1 Jon 3:2 - Tataroha Diana

² Iau maeni malahuku, kie neꞌi mwela oto a God, na kie kaꞌa saie ue uri a God kei oolisikie loꞌu uri taa taꞌau i Lengi. Taꞌe kie saie taane oto uri maholo a Kraes kei ooli loꞌu mei, kie kei hei-oolisi mala ingeie, aana kie kei leesie tohungana manikuluhaꞌana.

1 Jon 3:2 Referans Kwoze

Pilipae 3:21

Na ingeie kei oolisie sapeka nge e mamaelaꞌa na e sai mae, hunie ke neꞌie mei sape manikuluꞌe mala sapena. Maholo kei oolisie sapeka urine, kei esu oto aana nanamanga paine ingeie nge ko aalaha haahie ahutana walu ola aana.

Kolosi 3:4

Tohungana maurihe iꞌomu oto a Kraes, na maholo a Kraes kei haataꞌi aana manikuluhaꞌana maholo kei ooli loꞌu mei, nge iꞌomu noꞌone omu ke si haataꞌi tararuru peꞌie.

2 Korinit 3:18

Oto ahutaka mo iini kie lado peꞌie a Kraes, a God e taꞌaasie oto mei sala ngeena mwaanie maaka hunie kie ke haataꞌinie manikuluhaꞌana Aalaha mala iiro-iiro ko wana-wana i laona sato. Na oto tarau Liꞌoa Maaꞌi a Aalaha ko esu i lalo aaka huni oolisikie hunie kie ke urihana oto ingeie maraana, na kie ke haataꞌinie manikuluhaꞌana oto liutaa.

1 Korinit 13:12

Maholo ienini, saenanaunge ikie aana a God e kaꞌa tohungei peine ike. E urihana mola kie ko lio-lio waranunuꞌe aana, mala iiro-iiro e wasa-wasaaꞌa. Taꞌe aana nga maholo, kie ke si lio saie taane ahutana walu ola oto mola aana maaka maraaka. Aana maholona nge kie ke si saenanau diana aana a God oto mala a God e saenanau aaka.

Uusu-uusu A Pol Hurula'aa Hunie Mo Rom 8:29

Aana uure mai naꞌo, a God e manataꞌinie oto mwala ingeie, na e oalaꞌinie hunie kire ke mani urihana a Kalena, hunie a Kalena kei neꞌie naꞌohai mwane aana mo eesine oto hunge.

1 Korinit 15:49

Oto mala kie toꞌoni haahikie aana mei sape ni welumalau mala iini nge haꞌaholalana e lae mwaanie mwakano, nge kie kei toꞌoni urine loꞌu haahikie aana mei sape ni Lengi mala iini e uure mai Lengi ngeena.

Haataꞌinge 22:4

Kire kei leesie maana, na uusulana satana kei lae i naꞌona darada.

2 Pita 1:4

Oto aena urine, e niie oto mo tohungei niinge paine e lae oto i diana nge e haiholotaꞌiniꞌi hunikie. Na aena aana mo olana mone, kie ko si toꞌo aana nanamanga huni tehisie taꞌena nga tolahai ola aaela aana walumalau, na kie sai lado oto peꞌie a God hunie kie ke toꞌo aana maurihe diana peꞌie.

1 Korinit 2:9

Taꞌe leune ko haataꞌinie oto uri Uusu-uusu Maaꞌi ko ere toꞌohuu aana e unue uuri, A God e dau aakau aana mei ola nge e diana liutaa hunie mo iini nge a God maraana e manata diana hunire. Na mei ola diana ngeena nga iini e kaꞌa leesie ue, wa nga iini ke rongoa, wa ke loꞌo-loꞌongaꞌinie uri kei reu. Aesaea 64:4

1 Jon 3:1

!Leesie kaꞌu! Aamaka i Lengi e tohungei manata diana paine hunikie mo iini kie ko lulu i sulie a Jisas. Manata-diananga ingeie hunikie e paine liutaa, kaꞌu hule aana e haaraꞌinikie oto aana maeni kalena, na e kaꞌa satai ola mwaakule mola, taꞌe ikie mo kalena oto toꞌohuu. Na aena aana mwala aana walumalau kire kaꞌa manataꞌinie ike a God, nge kire kaꞌa manataꞌinikie noꞌone.

Kalesia 4:6

Oto huni haataꞌinie uri kie neꞌie oto mo kalena a God toꞌohuu, a God e uusungeꞌinie mai Liꞌoa Maaꞌi aana a Kalena hunie ke iiꞌo i laona maurihaꞌaka. Na Liꞌoa ngeena ko si haataꞌinie uri kie sai soie a God Aamaka aana “Mamaꞌa.”

Uusu-uusu A Pol Hurula'aa Hunie Mo Rom 8:18

Nou sai diana aana uri walu ola nge kie ko sapesalu eeni aana maholo ienini, walu ola mwaakule mola ni ngeena, aana kie ko loꞌongaꞌinie tohungei mei menikuluꞌanga nge a God e loohaꞌinie naka.

Kalesia 3:26

Oto omu meni neꞌi kalena a God oto aana omu lado peꞌie a Jisas Kraes aena aana omu hiiwalaimoli aana.

