1 Korinit 1:9 - Tataroha Diana

⁹ Aana a God, iini nge e soiꞌomu hunie omu ke iiꞌo ruru peꞌie a Kalena, e sai deu i sulie walana, na a Kalena oto Aalaha ikie a Jisas Kraes.

1 Korinit 1:9 Referans Kwoze

2 Tesalonaeka 3:3

Taꞌe a Aalaha mone kei deu i sulie walana, na ingeie kei haꞌa-aꞌailaꞌaꞌomu na kei lio i suli diana aamiu mwaanie uri nanamanga a Satan e waeliꞌomu.

Hibru 10:23

Kie ke lae peꞌi hele maꞌutaꞌa aana maaꞌoohinge susutoꞌo hunie walu ola nge kie ko unue uri a God e haiholotaꞌiniꞌi hunikie, aena aana kie sai norutoꞌo aana God, iini e haiholotaꞌinie walu olana.

1 Jon 1:3

Melu ko haꞌarongoꞌomu urine aana nga taa melu leesie na melu rongoa, hunie uri iꞌomu noꞌone omu ke iiꞌo ruru peꞌiꞌemeelu aana iiꞌo-rurunge peꞌie a Mamaꞌa na a Kalena, Jisas Kraes.

1 Korinit 10:13

Ahutana mo malaahonga nge ko hite-hite aamu ngeena, taungei ola oto e sai hite mola aana taꞌena nga iinoni ni ngeena. Taꞌe a God ko deu mola i sulie haiholotaꞌinge ingeie, na e saꞌa tohungei toliꞌaasie ike uri malaahongalamu ke lae liue nga taa o sai uure honosie. Aena urine, maholo malaahongalamu ko lae, nge a God kei haataꞌinie tala huniꞌo mwaanie takalonga ngeena, na kei peꞌiꞌo taane hunie o ke uure aꞌailaꞌa honosie oorahaꞌaa.

Uusu-uusu A Pol Hurula'aa Hunie Mo Rom 8:28

Na kie saie loꞌu uri a God ko esu i lalo aana ahutana walu ola ko reu-reu hunie ke haꞌadianaꞌakie, mo iini e soikie oto i sulie oalaꞌinge ingeie na kie ko manata diana hunie.

Haataꞌinge 19:11

Oto nou heꞌi leesie loꞌu taꞌau i Lengi e taha, na nou leesie nga hoos rereꞌa. Na iini nge e taꞌe i lengine hoos ngeena sailana uuri, “Hahuꞌei iini toꞌohuu huni norutoꞌo aana.” Na aena aana tolahana e tohungei oodotaꞌi, nge ko leie mwala na ko ooho honosie mo maelonga ingeie huni taꞌaasie aaelanga mwaanie walumalau.

1 Jon 1:7

Taꞌe mala uri kie ko iiꞌo i laona raa-raa mala a God noꞌone ko iiꞌo i laona raa-raa, nge kie ke iiꞌo ruru peꞌikie hailiu, na apune Kalena, a Jisas, ke si haꞌarereꞌakie mwaanie ahutana oorahaꞌaa.

2 Korinit 1:18

Maholo no ko unue, “Iau,” no ko neꞌisae oto toꞌohuu huni esuie urine, na nou saꞌa talei unue mola “Haꞌike” mai puri. Mala a God ko ere-ere toꞌohuu oto tarau, ineu noꞌone no ko ere toꞌohuu,

1 Pita 5:10

Maholo ienini, omu ko sapesalu mola hunie kele maholo oꞌoruꞌe, taꞌe a God e manata diana huniꞌomu oto liutaa. Ingeie ni oto e soiꞌomu huni lado peꞌie a Kraes na huni iiꞌo peꞌie aana manikuluhaꞌana nge e saꞌa mango ike loꞌu aana taꞌena nga maholo. Oto a God maraana kei haꞌasusue taane hiiwalaimolinge iꞌomu na kei niie nanamanga huniꞌomu hunie omu ke uure maꞌutaꞌa tarau mala iini e neꞌi rato oto aana oodo-oodonga.

1 Jon 4:13

A God e niie oto Liꞌoa Maaꞌi ingeie naka, na aena leune kie sai diana aana uri kie iiꞌo susu oto i lalo aana God na ingeie oto i lalo aaka.

