1 Korinit 1:10 - Tataroha Diana

¹⁰ Maeni eesiku maaꞌi, no ko eitanaiꞌomu aana satana a Jisas Kraes Aalaha ikie, uri omu ke neꞌie mola taꞌa-taꞌa mei sae. Omu ke toliꞌaasie mo tolahai ola ni oopanga, taꞌe omu ke mani neꞌisae diana hunie omu ke asu loko-loko loꞌu.

1 Korinit 1:10 Referans Kwoze

1 Korinit 12:25

Aena urine nge nga mei oopanga haꞌike aana sape, taꞌe ahutana mo sasarai ola hai aaopaꞌi kire ko meni loꞌo-loꞌongaꞌinire hailiu.

Uusu-uusu A Pol Hurula'aa Hunie Mo Rom 12:16

Omu ke iiꞌo diana mola peꞌie ahutana mwala. Mwaanie omu too-toohaꞌiniꞌomu, taꞌe omu ke mwaꞌe-mwaꞌe mola ni deu i sulie taꞌena nga mei esunge wa huni heꞌimalahune peꞌie taꞌena nga iini. Na mwaanie omu loꞌo-loꞌongaꞌinie uri iꞌomu oto omu saenanau.

2 Korinit 13:11

Oto leu ooreta, maeni eesiku maaꞌi, ne ke unue mola hao huniꞌomu uri omu ke iiꞌo ni ilenimwaꞌenga mola. Omu ke dau aahonga hunie nga mei tolahai iinoni diana ke suꞌuri eiꞌaa mwaaniꞌomu, na omu ke tola i sulie walaku. Omu ke neꞌie taꞌa-taꞌa mei sae, na omu ke iiꞌo ni henuelama. Oto a God, iini nge ingeie aahuꞌine manata-diananga na hanuelamanga, ke si iiꞌo peꞌiꞌomu.

1 Korinit 11:18

Eetana nga mei ola, nou rongoa uri maholo omu ko loko mala nga soihaadaꞌinge, omu ko oopa-oopa mola, na leune nou hiiwalaimoli uri e kele toꞌohuu kaꞌune.

Pilipae 1:27

Oto maꞌalana uri ne ke lae loꞌu mei leesiꞌomu wa haꞌike, taꞌe tolahamiu ke oodo oto malisine Tataroha Diana a Jisas Kraes. Na nou sare rongoa uri omu ke mani esu loko-loko taane peꞌie taꞌa-taꞌa mei sae aani helinge honosie mo iini ko sare dau tekelaꞌinie hiiwalaimolinge aana Tataroha Diana.

Uusu-uusu A Pol Hurula'aa Hunie Mo Rom 16:17

Oto no ko eitanaiꞌomu, maeni eesiku maaꞌi, uri omu ke lio talamiu mwaanie mwala nge kire ko sare oopaa soihaadaꞌinge, na kire ko waelie hiiwalaimolinge iꞌomu peꞌie haꞌa-uusulinge nge ko lae aaopa mwaanie nga taa haꞌa-uusulilemiu e lae oto aana. Oto omu ke suꞌuri rorongo hunire.

2 Korinit 5:20

Oto ienini, melu ko ere-ere oto oolitana a Kraes, na aena ngeena, maholo melu ko ere-ere peꞌiꞌomu e urihana uri a God maraana ni ko eitanaiꞌomu hunie omu ke uure ruru oto peꞌie. Oto melu ko ere oolitana a Kraes oto ie, na melu ko eitanaiꞌomu hunie uri omu ke aaliꞌu takoie a God na omu ke uure ruru oto peꞌie.

1 Korinit 4:16

Oto no ko eitanaiꞌomu hunie omu ke haimaanieu.

Palonga 4:32

Oto ahutana mo iini kire hiiwalaimoli kire si meni neꞌisae tararuru i sulie walu ola. Nga iini e kaꞌa loꞌongaꞌinie ike uri mo ola e toꞌo aani uri mo ola oto ingeie maraana, taꞌe mo ola nge nga iini e toꞌo aani mo ola ahutada mango.

Tataroha Diana I Sulie A Jisas Kraes Nge A Jon E Uusue 17:23

Iꞌoe o iiꞌo i lalo aaku, na ineu ne ke iiꞌo i lalo aada, uri hunie kire ke tohungei neꞌie oto taꞌa-taꞌa iinoni. Oto walumalau ke si lio saie uri iꞌoe ni taane o uusungeꞌinieu mei, na uri o manata diana hunire oto mala o manata diana hunieu.

1 Tesalonaeka 5:13

Omu ke lio i suli diana aada peꞌi haꞌamaꞌunge na peꞌi manata-diananga hunire haahie mo esunge kire ko esuiꞌi ngeena. Na omu ke oꞌoꞌo ni henuelama mola i matolamiu maraamiu.

