1 Korinit 15:58 - Tataroha Diana

⁵⁸ Aena urinena, maeni eesiku maaꞌi, omu ke uure maꞌutaꞌa mola na omu ke suꞌuri esu oolo-oolo. Omu ke asu susuleꞌi mola nana Aalaha ikie. Aana omu saie oto uri nga taꞌa-taꞌa mei ola omu ko euꞌesuie nana Aalaha, e saꞌa mango ike mola mwaakule.

1 Korinit 15:58 Referans Kwoze

Kalesia 6:9

Oto kie ke suꞌuri poosuaꞌa aana asuilana mo ola diana, aana kie kei hele aana soꞌokoninge aana maurihe huu taane aana maholo hunie, mala uri kie kaꞌa lalawasie ike.

Hibru 6:10

Aana leinge a God e oodo oto taꞌingelu na e kaꞌa sai pulongosie ike asunge iꞌomu na manata-diananga nge omu haataꞌinie hunie mwala i tehulaꞌana a Kraes. E lio saie mola uri omu peꞌi-peꞌi diana aana mo iinoni ingeie, na uri omu ko lae-lae ue aana peꞌinge huniꞌomu heiliu.

Pilipae 2:16

aani laeliwalanga nada aana mei wala nge e sai niie maurihe huu hunire. Na mala uri omu ko teꞌurine, nge ne kei tohungei ilenimwaꞌe aana hai dinge a Kraes kei ooli mei, aena aana ne kei saie uri nou kaꞌa huru mwaakule ike taane aana asunge ineu i matolamiu.

1 Korinit 3:8

Oto mwane ko hesi lite na mwane ko dengu wei, kire ko meni esu tararuru mola hunie taꞌa-taꞌa mei neꞌisaenga, na a God ke si waairerue i sulie asunge ikirerue.

Kolosi 1:23

Taꞌe kei toꞌohuu urine aamiu mola mala uri omu ko tohungei uure aꞌailaꞌa taraꞌasi aani hiiwalaimolinge peꞌi norutoꞌonga, na omu ke maaꞌoohi susutoꞌo mola hunie haiholotaꞌinge a God huniꞌomu nge omu rongoa oto aana Tataroha Diana. Na nou hiiwalaimoli kei toꞌohuu oto urine aamiu. Na tarohaꞌinilana taꞌa-taꞌa Tataroha Diana ngeena ko lae aana taꞌena nga leu i laona walumalau, na ineu a Pol, nou neꞌie koni-konihe aana Tataroha Diana ngeena huni lae peꞌie laeliwalanga aana.

1 Tesalonaeka 1:3

Oto tarau aana aarengaꞌinge iꞌemeelu hunie a God Aamaka, melu ko aamasitoꞌo aana mo tolahai iinoni diana nge omu ko lulu i suliꞌi i sulie hiiwalaimolinge iꞌomu aana a Jisas, na mo weonga iꞌomu i tehulaꞌana omu manata diana hunie a God. Na melu ko loꞌongaꞌinie noꞌone uuranga aꞌailaꞌa iꞌomu aani norutoꞌonga aana a Jisas Kraes Aalaha ikie.

1 Korinit 16:10

Mala uri a Timoti ko hule i seemiu, omu ke lio i suli diana aana, aena aana ingeie ko esu noꞌone nana Aalaha ikie mala ineu.

1 Tesalonaeka 3:12

Saemeelu uri a Aalaha ke da manata-diananga iꞌomu ngeena ke aꞌailaꞌa huniꞌomu heiliu na hunie taꞌena nga iinoni loꞌu, mala manata-diananga iꞌemeelu huniꞌomu e paine loꞌu liutaa.

Kolosi 2:7

Omu ke iiꞌo susu oto i lalo aana Kraes mala nga ai imi-imine e susu i aano. Na hiiwalaimolinge iꞌomu ke susu na ke aatosara loꞌu aana mo ola nge haꞌa-uusulilemiu e lae aani, na omu ke paa-paalahea God taraureꞌi suli maholo.

2 Korinit 7:1

Maeni iinoni maaꞌi, ahutana mo heiholotaꞌinge ngeena a God e niiꞌi oto hunikie. Aena urine kie ke kinetaꞌinikie maraaka mwaanie walutana nga ola madaꞌa nge e sai haꞌamadaꞌaa maurihaꞌaka, na mwaanie kie asuie taꞌena nga ola aaela wa kie neꞌisae aaela hunie nga iini. Na aena aana kie haꞌamaꞌu aana God, kie ke lulu i sulie oto tolahana e maaꞌi.