Hibru 11:11

Aani hiiwalaimolinge mone, nge a Sera e toꞌo mwela mola, maꞌalana e amara na e tohungei repo oto hiitoꞌo. Aena aana e norutoꞌo aana God uri kei haꞌa-oaie haiholotaꞌinge ingeie,

Uusu-uusu A Pol Hurula'aa Hunie Mo Rom 9:24

!Na ikie oto mwalana! A God e soikie mai i saana uure mwaanie taꞌena nga komu ni welumalau, na e kaꞌa ike mola mwaanie mo Jiu, taꞌe mwaanie noꞌone mwala nge ikire nga mo Jiu haꞌike.

Uusu-uusu A Pol Hurula'aa Hunie Mo Rom 8:30

Na mwala nge a God e oalaꞌi urine hunire oto uure mai naꞌo, e mani soire oto loꞌu mai i saana. Na e da oto hunie kire ke mani neꞌi iinoni oodotaꞌi i maana, na e niie oto manikuluꞌanga ingeie hunie ahutada mango.

Kalesia 2:20

Na ineu haꞌike ni nou meuri ienini, taꞌe a Kraes ni e iiꞌo na e mauri i lalo aaku. Mauringe ineu aana walumalau ienini, ola nou toꞌo aana mola i sulie nou hiiwalaimoli aana Kalena God, iini e manata diana hunieu, na e toliꞌaasie maraana hunie ke mae honotaku.

Hibru 3:14

Aana kie kei meni aalaha peꞌie a Kraes mala uri kie kei hele susuleꞌi mola aana hiiwalaimolinge nge kie holaꞌi hele aana lae hule i haꞌamangolana.

2 Tesalonaeka 2:14

Mo wala toꞌohuu nge a God e haaraiꞌomu mei eeni ngeena, nge oto Tataroha Diana nge melu lae peꞌi tarohaꞌinie huniꞌomu. Na e haaraiꞌomu urine ngeena aana e saetoꞌo aana uri omu ke toꞌo aana noꞌone manikuluhaꞌana a Jisas Kraes Aalaha ikie.

Tataroha Diana I Sulie A Jisas Kraes Nge A Jon E Uusue 17:21

Oto no ko eitanaiꞌo Mamaꞌa, uri hunie kire ke mani neꞌie taꞌa-taꞌa iinoni, mala oto iꞌoe i lalo aaku na ineu i lalo aamu. No ko eitanaiꞌo uri hunie kire ke iiꞌo noꞌone i lalo aakarue, hunie walumalau ke hiiwalaimoli aana uri iꞌoe o uusungeꞌinieu mei.

Taetas 1:2

Aena leune kire ko maa-maaꞌoohie peꞌi norutoꞌonga toꞌohuu hunie maurihe huu nge a God e haiholotaꞌinie hunikie oto waite. Na haiholotaꞌinge ngeena e toꞌohuu oto, aana a God e kaꞌa sai eero ike.

Epesas 3:6

Mei oalaꞌinge mumuni ngeena e unue uri iꞌomu mo Aapoloa Aaopa nge iꞌomu nga mo Jiu haꞌike, omu sai neꞌie taꞌa-taꞌa komu na e taꞌa-taꞌa mei sape peꞌiꞌemi mo Jiu, aana omu hiiwalaimoli noꞌone aana Tataroha Diana. Na urine nga taa nge a God e haiholotaꞌinie uri kei niie mai huniꞌemi i tehulaꞌana a Jisas Kraes, iꞌomu omu kei toꞌo aana noꞌone.

Hibru 6:18

Oto kie toꞌo aana e ro mei wala nge kire saꞌa roroꞌa hai-oolisi ike loꞌu, aana a God e saꞌa eero ike aani heiholotaꞌinge, na e saꞌa eero ike noꞌone aani tohenga. Oto ikie mo iini nge kie tahi oto takoie a God hunie ke haꞌa-uurikie, a God ko ere haꞌasusue saeka, na urine kie sai hele maꞌutaꞌa aana maaꞌoohinge susutoꞌo hunie haiholotaꞌinge a God eena.

Hibru 3:1

Oto maeni eesiku maaꞌi, a God e mani soikie oto i saana taꞌau i Lengi, oto omu ke lolodosae i sulie a Jisas, iini nge kie ko meni houleꞌinie uri ingeie oto naꞌohai Hurulaꞌaa nge ko tarohaꞌinie walana God hunikie, na ingeie oto Hahuꞌana Naꞌohai Pris ikie.