Uusu-uusu A Pol Hurula'aa Hunie Mo Rom 12:1

Oto aena urinena, maeni eesiku maaꞌi, aena aana mei sae ni aamasinge a God hunikie, no ko eitanaiꞌomu hunie omu ke niiꞌomu maraamiu mala nga uunu-olanga e mauri hunie a God aani niilana sapemiu suli dinge huni esuie mo esunge e oodo i maana God. Mala maurihaꞌamiu ke urine, nge omu kei urihana nga uunu-olanga e maaꞌi na a God e sai ilenimwaꞌe haahie. Taꞌa-taꞌa tohungei tala hunikie mo iinoni kie ke palo-paloa God aana ni otona.

Tataroha Diana I Sulie A Jisas Kraes Nge A Jon E Uusue 10:19

Oto mei oopanga ko reu loꞌu i matolada mo naꞌohai mwane mo Jiu i tehulaꞌana mo wala ienini.

1 Pita 2:11

Maeni iinoni maaꞌi, iꞌomu nga mo iinoni ni welumalau haꞌike na omu iiꞌo mola mai mala mo awataa, na tohungei henue iꞌomu oto taꞌau i Lengi. Aena urine no ko unue oto huniꞌomu uri omu ke suꞌuri lae loꞌu i sulie mo saehanalinge aaela iꞌomu. Aana mo neꞌisaenga aaela ngeena kire sai ooho honosie maurihaꞌamiu.

2 Timoti 4:1

Maholo a Jisas Kraes kei ooli loꞌu mei mala inemauri, nge ke si leie ahutana mo iinoni, mo iini e mauri ue na mo iini e mae oto. Oto no ko unu tahangaꞌinie oto huniꞌo i maana a God na a Jisas Kraes

Pilipae 3:16

Taꞌe maꞌalana uri kie kaꞌa mani neꞌisae mouteꞌi ue, e roroꞌa oto liutaa hunie ahutaka kie ke hele susuleꞌi aani lulu i sulilana walaimolinge nge kie hiiwalaimoli oto aana.

2 Korinit 10:1

Oto ineu a Pol maraaku no ko eitanaiꞌomu hunie uri omu ke rongo hunieu. Nou rongoa uri ngaeta mo iini eemiu kire ko unue uri nou sai ere hiitoꞌo huniꞌomu mola aani uusu-uusu maholo nou iiꞌo haꞌatauliꞌomu, taꞌe no ko meꞌu ni ere urine maholo nou iiꞌo peꞌiꞌomu. !Haꞌike! Taꞌe no ko heimaanie tolahana a Kraes aana ingeie e saemamae na e lai maneko

Tataroha Diana I Sulie A Jisas Kraes Nge A Jon E Uusue 7:43

Oto mwala ngeena kire ko si oopa i tehulaꞌana Jisas. Nga mo iini ko ere haꞌadianaꞌaa, taꞌe nga mo iini ko ere aaelasie mola.

Tataroha Diana I Sulie A Jisas Kraes Nge A Mak E Uusue 2:21

Oto a Jisas ko heꞌi unue loꞌu mei wala ni aalahuunge ie i sulie haꞌa-uusulinge haalu ingeie hunire uuri, “Nga iini e saꞌa loꞌamenaa ike nga toꞌoni lalahuꞌe aana nga mei loꞌamena haalu. Aana maholo ko hodalie, nge mei loꞌamena haalu ngeena kei mwai-mwei na kei hakasie mola toꞌoni lalahuꞌe, oto ke si haka aaela loꞌu mwaanie holaꞌinaꞌo.

Matiu 9:16

Oto a Jisas ko heꞌi unue loꞌu mei wala ni aalahuunge ie i sulie haꞌa-uusulinge haalu ingeie hunire uuri, “Nga iini e saꞌa loꞌamenaa ike nga toꞌoni lalahuꞌe aana nga mei loꞌamena haalu. Aana maholo ko hodalie, nge mei loꞌamena haalu ngeena kei mwai-mwei na kei hakasie mola toꞌoni lalahuꞌe, oto ke si haka aaela loꞌu mwaanie holaꞌinaꞌo.

1 Timoti 5:21

Oto i naꞌona God na Kraes Jisas na mo ensel maaꞌi, no ko unue huniꞌo uri o ke tola i sulie mo ola ngeena, na mwaanie o rara haahie mola nga iini.

2 Tesalonaeka 2:1

Maeni eesiku maaꞌi, no ko sare ere loꞌu peꞌiꞌomu i sulie maholo a Jisas Kraes Aalaha ikie kei ooli loꞌu mei huni lokokie i saana.

