1 Jon 3:21 - Tataroha Diana

²¹ Oto maeni malahuku, mala uri kie saie uri manataka e taha mola mwaanie roroꞌanga, nge kie saꞌa maꞌuteꞌinie ike laenga mai peꞌie nga mei neꞌisaenga huni sukaa aana a God.

1 Jon 3:21 Referans Kwoze

1 Jon 2:28

Iau, maeni mwela ineu, omu ke iiꞌo susu oto i lalo aana a Kraes, uri hunie maholo kei ooli mei, kie ke suꞌuri meꞌu na kie ke suꞌuri masa i maana.

Hibru 4:16

Aena ngeena kie ke suꞌuri meꞌu huni lae mai saana a God, iini manatana e diana hunie mo iinoni. Aana leune nge kie ke si hele aana aamasinge na mo niinge huni peꞌilaka aana maholo kie ko siꞌohaꞌa.

2 Korinit 1:12

Maeni eesiku, manataku e taha mola aana nou saie uri melu kaꞌa eeroa ike nga iini aana nga maholo, taꞌe melu ko lulu i sulie mola oodo-oodonga nge a God e saetoꞌo aana. Walu ola melu ko euꞌesuiꞌi e uure mola aana hahuꞌana manata-diananga a God, na melu kaꞌa asuie ike nga mei ola i sulie saenanaunge ni iinoni. Tolahameelu e diana oto urine tarau peꞌie ahutana mo iinoni, na oto liutaa maholo melu oꞌoꞌo peꞌiꞌomu.

1 Jon 5:14

Na hiiwalaimolinge ikie aana God otona, uri kie ko sukaa taꞌena nga mei ola i sulie saena, na ko rongo oto hunikie.

1 Jon 4:17

Na mala uri manata-diananga ingeie ke tohungei eehu diana oto i lalo aaka urine, na iiꞌolaka mai welumalau ke urihana tolahana a Kraes, nge kie saꞌa maꞌuteꞌinie ike uuranga i naꞌona God aana hai dinge ni leinge.

1 Korinit 4:4

Manataku e taha mola aana nou kaꞌa saie ike nga mei takalonga ineu, taꞌe e kaꞌa loꞌongaꞌinie ike uri ineu mwane oodotaꞌi. Aalaha ikie mola ni kei leieu.

1 Timoti 2:8

Oto nou saetoꞌo aana uri ahutana mwane aana taꞌena nga leu kire ke aarengaꞌi. Mwaanie kire hele ni kumu aani saewasunge wa kire haataꞌinie kiꞌide aani haꞌa-erenga, taꞌe kire ke asuie mola nga taa e oodo aana kiꞌide, na kire ke susueꞌinie nimada i lengi aani aarengaꞌinge.

Uusu-uusu A Pol Hurula'aa Hunie Mo Rom 14:22

Ohe iꞌoe maraamu o kaꞌa neꞌisae rue-ruaꞌa i sulie mei ola ngeena, uri e diana taane wa haꞌike, taꞌe o ke kinetaꞌinie mola hiiwalaimolinge iꞌoe i sulie mei ola ngeena hunie ke iiꞌo mumuni mola i matolamoreꞌi a God. Taꞌena nga iini ko sai diana aana uri nga taa ko esuie e oodo taane mola, nge iini urine kei ile-ilenimwaꞌe mola.

Epesas 3:12

Aena aana kie hiiwalaimoli oto aana, na kie lado oto peꞌie, saeka e susu oto na kie saꞌa maꞌuteꞌinie ike loꞌu laenga mai saana God.

1 Jon 2:7

Maeni eesiku, mei haꞌatolanga nge no ko uusue huniꞌomu ie, e kaꞌa mei ola haalu ike. Mei haꞌatolanga lalahuꞌe omu toꞌo aana taane oto uure mai maholo omu aehota hiiwalaimoli, na mei haꞌa-uusulinge omu rongoa taane oto.

1 Jon 3:2

Iau maeni malahuku, kie neꞌi mwela oto a God, na kie kaꞌa saie ue uri a God kei oolisikie loꞌu uri taa taꞌau i Lengi. Taꞌe kie saie taane oto uri maholo a Kraes kei ooli loꞌu mei, kie kei hei-oolisi mala ingeie, aana kie kei leesie tohungana manikuluhaꞌana.

1 Jon 3:20

Taꞌe maꞌalana ohe kie ko meꞌu-meꞌu ue, kie ke suꞌuri meꞌu-meꞌu loꞌu, aena aana a God e saie walu ola i sulikie, na aamasinge ingeie e paine loꞌu liutaa aana mo hiinge aana saeka.