Tataroha Diana I Sulie A Jisas Kraes Nge A Jon E Uusue 17:24

“Mamaꞌa, nou saetoꞌo aana mo iini nge o maire oto nakue, kire ke iiꞌo oto peꞌieu aana leu no ko iiꞌo aana. Saeku hunie uri kire ke leesie manikuluhaꞌaku, mei menikuluꞌanga nge o niie nakue aana o manata diana hunieu oto wai naꞌona haꞌaholalana walumalau.

Matiu 5:8

Deidehie mo iini nge saeda e rereꞌa na e manola, aena aana kire kei iiꞌo peꞌie a God.

1 Jon 2:28

Iau, maeni mwela ineu, omu ke iiꞌo susu oto i lalo aana a Kraes, uri hunie maholo kei ooli mei, kie ke suꞌuri meꞌu na kie ke suꞌuri masa i maana.

Hibru 9:28

Na urine noꞌone, a Kraes e toliꞌaasie maurihaꞌana mola hautaꞌai hunie ke mae mala nga uunu-olanga aana ko helesie haꞌaletehinge haahie mo oorahaꞌaa mo iinoni hunge. Na a Kraes kei heꞌi ruana lae loꞌu mei, taꞌe aana maholo nge ko lae mai ngeena, e saꞌa lae ike mai huni mae honotana mo oorahaꞌaa ikie loꞌu. !Haꞌike! Taꞌe kei lae mai huni toolea mai maurihe huu nana mwala kire ko maaꞌoohie.

2 Korinit 4:17

Na mei siꞌohaꞌanga nge ko tooleꞌemeelu mola hunie kele maholo oꞌoruꞌe ienini, ko da melu ke si hele liutaa aana mo ola manikuluꞌe oto hiitoꞌo loꞌu aana maurihe huu peꞌie a God taꞌau i Lengi.

1 Jon 5:1

Taꞌena nga iini ko hiiwalaimoli aana a Jisas uri ingeie a Kraes, a Haꞌa-uuritaka nge a God e haiholotaꞌinie kaꞌu huni uusungeꞌinie mai, nge iinoni ngeena e hute haalu mala ngaeta kalena God. Na taꞌena nga iini ko manata diana hunie Mamaꞌa i Lengi, nge ke manata diana noꞌone hunie mo iini nge e hute aana.

Tataroha Diana I Sulie A Jisas Kraes Nge A Luk E Uusue 17:30

“Aitana kei urine noꞌone aana hai dinge nge ineu a Kale Ni Iinoni ne kei ooli mei.

Tataroha Diana I Sulie A Jisas Kraes Nge A Luk E Uusue 20:36

na kire saꞌa mae loꞌu. Oto aana iiꞌonga urine nge kire kei iiꞌo oto mola mala mo ensel. Mwala ngeena oto mo kalena God, nge kire taꞌelaꞌi eelihoꞌi loꞌu mwaanie maenga hunie maurihe haalu.

Tataroha Diana I Sulie A Jisas Kraes Nge A Jon E Uusue 1:12

Taꞌe ngaeta mo iini kire takuhie taane, na kire hiiwalaimoli oto aana. Oto e asuie uri ikire oto, kire ke neꞌie mo kalena God.

Tataroha Diana I Sulie A Jisas Kraes Nge A Jon E Uusue 11:52

Na e kaꞌa ike mola honotana mo Jiu hahaiteli, taꞌe huni lokoa ahutana mo iinoni a God nge kire iiꞌo tatanga i laona walumalau hunie kire ke neꞌie taꞌa-taꞌa iinoni.

Uusu-uusu A Pol Hurula'aa Hunie Mo Rom 8:16

Liꞌoa Maaꞌi ko unu haꞌa-oaie tararuru peꞌie neꞌisaenga ikie uri ikie oto mo kalena God.

Uusu-uusu A Pol Hurula'aa Hunie Mo Rom 8:19

Taꞌe-taꞌena nga ola a God e haꞌaholaa ko maa-maaꞌoohi peꞌi toꞌue luada huni leesie haataꞌinilana manikuluhaꞌana mo tohungei kalena God.

1 Jon 2:7

Maeni eesiku, mei haꞌatolanga nge no ko uusue huniꞌomu ie, e kaꞌa mei ola haalu ike. Mei haꞌatolanga lalahuꞌe omu toꞌo aana taane oto uure mai maholo omu aehota hiiwalaimoli, na mei haꞌa-uusulinge omu rongoa taane oto.

1 Jon 3:10

Oto i leune kie sai lio saie uri a tei nge e neꞌi kalena God, na a tei e neꞌi kalena a Pwelu Eero-eero. Aana taꞌena nga iini nge helelana e kaꞌa oodotaꞌi, wa ke manata diana hunie aasine, ingeie nga kalena God haꞌike.

1 Jon 3:21

Oto maeni malahuku, mala uri kie saie uri manataka e taha mola mwaanie roroꞌanga, nge kie saꞌa maꞌuteꞌinie ike laenga mai peꞌie nga mei neꞌisaenga huni sukaa aana a God.

Haataꞌinge 2:28

Nge ne kei niie noꞌone hunire Madala ni Maahuꞌo-huꞌo.