Kalesia 4:12

Oto no ko eitanaiꞌomu, maeni eesiku maaꞌi, uri omu ke uusulieu aana iiꞌonga luhetaꞌi mwaanie mo Haꞌatolanga a Mosis. Omu ke aamasitoꞌo kaꞌu aana waite, maholo nou eeliꞌu huni lae i sulie a Jisas, nou toliꞌaasie mola mo Haꞌatolanga a Mosis, na urine e urihana nou uusuliꞌomu noꞌone mo Aapoloa Aaopa aana iiꞌonga luhetaꞌi mwaanie mo Haꞌatolanga a Mosis ngeena. Uure aana maholo nou holaꞌi oodoiꞌomu, ikolu taꞌa-taꞌa mei sae mola na omu kaꞌa dau aaelasie ike nga mei ola aaku.

2 Korinit 6:1

Oto aani esunge tararuru peꞌie a God, melu ko eitanaiꞌomu, mo iini omu hele aana oto niinge paine a God ngeena, mwaanie omu toliꞌaasie niinge paine ngeena e totowai mola.

Uusu-uusu A Pol Hurula'aa Hunie Mo Rom 15:30

Maeni eesiku maaꞌi, aena aana kie mani lado oto peꞌie Aalaha ikie a Jisas Kraes, na i tehulaꞌana manata-diananga a Liꞌoa Maaꞌi e niie hunikie hailiu, nge no ko eitanaiꞌomu uri omu ke peꞌieu i laona asunge ineu aani aarengaꞌinge hunie a God talaku.

Tataroha Diana I Sulie A Jisas Kraes Nge A Jon E Uusue 9:16

Oto ngaeta mo Parise ko teꞌuri, “Mwane nge e asuie mei ola ienini, e kaꞌa uure ike aana God, kaꞌu e kaꞌa kinetaꞌinie ike haꞌatolanga aana Dinge Maaꞌi.” Taꞌe ngaeta mo iini ko unue uuri, “Iinoni oorahaꞌaala e saꞌa asuie ike mo huꞌi-huꞌite mala ienini,” Oto mei oopanga ko reu i matolada mo Jiu i tehulaꞌana mo wala ienini.

Uusu-uusu A Pol Hurula'aa Hunie Mo Rom 1:13

Maeni eesiku maaꞌi, omu ke saie mola uri mo maholo hunge oto no ko loꞌongaꞌi huni maatoliꞌomu, taꞌe mo ola oto hunge ko talei liu-liu honosieu mola tarau. Nou lae hule aana mo henue oto hunge huni peꞌie mwala hunie kire ke hiiwalaimoli aana Jisas, na saeku hunie uri ne ke teꞌurine noꞌone wau aana hanue iꞌomu.

1 Korinit 1:11

No ko ere urine, maeni eesiku, i sulie ngaeta mwala aana uluhe kira Kloui ni kire haꞌarongoau uri omu ko talei haꞌa-ere oto mola tarau.

1 Korinit 3:3

Omu ko lae-lae mola ue mala mo iinoni aana walumalau ienini. !Lio kaꞌu! Omu iiꞌo mola ue peꞌie upwanga na heotaꞌinge. Mo ola ngeena kire haataꞌi diana aana uri iꞌomu nga mo iinoni aana Liꞌoa Maaꞌi haꞌike, aana tolahamiu e sada mola ue peꞌie mo iinoni ni welumalau.

2 Korinit 13:9

Melu ko ilenimwaꞌe mola huni iiꞌo mamaelaꞌa mala uri leune ke da uri iꞌomu, omu ke uure aꞌailaꞌa. Na melu ko aarengaꞌi oto tarau hunie uri hiiwalaimolinge iꞌomu ke ahu toꞌohuu hunie nga mei tolahai iinoni diana ke suꞌuri eiꞌaa mwaaniꞌomu.

1 Pita 5:10

Maholo ienini, omu ko sapesalu mola hunie kele maholo oꞌoruꞌe, taꞌe a God e manata diana huniꞌomu oto liutaa. Ingeie ni oto e soiꞌomu huni lado peꞌie a Kraes na huni iiꞌo peꞌie aana manikuluhaꞌana nge e saꞌa mango ike loꞌu aana taꞌena nga maholo. Oto a God maraana kei haꞌasusue taane hiiwalaimolinge iꞌomu na kei niie nanamanga huniꞌomu hunie omu ke uure maꞌutaꞌa tarau mala iini e neꞌi rato oto aana oodo-oodonga.

Tataroha Diana I Sulie A Jisas Kraes Nge A Mak E Uusue 3:24

Taꞌena nga aalahanga kei oopa aani heiseuninge honosie maraana, nge kei naꞌonga oto.