Hibru 2:17

Aena urinena, e tohungei roroꞌa hunie maraana, hunie ke sada peꞌikie mo eesine aana taꞌena nga ola, hunie uri ke hai-hei aamasi toꞌohuu hunikie maholo ko esu nana a God mala Hahuꞌana Naꞌohai Pris ikie, aana asunge ingeie oto hunie ke haꞌa-oodohie mo oorahaꞌaanga mo iinoni hunie a God ke saeꞌaasiꞌi.

2 Timoti 1:9

Aana a God e haꞌa-uurikie na e lio hilisikie oto hunie kie ke neꞌi iinoni maaꞌi ingeie. E kaꞌa asuie ike mola leune aena aana kie malisi wa uri kie asuie nga mei ola diana adongana. !Haꞌike! Taꞌe e oalaꞌinie urine mola aana e tohungei sare haꞌadianaꞌakie. Uure oto wau i naꞌo na haꞌaholanga haꞌike ue, a God e oalaꞌinie oto uri a Jisas Kraes kei haꞌadianaꞌakie oto urine.

Matiu 24:35

I Lengi na i aano kei suu, taꞌe walaku e saꞌa suu ike oto ooꞌoo.”

Kalesia 1:15

!Taꞌe lae-lae, a God e oolisie manataku! Aana manata-diananga a God e paine hunieu, na aana ko ilenimwaꞌe ni esuie urine, nge uure oto aana maholo na nou kaꞌa hute ue, taꞌe a God e oopaau oto huni esu nana.

1 Korinit 10:16

Kao-kao nge kie ko inu-inu waen aana i laona ngau-maaꞌinge na kie ko paa-paalahea God haahie, maholo kie ko inu aana kao-kao ngeena, kie ko meni ado oto aana apune a Kraes. Na mei ngeulaa nge kie ko nisie, aana maholo kie ko ngeue, kie ko meni ado oto aana sapena Kraes ni ngeena.

1 Korinit 1:30

Aena aana a God mone e si da omu lae mai neꞌi iinoni tararuru peꞌie a Jisas Kraes. Ingeie oto e lae mai huni niie saenanaunge a God hunikie, na ingeie mola ni e haꞌa-oodohikie peꞌie a God, na e haꞌamaaꞌikie, na e holikie mwaanie iiꞌonga i memelutana oorahaꞌaa.

Uusu-uusu A Pol Hurula'aa Hunie Mo Rom 11:17

Kira Ebraham kire urihana mo imi-imine nga tohungei ei hungu-hungu nge a God e saetoꞌo aana oto liutaa. Taꞌe maꞌalana mo Jiu kire neꞌie ai diana a God urine, a God e hali aasie oto mo sasarai ola hunge mwaanie ai ngeena, aena aana e leledie oto mo Jiu nge kire sereꞌinie a Kraes. Na iꞌomu, maꞌalana uri omu urihana mola mo sasarai ola aana ai ni meꞌesu, taꞌe a God e neꞌiꞌomu aana leu oolisie mo sasarai ola e taꞌaasiꞌi oto, na e ladoꞌomu oto aana ai diana ngeena. Oto aana maholo ienini, iꞌomu noꞌone omu sai helesie taꞌena nga ola diana ko lae-lae mai uure mwaanie mo Jiu.

1 Tesalonaeka 2:12

Aana melu ere-ere haꞌasusuꞌomu, na melu eitanaiꞌomu huni tola i sulie a Jisas, na melu ere hatongaꞌi huniꞌomu hunie omu ke iiꞌo aani iiꞌonga diana i maana a God. Aana e haaraiꞌomu hunie omu ke neꞌi iinoni aana aalahanga ingeie na hunie omu ke iiꞌo peꞌie aana manikuluhaꞌana.

Kolosi 1:24

Oto maꞌalana no ko sapesalu oto ienini i tehulaꞌamiu, taꞌe no ko ilenimwaꞌe mola, aena aana sapesalunge aana sapeku ienini kei peꞌiꞌomu. A Kraes e sapesalu hiitoꞌo waite huni peꞌie soihaadaꞌinge, aena aana sapena ni otona. Oto ineu no ko sapesalu noꞌone urine aana sapeku huni haꞌamangoa kele leu e oore ue aana sapesalunge a Kraes arengaku.

2 Timoti 2:13

Maꞌalana uri kie kaꞌa sai hele i sulie mo heiholotaꞌinge ikie, taꞌe ingeie kei hele maꞌutaꞌa mola aana mo heiholotaꞌinge ingeie tarau, aana tolahana maraana e kaꞌa toliꞌaasie ike hunie ke eero, wa huni lae aaopa mwaanie haiholotaꞌinge ingeie.