1 Korinit 3:16 - Tataroha Diana

¹⁶ !Haꞌike eena! ?Uri omu kaꞌa saie ike uri soihaadaꞌinge iꞌomu e neꞌi nume maaꞌi a God? !Iau, e toꞌohuu oto aana Liꞌoa Maaꞌi e iiꞌo i lalo aamiu!

1 Korinit 3:16 Referans Kwoze

1 Korinit 6:19

?Uri omu kaꞌa saie ike uri sapemiu nge oto nume maaꞌi a Liꞌoa Maaꞌi? E iiꞌo oto i lalo aamiu, aana a God e niie huniꞌomu. Oto sapemiu kaꞌa toꞌo-toꞌolamiu ike loꞌu maraamiu,

2 Korinit 6:16

?Wa mo liꞌoa aaela kei iiꞌo i laona nume maaꞌi a God uri taa? Oto kie ke suꞌuri hata-hata peꞌie mo iini kire kaꞌa hiiwalaimoli, aana ikie oto nume maaꞌi a God Meu-meuriꞌe. Iau, kie neꞌie oto nume maaꞌi a God, aana a God maraana e unue uuri, Ne kei iiꞌo oto peꞌie mwala ineu, na ne kei aawe-aawe oto i matolada. Ne kei neꞌie oto God ikire, na ikire kire kei neꞌie oto mwala ineu. Levitikas 26:12

Uusu-uusu A Pol Hurula'aa Hunie Mo Rom 8:11

Liꞌoa Maaꞌi a God nge e taꞌe aalihoꞌi aana Jisas Kraes loꞌu mwaanie maenga, na ingeie oto e iiꞌo i lalo aamiu. Na mala a God e taꞌelaꞌinie sapena Kraes, nge kei taꞌelaꞌinie loꞌu sapemiu nge e mamaelaꞌa, aana Liꞌoa Maaꞌi nge e iiꞌo i lalo aamiu.

Tataroha Diana I Sulie A Jisas Kraes Nge A Jon E Uusue 14:17

Na ingeie Liꞌoa aani walaimolinge otona. Mo iinoni aana walumalau saꞌa takuhie ike, aena aana kire saꞌa lio saie ike wa kire ke manataꞌinie. Taꞌe iꞌomu, omu manataꞌinie oto, aena aana e iiꞌo oto peꞌiꞌomu na kei iiꞌo i lalo aamiu.

Uusu-uusu A Pol Hurula'aa Hunie Mo Rom 8:9

Taꞌe iꞌomu, omu kaꞌa iiꞌo ike loꞌu aana mo tolahai iinoni aaela urine. !Haꞌike oto! Omu iiꞌo oto i sulie tolahana a Liꞌoa Maaꞌi, aana Liꞌoa Maaꞌi a God e iiꞌo oto i lalo aamiu. Na mala uri nga iinoni e kaꞌa toꞌo aana ike Liꞌoa a Kraes i lalo aana, ingeie nga iinoni a Kraes haꞌike oto eena.

1 Pita 2:5

Urine iꞌomu noꞌone omu ke urihana mo heu hunie nume a God. Na neꞌisaenga aana nume a God oto ahutana mo iinoni nge kire ko lulu i sulie aana nanamanga a Liꞌoa Maaꞌi, nge soihaadaꞌinge a God otona. Iꞌomu aana soihaadaꞌinge a God, omu meni neꞌie oto mwala maaꞌi nge kire sai lae oodo taꞌau i naꞌona a God huni uunu-uunu ola i saana. Iau, omu meni neꞌi pris oto, na aana peꞌinge a Jisas Kraes mone, mo ola diana omu ko esuiꞌi nana kire neꞌie mo uuraaꞌinge nge a God ko ilenimwaꞌe haahiꞌi ngeena.

2 Timoti 1:14

Aana a God e niie oto walaimolinge diana i sulie a Jisas ngeena namue. Oto o ke lio i suli diana aana, na a Liꞌoa Maaꞌi i lalo aaka kei peꞌiꞌo.

Hibru 3:6

Taꞌe a Kraes mone Kalena God, na ingeie oto ko aalaha haahie uluhe aana nume a God, na ko tohungei lio i suli diana aana. Na ikie oto uluhe aana nume a God ngeena, mala uri kie kaꞌa mou-mou ike aani hiiwalaimolinge na kie ko maaꞌoohi susutoꞌo peꞌie norutoꞌonga aana Kraes oto taraureꞌi.

