1 Jon 5:13 - Tataroha Diana

¹³ No ko uusue walu ola ienini huniꞌomu, mo iini omu hiiwalaimoli aana satana Kalena God, hunie uri omu ke manataꞌinie uri omu toꞌo aana oto maurihe huu.

1 Jon 5:13 Referans Kwoze

Tataroha Diana I Sulie A Jisas Kraes Nge A Jon E Uusue 20:31

Mo iini ie uusuleni e lae mola uri hunie omu ke hiiwalaimoli aana a Jisas uri ingeie a Kraes, Kalena God, na hunie omu ke manataꞌinie maurihe huu aani hiiwalaimolinge aana.

Tataroha Diana I Sulie A Jisas Kraes Nge A Jon E Uusue 1:12

Taꞌe ngaeta mo iini kire takuhie taane, na kire hiiwalaimoli oto aana. Oto e asuie uri ikire oto, kire ke neꞌie mo kalena God.

1 Jon 3:23

Na mei haꞌatolanga ingeie ni otona, uri hunie kie ke hiiwalaimoli aana Kalena, a Jisas Kraes, na hunie kie ke manata diana hunikie hailiu, mala e unue oto hunikie.

Tataroha Diana I Sulie A Jisas Kraes Nge A Jon E Uusue 3:18

A tei nge ko hiiwalaimoli aana a Kale, leilana e saꞌa lae ike. Taꞌe a tei nge e kaꞌa sare hiiwalaimoli aana, nge leilana e pwani lae oto, aena aana e kaꞌa hiiwalaimoli ike aana taꞌa-taꞌa mwela mouteꞌi a God.

1 Jon 2:21

Nou kaꞌa uusu-uusu ike huniꞌomu i sulie omu kaꞌa saie ike walaimolinge. Nou saie uri omu saie taane walaimolinge. Taꞌe no ko uusu-uusu mola huni peꞌiꞌomu hunie omu ke lio saie mo haꞌa-uusulinge eero-eero, aana nga mei eeronga e kaꞌa uure ike mwaanie walaimolinge.

Kalesia 4:6

Oto huni haataꞌinie uri kie neꞌie oto mo kalena a God toꞌohuu, a God e uusungeꞌinie mai Liꞌoa Maaꞌi aana a Kalena hunie ke iiꞌo i laona maurihaꞌaka. Na Liꞌoa ngeena ko si haataꞌinie uri kie sai soie a God Aamaka aana “Mamaꞌa.”

1 Jon 5:10

Taꞌena nga iini ko hiiwalaimoli aana Kalena God, e saie uri nga taa a God e unue e toꞌohuu. Taꞌe iini e kaꞌa hiiwalaimoli aana a God, nge ko unue oto uri a God e sai eero, aena aana e kaꞌa hiiwalaimoli ike aana nga taa a God e unue i sulie a Kalena.

1 Jon 2:1

Maeni mwela ineu, no ko uusue oto urine huniꞌomu uri hunie omu ke suꞌuri oorahaꞌaa. Taꞌe mala uri nga iini ko oorahaꞌaa, kie toꞌo aana taane iini huni peꞌikie aani erenga oolitaka peꞌie a Mamaꞌa. Na ingeie oto a Jisas Kraes, iini e oodotaꞌi taꞌingelu.

1 Jon 1:4

Melu ko uusu-uusu huniꞌomu urine, uri hunie omu ke honu eeni ilenimwaꞌenga noꞌone peꞌiꞌemeelu.

1 Pita 5:12

Ngaeta aasikaelu aana hiiwalaimolinge nge nou sai norutoꞌo aana liutaa, nge a Saelas, na ingeie ni oto e peꞌieu huni uusue kele uusu-uusu oꞌoruꞌe ie huniꞌomu. Uusu-uusu ie nou uusue mola huni haꞌananauꞌomu na huni ere haꞌasusuꞌomu uri hahuꞌana manata-diananga a God huniꞌomu ke iiꞌo oto tarau peꞌiꞌomu maꞌalana nga taa ke rau-reu loꞌu eemiu. Oto omu ke iiꞌo susu oto aana.

