1 Korinit 10:16 - Tataroha Diana

¹⁶ Kao-kao nge kie ko inu-inu waen aana i laona ngau-maaꞌinge na kie ko paa-paalahea God haahie, maholo kie ko inu aana kao-kao ngeena, kie ko meni ado oto aana apune a Kraes. Na mei ngeulaa nge kie ko nisie, aana maholo kie ko ngeue, kie ko meni ado oto aana sapena Kraes ni ngeena.

1 Korinit 10:16 Referans Kwoze

Palonga 2:42

Oto kire niie maraada hunie mo hurulaꞌaa ke haꞌa-uusulire, na kire mani neꞌie taꞌa-taꞌa mei sae peꞌie kira tei kire hiiwalaimoli aana a Jisas. Kire ko ngeu-ngeu ni lokonga aani aamasitoꞌonga aana maelana Kraes, na kire ko iiꞌo oto mola peꞌie aarengaꞌinge.

1 Jon 1:7

Taꞌe mala uri kie ko iiꞌo i laona raa-raa mala a God noꞌone ko iiꞌo i laona raa-raa, nge kie ke iiꞌo ruru peꞌikie hailiu, na apune Kalena, a Jisas, ke si haꞌarereꞌakie mwaanie ahutana oorahaꞌaa.

Hibru 3:14

Aana kie kei meni aalaha peꞌie a Kraes mala uri kie kei hele susuleꞌi mola aana hiiwalaimolinge nge kie holaꞌi hele aana lae hule i haꞌamangolana.

Palonga 2:46

Kire ko loko tarau mola i suli dinge i laona Nume Maaꞌi Peine a God i Jerusalem. Na kire ko ngeu-ngeu tararuru i laona mo nume hai aaopaꞌi ikire, na kire sai ilenimwaꞌe tararuru aani peꞌilada hailiu mola aana mo ngeulaa ikire.

1 Korinit 1:9

Aana a God, iini nge e soiꞌomu hunie omu ke iiꞌo ruru peꞌie a Kalena, e sai deu i sulie walana, na a Kalena oto Aalaha ikie a Jisas Kraes.

1 Jon 1:3

Melu ko haꞌarongoꞌomu urine aana nga taa melu leesie na melu rongoa, hunie uri iꞌomu noꞌone omu ke iiꞌo ruru peꞌiꞌemeelu aana iiꞌo-rurunge peꞌie a Mamaꞌa na a Kalena, Jisas Kraes.

Palonga 20:7

Oto i rodo aana eetana nga dinge purine Dinge Maaꞌi Mo Jiu, melu loko huni aarengaꞌi na ni ngeu tararuru aana ngaunge huni aamasitoꞌo aana maelana Kraes. A Pol e saie mone uri kei lae oto mwaanie soihaadaꞌinge ngeena aana kei dengi i hoꞌowa, oto ko haꞌa-haꞌa-uusulire aana walana God hule oto i upui rodo.

1 Korinit 12:13

Maꞌalana uri kie ke neꞌie loꞌu nga mo Jiu wa haꞌike, wa uri kie neꞌi koni-konihe wa haꞌike, taꞌe a Liꞌoa Maaꞌi e toolekie na e loto maaꞌi aaka hunie kie ke mani lado oto peꞌie a Kraes hunie kie ke neꞌie e taꞌa-taꞌa mei sape. Na a God e niie oto taꞌa-taꞌa Liꞌoa ngeena hunie kie ke mani aꞌailaꞌa aana.

Palonga 20:11

Oto a Pol e aalihoꞌi loꞌu taꞌau i lengi, ko si nisie ho bred na kire ko meni ngeu maaꞌi tararuru oto. Na ko heꞌi haꞌa-uusulire loꞌu hule aana e dangi, nge e si lae oto mwaanire.

Tataroha Diana I Sulie A Jisas Kraes Nge A Luk E Uusue 22:17

Oto a Jisas e hele aana kao-kaoi waen, e ere ni paalahenga mango, ko si teꞌuri hunire, “Omu ke hele aana na omu ke mani inu aana.

1 Korinit 10:15

No ko ere peꞌiꞌomu oto mala no ko ere hunie mo iini e saenanau ni ie. Iꞌomu maraamiu omu ke si leie nga taa no ko unue ie.