1 Tesalonaeka 4:1

Oto leu ooreta, maeni eesiku maaꞌi, melu haꞌananauꞌomu oto aana tala omu kei lulu i sulie hunie uri a God ke saemango haahiꞌomu, na omu ko lulu i sulie taane oto tala ngeena. Taꞌe aana satana Aalaha ikie a Jisas, melu ko eitanaiꞌomu loꞌu uri hunie omu ke tohungei lulu i suli diana aana loꞌu liutaa.

Taetas 2:14

aana e toliꞌaasie maraana hunie ke mae honotaka, na hunie ke tola aalihoꞌi aaka mwaanie mo oorahaꞌaanga ikie. E haꞌarereꞌakie oto hunie kie ke neꞌi iinoni oto ingeie, hunie kie ke tohungei iiꞌo oodotaꞌi aani esuilana mo ola diana oto tarau.

2 Pita 3:14

Maeni eesiku maaꞌi, aena aana omu ko iiꞌo peꞌi maaꞌoohilana mone walu ola urine kei reu, nge omu ke tohungei esu waaꞌiniꞌini hunie omu ke toꞌo aana hanuelamanga toꞌohuu peꞌie a God. Mau-meuringe iꞌomu ke diana, na omu ke iiꞌo oodotaꞌi oto i maana.

Kolosi 2:5

Aana maꞌalana nou kaꞌa iiꞌo ike peꞌiꞌomu aani sape, taꞌe ineu taane peꞌiꞌomu aani liꞌoa, na no ko ilenimwaꞌe huni leesie iiꞌolamiu e diana na hiiwalaimolinge iꞌomu e aꞌailaꞌa taane aana a Kraes.

Hibru 3:14

Aana kie kei meni aalaha peꞌie a Kraes mala uri kie kei hele susuleꞌi mola aana hiiwalaimolinge nge kie holaꞌi hele aana lae hule i haꞌamangolana.

1 Tesalonaeka 3:3

Melu sereꞌinie uri nga iini eemiu ke toli puri aana hiiwalaimolinge ingeie i tehulaꞌana taungeꞌinilemiu nge ko lae ngeena. Iꞌomu maraamiu na omu saie oto uri taungei ola mala ngeena kei reu urine aaka,

Pilipae 1:9

Na no ko eitanaie a God talamiu hunie manata-diananga iꞌomu ke paine loꞌu liutaa, na omu ke honu eeni saenanaunge hunie lio sai-olanga diana.

2 Tesalonaeka 1:3

Maeni eesiku maaꞌi, melu ko paalahea God mola tarau haahiꞌomu. Na e diana hunie melu ke asuie urine, aana hiiwalaimolinge iꞌomu ko peine aꞌailaꞌa mola i suli maholo, na manata-diananga nge omu toꞌo aana huniꞌomu heiliu ko lae peꞌi peine noꞌone loꞌu tarau.

Pilipae 1:11

Oto omu ke si honu aana hue-huana oodotaꞌinge nge a Jisas Kraes maraana haꞌalaa ko niie, aani esuilana mo ola diana hunie mwala ke haꞌamanikuluꞌaa God peꞌi paalahelana haahiꞌi.

Pilipae 4:17

Nou kaꞌa unue ike leune mola uri hunie omu ke nii huni peꞌieu tarau, taꞌe saeku mola uri waaite nge a God kei niie huniꞌomu ke paine.

Kalesia 4:11

Oto no ko tohungei maarara mola mwaanie uri nou haꞌaweoau mola peꞌiꞌomu.

1 Tesalonaeka 3:5

Aena mei olana nge nou tohungei tolahiꞌe aana, na nou uusungeꞌinie oto wau a Timoti hunie ke lae oto wau i leesie hiiwalaimolinge iꞌomu e uri taa. Aana nou maarara mwaanie uri omu domu aana maholo a Pwelu Eero-eero e malaahongamiu, na urine asunge iꞌemeelu namiu e totowai mola.

Pilipae 2:30

Aana ingeie e toliꞌaasie maraana, mala oto e karaꞌi mae i tehulaꞌana asunge a Kraes, hunie ke peꞌieu oolisiꞌomu, aana e aasa oto huniꞌomu huni peꞌieu aana maholona.

Tataroha Diana I Sulie A Jisas Kraes Nge A Mak E Uusue 3:3

Oto a Jisas ko teꞌuri hunie mwane kiꞌine e heko ngeena, “O ke uure kaꞌu i naꞌona mwala.”

Tataroha Diana I Sulie A Jisas Kraes Nge A Luk E Uusue 19:19

Oto aalaha ingeie ko teꞌuri hunie, ‘Urine, iꞌoe o kei aalaha haahie e lime huilume ineu.’