1 Jon 4:12 - Tataroha Diana

¹² Maꞌalana nga taꞌa-taꞌa iinoni e kaꞌa leesie ue a God, taꞌe mala uri kie ko manata diana hunikie hailiu, nge a God ke si iiꞌo oto i lalo aaka, na manata-diananga ingeie ko tohungei eehu diana oto i lalo aaka.

1 Jon 4:12 Referans Kwoze

Tataroha Diana I Sulie A Jisas Kraes Nge A Jon E Uusue 1:18

Nga taꞌa-taꞌa iini e kaꞌa leesie ike ue a God. Taꞌe taꞌa-taꞌa mwela mouteꞌi ingeie ko oꞌoꞌo peꞌie Aamana, na aana ingeie tohungei God noꞌone, ingeie oto e haataꞌi diana aana a God hunikie.

1 Jon 2:5

Taꞌe iinoni nge ko tola i sulie walana a God, ingeie oto iini nge ko tohungei manata diana hunie a God toꞌohuu. Aana urine nge kie ke si manataꞌinie uri ikie mo iinoni ingeie toꞌohuu.

1 Timoti 6:16

Ingeie oto haliꞌite nge e saꞌa roroꞌa mae ike. E iiꞌo i lalo aana raa-raa, raa-raa ngeena nga iini e saꞌa lae wau karaꞌinie, nga iinoni e kaꞌa leesie ike ue a God, wa ke sai leesie. Oto mwala kei meni soi haꞌamanikuluꞌaa oto di. Nanamanga ingeie kei iiꞌo huu oto nana. !Iau, ke urine oto!

1 Jon 4:20

Mala nga iini ko unue uuri, “Nou manata diana hunie a God,” taꞌe ko ngiduupu mola hunie aasine, ingeie ngeena iinoni eero-eero mola. Aana e aasa kei manata diana hunie a God, iini e kaꞌa lee-leesie, mala uri e kaꞌa sai manata diana hunie aasine, iini nge ko lee-leesie tarau.

1 Jon 3:24

Mo iini ko tola i sulie mo haꞌatolanga ingeie, nge kire iiꞌo oto i lalo aana, na ingeie oto i lalo aada. Na Liꞌoa Maaꞌi nge a God e niie hunikie ko haataꞌinie aaka uri ko iiꞌo toꞌohuu oto peꞌikie.

1 Jon 4:6

Taꞌe ikie mo iini oto a God. A tei nge e saie a God, nge kei rongo hunikie, taꞌe a tei nge e kaꞌa saie a God, nge e saꞌa rongo ike hunikie. Oto i leune loꞌu, kie ke si lio saie liꞌoa aani walaimolinge na liꞌoa aani eeronga.

1 Timoti 1:17

Oto kie ko tohungei paalahea Inemauri nge e iiꞌo huu, e saꞌa roroꞌa mae ike loꞌu, kie kaꞌa sai leesie ike aani maa. Taꞌe ingeie mola e neꞌi tohungei God, ahutaka mo iinoni kie ke haꞌamaꞌu aana kie ke soi haꞌamanikuluꞌaa oto di, oto di. !Iau, ke urine oto!

Hibru 11:27

Aani hiiwalaimolinge mone, a Mosis e lae mwaanie i Ijip, na e uure aꞌailaꞌa honosie saewasunge a inemauri, aena aana ko tola i sulie mola Inemauri nge nga iini e kaꞌa sai leesie ike.

1 Korinit 13:13

Na e oolu mei ola e iiꞌo huu oto ie—hiiwalaimolinge, na maaꞌoohinge susutoꞌo, na manata-diananga. Taꞌe manata-diananga oto naꞌohana e oolu mei ola ngeena.

1 Jon 4:16

Aena urine, kie manataꞌinie manata-diananga nge a God e manata diana hunikie aana, na kie ko norutoꞌo oto aana. A God ingeie oto aahuꞌine manata-diananga, na iini ko iiꞌo susu aana manata-diananga, nge ko iiꞌo susu aana God otona, na a God ko iiꞌo susu oto aana.