1 Korinit 3:18 - Tataroha Diana

¹⁸ Oto omu ke suꞌuri neꞌi-neꞌisae aaela i sulie mei ola ienini. Mala uri nga iini eemiu ko neꞌi-neꞌisae uri e saenanau aana saenanaunge ni welumalau, e diana oto liutaa hunie iinoni ngeena ke tohungei toli puri aana saenanaunge ngeena maꞌalana mwala ko haaraꞌinie aana “Pweu.” Oto ke si hule aana saenanaunge toꞌohuu.

1 Korinit 3:18 Referans Kwoze

Kalesia 6:3

Na mala uri nga iini ko loꞌongaꞌinie uri ingeie oto e paine liutaa, nge ko talei eero-eeroa mola maraana na hule aana ingeie iinoni mwaakule noꞌone mola.

Jemes 1:22

Taꞌe omu ke asuie nga taa nge a God e unue huniꞌomu, na omu ke suꞌuri talei rorongo aasie mola, aana ko urine nge omu ko haꞌapweuꞌomu mola maraamiu ni ngeena.

Tataroha Diana I Sulie A Jisas Kraes Nge A Luk E Uusue 18:17

Toꞌohuu no ko unue huniꞌomu uri mala nga iini e kaꞌa haꞌamwai-mweiꞌaa mala mo mwela mwai-mwei nge e saꞌa roroꞌa sili ike i laona Aalahanga a God.”

Matiu 18:4

Aena aana nga iini oto ko haꞌamwai-mweiꞌaa mala kele mwela ie, ingeie oto kei tohungei peine aana Aalahanga a God.

Tataroha Diana I Sulie A Jisas Kraes Nge A Mak E Uusue 10:15

Toꞌohuu no ko unue huniꞌomu uri mala nga iini e kaꞌa haꞌamwai-mweiꞌaa mala mo mwela mwai-mwei, nge e saꞌa roroꞌa sili ike i laona Aalahanga a God.”

Jemes 1:26

Mala nga iini ko loꞌongaꞌinie uri ingeie nga mwane aana soihaadaꞌinge, taꞌe e kaꞌa kinetaꞌinie erenga aana meana, nge urine ko talei haꞌapweue mola maraana, na asunge ingeie aana soihaadaꞌinge, nga ola toꞌohuu haꞌike.

Taetas 3:3

Aana tolahaka ke aaopa oto mwaanie tolahaka wau i naꞌo. Holaꞌinaꞌo kie pweu-pweuaꞌa noꞌone mola mala mo puꞌo, na kie haitohe oto mola tarau. Pwelolaka e si lae mola aana kie hari hunie mola taꞌena nga ola aaela nge kie loꞌongaꞌinie uri kie kei iiꞌo oto mola peꞌie ilenimwaꞌenga haahiꞌi. Kie tola i sulie mola mo saehanalinge ikie tarau, oto kie ko haꞌaweokie mola mwaakule na kie kaꞌa tarie ike nga mei ola diana aani. Kie iiꞌo oto mola peꞌie heotaꞌinge na asuilana taꞌena nga tolahai ola tataꞌala. Na kie iiꞌo oto mola peꞌie liongai maanga hunikie hailiu.

Epesas 5:6

Omu ke suꞌuri toliꞌaasie nga iini ke haꞌapweuꞌomu uri mo ola ngeena kire kohi mola, aana a God kei saewasulie mwala nge kire kaꞌa sai tola i sulie, na kei haꞌaloire haahie kire ko esuie mo ola urine.

1 Korinit 6:9

?Uri omu kaꞌa saie ike mo iini nge helelada e tataꞌala kire saꞌa roroꞌa ni hele aana ike Aalahanga a God? Mwaanie omu neꞌi-neꞌisae takalo. Mo iini nge kire ko mei-mesi, wa kire ko palo-paloa mo ola aaopa mwaanie a God, wa kire ko aeꞌaeni ola, wa mo mwane nge kire ko deu mala mo repi, wa kire ko aeꞌaeni ola peꞌinie mo mwane mala ingeie,

1 Korinit 4:10

Oto mwala nge kire leesiꞌemeelu kire ko loꞌongaꞌinie uri melu ko pweu aana melu iiꞌo peꞌie a Kraes. ?Taꞌe e ue aana iꞌomu? ?Uri omu saenanau oto aena aana iꞌomu peꞌie a Kraes? !Neꞌewau oto! Iꞌemeelu, melu tataku mola, taꞌe iꞌomu nge omu aꞌailaꞌa.