1 Jon 4:12

Maꞌalana nga taꞌa-taꞌa iinoni e kaꞌa leesie ue a God, taꞌe mala uri kie ko manata diana hunikie hailiu, nge a God ke si iiꞌo oto i lalo aaka, na manata-diananga ingeie ko tohungei eehu diana oto i lalo aaka.

Uusu-uusu A Pol Hurula'aa Hunie Mo Rom 6:3

Nou saie uri omu sai diana aana taane mola uri maholo kie loto maaꞌi e haataꞌinie uri kie lado oto peꞌie a Jisas Kraes, na hule aana e urihana kie mae oto noꞌone peꞌie maholo e mae.

1 Korinit 9:24

Oto omu ke saie, maꞌalana mwala hunge kire ko heli aana hurunge, taꞌe taꞌa-taꞌa mwane mola kei toolea waaite. Oto ahutemiu, omu ke huru diana hunie omu ke toolea waaitemiu.

1 Korinit 9:13

Omu saie taane oto uri mwala kire ko esu i laona Nume Maaꞌi, kire sai toolea mola mo ngeulaa i Nume Maaꞌi ngeena. Na mo iini ko uunu-uunu ola i lengine ora ni uunu-uunu, kire sai toolea noꞌone mola nga mo kele aapai ola aana mo uuraaꞌinge ikire ngeena.

1 Korinit 6:9

?Uri omu kaꞌa saie ike mo iini nge helelada e tataꞌala kire saꞌa roroꞌa ni hele aana ike Aalahanga a God? Mwaanie omu neꞌi-neꞌisae takalo. Mo iini nge kire ko mei-mesi, wa kire ko palo-paloa mo ola aaopa mwaanie a God, wa kire ko aeꞌaeni ola, wa mo mwane nge kire ko deu mala mo repi, wa kire ko aeꞌaeni ola peꞌinie mo mwane mala ingeie,

1 Korinit 6:16

Omu saie taane nga iini kei maꞌahu peꞌie nga repi, kirerue kei neꞌie oto taꞌa-taꞌa mei sape, aana Uusu-uusu Maaꞌi e teꞌuri, E ro ola ngeena kei neꞌie oto taꞌa-taꞌa mei sape. Jenesis 2:24

1 Korinit 5:6

Omu saie taane mei wala nge e unue uuri, “Kele mei iis oto mola mwai-mwei e ado oto huni esuie nimei pulaoa laku hunie kei hane i lengi.” Oto urine noꞌone, e kaꞌa ado ike hunie omu ke toohaꞌiniꞌomu, aena aana aaelanga ngeena e sai sikihie ahutemiu mango-mango.

Jemes 4:4

!Iꞌomu, omu urihana huꞌe nge ko hele roroꞌanga, aana omu kaꞌa hahuꞌei toꞌohuu ike nana God! ?Ohe omu kaꞌa saie ike uri hari-hunilana walumalau e urihana mola leledilana a God? Nge mala uri nga iini ko heꞌimalahune peꞌie walumalau ie, nge ko neꞌie maraana uri ko heli peꞌie a God.

Uusu-uusu A Pol Hurula'aa Hunie Mo Rom 6:16

Omu saie kaꞌu oto uri maholo omu ko toliꞌaasiꞌomu maraamiu huni iiꞌo i mamalutana nga iini na huni lulu i sulie, iinoni ngeena oto kei aalaha haahiꞌomu na omu saꞌa dau ike loꞌu mala saemiu. Oto, iꞌomu mola maraamiu eena. Omu sai iiꞌo mola i memelutana oorahaꞌaa hunie ke horo maesiꞌomu, wa omu sai iiꞌo i memelutana a God hunie ke haꞌa-oodohiꞌomu peꞌie maraana.

1 Korinit 3:9

Aana iꞌemereꞌi e ro mwane nge mere ko esu tararuru nana a God, na iꞌomu oto domana hohola ingeie. Na iꞌomu domana oto noꞌone nume a God.

1 Korinit 3:17

Mala uri nga iini kei waelie nume maaꞌi ngeena, a God kei tohungei waelie oto noꞌone. Aana nume maaꞌi a God ngeena e tohungei maaꞌi, na iꞌomu oto nume maaꞌi a God.

1 Timoti 3:15

mwaanie nga mei ola e uure honosieu. Oto uusu-uusu ie ke haataꞌinie huniꞌo tolahai iinoni diana aana uluhe iinoni a God. Na uluhe ngeena oto soihaadaꞌinge a God Mau-meuriꞌe, na ikie oto soihaadaꞌinge ngeena. Ikie oto kie ko kakalie walaimolinge i sulie a God, hunie walaimolinge ngeena ke uure maꞌutaꞌa mala poo-pootana nume.