2 Korinit 5:1

Kie ko oꞌoꞌo mola mai laona walumalau peꞌie mei sape mamaelaꞌa nge hule aana e kaꞌa sai iiꞌo tewa ike, na e urihana mola iiꞌonga aana mo aapa-aapa i meꞌesu. Na maholo oho-aasilana mo aapa-aapa ngeena kei lae, nge kie ke si lae hunie mo nume diana oto liutaa. Aana kie saie uri a God e dau aakau aana mei sape diana liutaa naka huni iiꞌo aana taꞌau i Lengi, ola ingeie maraana e asuie na iini kei iiꞌo oto huu.

Palonga 4:12

Aana a Jisas mola e sai haꞌa-uurikie mwaanie mo oorahaꞌaa ikie, aena aana a God e kaꞌa niie ike loꞌu satana nga iini aaopa huni haꞌa-uurikie.”

Tataroha Diana I Sulie A Jisas Kraes Nge A Jon E Uusue 2:23

Oto aena aana a Jisas e haataꞌinie mo tolimaa aana nanamanga ingeie maholo e oꞌoꞌo i Jerusalem aana Houlaa Ni Liumwaanie ngeena, mwala oto hunge kire hiiwalaimoli uri ingeie oto a Kraes, iini kire ko maa-maaꞌoohie.

1 Jon 2:26

No ko uusue mo wala ienini huniꞌomu huni haꞌapasuliꞌomu mwaanie mo iini nge kire ko sare haꞌatakaloꞌomu.

Palonga 3:16

Na nanamanga aana satana Jisas oto e haꞌa-uurie mwane ienini nge omu ko meni lee-leesie e tewa oto na omu meni saie. Na aena aana mei hiiwalaimolinge aana a Jisas ngeena, nge haꞌa-uurilana mwane ienini e lae aana oto mala omu ko leesie.

Tataroha Diana I Sulie A Jisas Kraes Nge A Jon E Uusue 21:24

Ineu oto pwaarongoisuli ngeena, na nou unu haꞌa-oaie walu ola ienini na nou uusuꞌi oto ie. Na kie mani manataꞌinie uri nga taa nou unue e toꞌohuu oto.

Tataroha Diana I Sulie A Jisas Kraes Nge A Jon E Uusue 5:24

“No ko unue oto toꞌohuu huniꞌomu uri iini ko rongoa walaku na ko hiiwalaimoli aana iini e uusungeꞌinieu mei, iinoni ngeena e hele aana oto maurihe huu eena, na leilana e saꞌa roroꞌa ni lae ike loꞌu. Iini urine e pwani liu oto mwaanie maenga na e sili oto i laona maurihe.

1 Jon 2:25

Aana a Kale e haiholotaꞌi huni niie maurihe huu hunikie.

1 Jon 4:9

A God e haataꞌinie manata-diananga ingeie hunikie aana e uusungeꞌinie mai taꞌa-taꞌa mwela mouteꞌi ingeie i laona walumalau hunie kie ke si meuri oto i tehulaꞌana.

1 Jon 5:11

A God e unue uri e niie oto maurihe huu hunikie, na uri mei meurihe ngeena nge oto i lalo aana a Kalena.

1 Jon 5:20

Na kie manataꞌinie oto noꞌone uri a Kalena God e lae mai na e niie oto saenanaunge naka, uri hunie kie ke manataꞌinie Iini Toꞌohuu. Na maurihaꞌaka oto i lalo aana Iini Toꞌohuu, aana ikie i lalo aana Kalena, a Jisas Kraes. Taꞌe ingeie mola tohungei God, na ingeie oto aahuꞌine maurihe huu.