1 Jon 1:8

Mala nga iini ko unue uri e kaꞌa oorahaꞌaa ike, nge iinonine ko eeroa mola maraana ni ngeena, na walaimolinge e kaꞌa iiꞌo ike aana.

2 Timoti 3:13

Taꞌe mwala tataꞌala nge kire ko haꞌapweue mola mwala, kire kei hunge oto loꞌu liutaa. Kire kei aaela oto loꞌu, na kire kei lae peꞌi eeroa mwala oto hiitoꞌo, taꞌe lae-lae na mwala kei haro pwelora loꞌu noꞌone.

Kalesia 6:7

Na mwaanie omu loꞌo-loꞌongaꞌi takalo i sulie leinge a God. Nga iini e saꞌa roroꞌa pweloa ike a God wa ke eeroa haahie nga mei ola e asuie. Iinoni kei soꞌokonie mola nga moi taa e hasiꞌi.

1 Korinit 15:33

Maeni eesiku, mwaanie mwala urine e eero-eeroꞌomu. Aamasitoꞌo kaꞌu aana mei neꞌisaenga uuri, “Hikusilana mo iinoni aaela e sai waelie tolaha diana iꞌomu.”

Uusu-uusu A Pol Hurula'aa Hunie Mo Rom 12:16

Omu ke iiꞌo diana mola peꞌie ahutana mwala. Mwaanie omu too-toohaꞌiniꞌomu, taꞌe omu ke mwaꞌe-mwaꞌe mola ni deu i sulie taꞌena nga mei esunge wa huni heꞌimalahune peꞌie taꞌena nga iini. Na mwaanie omu loꞌo-loꞌongaꞌinie uri iꞌomu oto omu saenanau.

Uusu-uusu A Pol Hurula'aa Hunie Mo Rom 11:25

Maeni eesiku maaꞌi, saeku uri omu ke sai diana aana oalaꞌinge a God nge mwala kire kaꞌa saie ike oto i naꞌo. No ko ladoa namiu oto ienini mwaanie omu toohaꞌiniꞌomu maraamiu na omu loꞌo-loꞌongaꞌinie uri omu diana loꞌu liutaa aana mo Jiu. Tolahai ola nge e da saena mo Jiu e hau ngeena e kaꞌa maꞌutaꞌa ike, taꞌe kei iiꞌo haꞌawali mola. A God ko maaꞌoohie mola iidu-iidunge ke ahu aana mo iinoni e lio hilisire mwaanie mo Aapoloa Aaopa,

Tataroha Diana I Sulie A Jisas Kraes Nge A Luk E Uusue 21:8

Oto a Jisas ko teꞌuri, “Omu ke lio talamiu mwaanie nga iini e eeroꞌomu. Aana mo iini hunge kei lae mai aana sataku, na kire kei unue uuri, ‘Ineu oto a Kraes,’ na loꞌu uuri, ‘Pongi e hule oto.’ Taꞌe omu ke suꞌuri rongo hunire wa omu ke lae i sulire.

Matiu 13:22

Nga mo iini loꞌu manatada e urihana mei mwakano e honu aana walo kau-keu ngeena, kire rongoa noꞌone walana God, taꞌe kire neꞌisae painesie mola mau-meuringe aana walumalau. Kire tolahiꞌe, na kire saetoꞌo aana mola toꞌo-toꞌonga, na kire ko saehanalie taꞌena nga ola. Oto mo wala diana ngeena kire kaꞌa pwito kohi, na kire kaꞌa hungu ike loꞌu.

1 Korinit 3:17

Mala uri nga iini kei waelie nume maaꞌi ngeena, a God kei tohungei waelie oto noꞌone. Aana nume maaꞌi a God ngeena e tohungei maaꞌi, na iꞌomu oto nume maaꞌi a God.