1 Korinit 15:10 - Tataroha Diana

¹⁰ Taꞌe aana niinge ni hahuꞌana manata-diananga a God e lae hunieu mone, no ko oꞌoꞌo urine ue ie. Na manata-diananga a God hunieu e kaꞌa waetaꞌi ike taane mola mwaakule, aana nou lae peꞌi esu oto hiitoꞌo loꞌu liutaa aada mo hurulaꞌaa. Taꞌe nou kaꞌa asuie ike taane tohuku, aana niinge a God mone ko peꞌieu huni esuie leune urine.

1 Korinit 15:10 Referans Kwoze

Pilipae 4:13

Ko lae urine aena aana nanamanga nge a Kraes e niie hunieu, nge ko haꞌa-aꞌailaꞌaau huni lio oodoie taꞌena nga ola kei reu eeku.

2 Korinit 3:5

Melu kaꞌa toꞌo aana ike nga mei ola tohumeelu hunie melu ke malisine asunge paine ngeena. A God mone e si da melu ke malisine asunge ngeena.

Pilipae 2:13

Aena aana a God ni ko esu i lalo aamiu urine, huni haꞌamwaꞌe-mwaꞌeꞌomu, na hunie omu ke sai tola i sulie tolahana maraana.

Kalesia 2:8

Aana a God nge e niie nanamanga hunie a Pita huni esu mala nga hurulaꞌaa nana mo Jiu, ingeie nge e niie noꞌone nanamanga ngeena hunieu huni esu mala nga hurulaꞌaa nana mo Aapoloa Aaopa.

Uusu-uusu A Pol Hurula'aa Hunie Mo Rom 12:3

Aana a God e manata diana mone hunieu, nge e lio hilisieu mala Hurulaꞌaa ingeie huniꞌomu mo Aapoloa Aaopa, na e niie noꞌone mei wala ienini hunie ne ke unue huniꞌomu uri nga iini eemiu ke suꞌuri neꞌi-neꞌisae toohaꞌinie maraana, taꞌe omu ke neꞌi-neꞌisae toꞌohuu mola, na omu ke totohoꞌomu maraamiu mola aana hiiwalaimolinge nge a God e niie huniꞌomu e paine uri taa.

2 Korinit 12:11

No ko deu oto mala pweu aana nou ere toohaꞌinieu urine, taꞌe iꞌomu ni omu ko si da no ko teꞌurine. Aana e malisine uri omu ke lalado diana oto i sulie asunge ineu, taꞌe omu rohu mola. Ineu nou kaꞌa adona ike taane nga mei ola, taꞌe aena aana nanamanga a God e iiꞌo i lalo aaku, oto mo hurulaꞌaa paine nge omu tohungei saetoꞌo aada ngeena, na kire kaꞌa paine ike liutaa aaku aana nga mei ola oto ooꞌoo.

2 Korinit 6:1

Oto aani esunge tararuru peꞌie a God, melu ko eitanaiꞌomu, mo iini omu hele aana oto niinge paine a God ngeena, mwaanie omu toliꞌaasie niinge paine ngeena e totowai mola.

1 Korinit 4:7

!Sei! ?Iꞌoe o aaopa kaꞌu uri taa? ?A tei kaꞌu e haꞌaholaꞌo? ?Na nga mei taa kaꞌu ni o toꞌo aana nge a God e kaꞌa haꞌa-aakaurisiꞌo aana? ?Taꞌe aana uri ko haꞌa-aakaurisiꞌo aana, na e ue ni o ko toohaꞌiniꞌo haahie mala uri o esuie mola tohumu?

1 Korinit 15:2

Tataroha Diana ngeena haꞌa-uurilemiu ko lae oto aana, mala uri omu ko hele susuleꞌi oto aana mala nou laeliwala namiu aana, na omu kaꞌa neꞌisae rue-ruaꞌa loꞌu aana.

Uusu-uusu A Pol Hurula'aa Hunie Mo Rom 11:1

Oto no ko heꞌi dolosi loꞌu. ?Uri a God e sereꞌinie oto mwala ingeie mo Jiu? !Haꞌike oto ooꞌoo! Ineu maraaku oto mwane ni Jiu aana nou hute mai aana komu a Ebraham uure aana poꞌo ni iinoni a Benjamin.

Matiu 10:20

Aana omu saꞌa ere tohumiu ike taꞌe peꞌie Liꞌoa a Aamamiu ni kei ere i lalo aamiu.

1 Korinit 3:6

Oto ineu nge nou urihana mwane e hasie mo litei ola i laona hohola, na a Apolos nge e urihana mwane e danguhie mo litei ola ngeena aani wei. Taꞌe a God nge e asuie hunie kire ke mwaꞌora.

1 Korinit 3:10

A Jisas Kraes oto poo-pootana nume ngeena, na nga poo-poota aaopa hunie nga iini ke neꞌie loꞌu, haꞌike oto ooꞌoo. A God e niie mai nanamanga hunieu, hunie ne ke neꞌie mwane saenanau diana aana tohu-numanga. Oto ineu nge nou neꞌie poo-pootana nume ngeena, na ngaeta mo mwane ko si tohu nume i lengine. Taꞌe kire ke lio talada mola hunie kire ke tohu diana aana nume ngeena.

1 Korinit 15:11

Na maꞌalana uri ineu ne ke asuie loꞌu urine wa mo hurulaꞌaa ke asuie, taꞌe e sada mola. Ahutameelu, melu ko meni tarohaꞌinie mola taꞌa-taꞌa Tataroha Diana, na iini ngeena omu hiiwalaimoli oto aana.

1 Tesalonaeka 5:12

Oto melu ko eitanaiꞌomu, maeni eesiku maaꞌi, uri omu ke haꞌamaꞌu aana mo iini ko esu hiitoꞌo i matolamiu aana soihaadaꞌinge huni lio i suliꞌomu na huni haꞌa-uusuliꞌomu.

1 Timoti 4:10

Aana kolu esu aꞌailaꞌa mola aana kolu tohungei hiiwalaimoli oto aana God Mau-meuriꞌe, nge e sai haꞌa-uurie taꞌena nga iinoni, na kei haꞌa-uurikie mo iini kie hiiwalaimoli aana.

Matiu 25:16

Mwane auꞌesu nge e hele aana e lime mwaꞌii toꞌoha, e lae oto ko lai deu esunge aana mo toꞌoha ngeena, na ko terie loꞌu ngaeta lime mwaꞌii toꞌoha loꞌu haahie.