6

Maeni eesiku maaꞌi, walu ola ienini no ko unuꞌi i suliꞌemereꞌi a Apolos hunie omu ke saenanau aana tolahamereꞌi. Ngaeta mei wala e teꞌuri, “Mwaanie omu liue nga taa uusulana e lae i laona Uusu-uusu Maaꞌi.” Mala uri omu kei teꞌurine, nge omu saꞌa unu-unue ike uri nga iini e paine liutaa aana nga iini, na omu saꞌa toohaꞌiniꞌomu ike maraamiu aana omu ko lae i sulie iini nge omu unue e paine, na omu saꞌa ere aaelasie loꞌu nga iini.

Uusu-uusu A Pol Hurula'aa Hunie Mo Rom 8:28

Na kie saie loꞌu uri a God ko esu i lalo aana ahutana walu ola ko reu-reu hunie ke haꞌadianaꞌakie, mo iini e soikie oto i sulie oalaꞌinge ingeie na kie ko manata diana hunie.

Haataꞌinge 21:7

Taꞌena nga iini nge kei aꞌailaꞌa taraꞌasi honosie aaelanga kei toꞌo aana mo ola ienini. Na ne kei neꞌie oto God ingeie, na ingeie kei neꞌie oto kaleku.

Uusu-uusu A Pol Hurula'aa Hunie Mo Rom 4:13

A God e haiholotaꞌinie hunie a Ebraham na mo weuwana mai puri uri kei niie walumalau nada. Taꞌe e kaꞌa asuie ike leune urine i tehulaꞌana a Ebraham e lulu i sulie mo Haꞌatolanga. !Haꞌike! Taꞌe e asuie mola aena aana a Ebraham e toꞌo aana oodotaꞌinge nge niilana ko lae hunie mo iini kire hiiwalaimoli aana God.

2 Korinit 4:5

Iꞌemeelu, melu kaꞌa laeliwala ike mola i suliꞌemeelu maraameelu, taꞌe melu ko laeliwala aana a Jisas Kraes uri ingeie oto Aalaha, na iꞌemeelu mo iinoni euꞌesu iꞌomu mola aana melu ko lulu i sulie a Jisas.

2 Korinit 4:15

Melu ko mwaꞌe-mwaꞌe ni sapesalu urine huni peꞌiꞌomu, na hunie mwala oto hunge kire ke sai diana aana hahuꞌana manata-diananga a God hunire. Urine mwala oto hunge loꞌu kire ke si soi haꞌamanikuluꞌaa God peꞌi paalahelana.

2 Korinit 6:10

Aena aana mo aasanga ngeena, e malisine oto melu ke sae-saehuu, taꞌe melu ilenimwaꞌe mola tarau. Melu sai meitale taane, taꞌe melu ko peꞌie mola mwala hunge hunie kire ke toꞌo-toꞌo loꞌu. Melu kaꞌa toꞌo aana ike taane nga mei ola, taꞌe melu ko si toꞌo aana mola ahutana walu ola mango.