1 Jon 3:12 - Tataroha Diana

¹² Kie ke suꞌuri urihana a Kein wau i naꞌo, aana ingeie iini a Pwelu Eero-eero mola, na e horo maesie oto aasine, a Ebol. ?Aena e ue kaꞌu nge a Kein e horoꞌie aasine urine? E horoꞌie aena aana a Ebol e oodotaꞌi, na iiꞌonga diana ingeie e haataꞌinie uri iiꞌolana a Kein e kaꞌa oodo.

1 Jon 3:12 Referans Kwoze

Hibru 11:4

Aani hiiwalaimolinge mone, nge a Ebol e toolea mai nga uunu-olanga diana loꞌu liutaa aana uuraaꞌinge aasine, a Kein. Na aana a Ebol e hiiwalaimoli, nge a God e unue uri ingeie nga iinoni oodotaꞌi, na a God e si ilenimwaꞌe haahie uunu-olanga ingeie. Oto maꞌalana uri a Ebol e mae taane oto waite, taꞌe siꞌiri laladonga i sulie ko haꞌananaukie ue i sulie hiiwalaimolinge ingeie.

Jiud 1:11

!Aama-aamasilana mwala ngeena! Kei tohungei aaela oto hiitoꞌo hunire, aana kire ko lae i sulie tolahana a Kein iini nge e horoꞌie aasine. Na i tehulaꞌana mola toꞌoha, kire ko toliꞌaasire huni esuie walu ola e kaꞌa diana, mala a Belam e asuiꞌi keꞌu. Kire haukama honosie a God mala a Kora e asuie kaꞌu waite honosie a Mosis. Oto dau tekelaꞌinilada kei lae oto mala ingeie.

Tataroha Diana I Sulie A Jisas Kraes Nge A Luk E Uusue 11:51

Haꞌaloilemiu kei lae haahie horoꞌilada, aehota peꞌie a Ebol lae hule aana a Sekaraea, iini horoꞌilana e lae karaꞌinie ora ni uunu-uunu aana Nume Maaꞌi Peine. Toꞌohuu no ko unue oto huniꞌomu uri iꞌomu pwaunge siꞌiri ie a God kei haꞌaloiꞌomu haahie horoꞌilana ahutada mango.

Matiu 23:35

Oto iꞌomu, omu kei roroꞌa aana maelana ahutana mwala oodotaꞌi nge horo maesilada e lae mai aano. Omu kei aehota roroꞌa aana horoꞌilana ahutana mo mwane oodotaꞌi, uure aana a Ebol lai hule aana horoꞌilana a Sekaraea, mwane kalena Barakaea nge omu horo maesie karaꞌinie ora ni uunu-uunu aana Nume Maaꞌi Peine.

1 Pita 4:4

Taꞌe maholo ienini mo malahumiu oto i naꞌo kire ko tohungei pangataꞌiniꞌomu aana omu kaꞌa sare lae loꞌu peꞌire huni deu i sulie mo tolahai ola aaela ngeena. Oto kire ko ere tataaꞌiniꞌomu oto.

Hibru 12:24

Na kie lae oto mai i saana Jisas. Ingeie oto iini ko haꞌa-uurerurukie peꞌie a God aana e haꞌa-uuresie haiholotaꞌinge haalu a God peꞌie mo iinoni. Na apune a Jisas nge tataaꞌinilana e lae huni hoda rereꞌa aaka mwaanie oorahaꞌaa e haataꞌinie oto mei ola e diana loꞌu liutaa aana apune a Ebol nge e soi peine mola hunie nga iini ke suꞌue maenga ingeie.

1 Jon 3:8

Taꞌe iini nge ko oora-oorahaꞌaa oto mola, iini a Pwelu Eero-eero eena, aena aana a Pwelu Eero-eero ingeie e uure ni oorahaꞌaala oto mai aehotalana. Na Kalena God e lae oto mai huni oho aasie mola mo esunge a Pwelu Eero-eero ngeena.

Palonga 7:52

?Maholo mo weuwemiu kire haꞌaloie mo propet oto wau i naꞌo, uri kire liue nga iini aada? !Haꞌike! Taꞌe kire haꞌaloie ahutada mango, hule aana kire horoꞌie mo iini nge kire ko laengaꞌinie laenga mai koni-konihe oodotaꞌi a God. Na hule aana ingeie maraana, iꞌomu oto omu pweloa na omu horo maesie.

Tataroha Diana I Sulie A Jisas Kraes Nge A Jon E Uusue 10:32

Oto a Jisas ko teꞌuri hunire, “Mo huꞌi-huꞌite diana oto hunge nou haataꞌiniꞌi eemiu uure mwaanie a Mamaꞌa. ?Oto iini uri taa aani nge omu ko sare horoꞌieu haahie?”

Matiu 27:23

Oto a Paelat ko heꞌi dolosi loꞌu aada uuri, “?Aana e ue? ?Haꞌalaa nga mei taa nge e dau aaelasie?” Taꞌe kire ko si meni tea paine mola liutaa uuri, “!Horo maesie i lengine poꞌu-poꞌu!”

Matiu 13:38

na hohola walumalau eena. Litei ola diana mwala aana Aalahanga a God eena, na mo rea oto mo iinoni a Satan,

Matiu 13:19

Tala nge mo lite ngeena kire teke i sulie e urihana mo iini nge kire rongoa taane mo wala aana Aalahanga a God. Taꞌe e kaꞌa tewa na a Satan e lae mai ko taꞌaasie nga taa nge hasilana e lae kaꞌu i manatada.

1 Tesalonaeka 2:14

Maeni eesiku, nga taa e raꞌusiꞌomu ngeena e rau taane oto noꞌone aana mo soihaadaꞌinge a Kraes Jisas aana poꞌo ni henue i Jiudia. Iꞌomu, omu sapesalu aana mwala iꞌomu loꞌu mola kire taungeꞌiniꞌomu, na e urihana noꞌone loꞌu mola ikire kire sapesalu aana mwala ikire mo Jiu kire taungeꞌinire.

Matiu 5:37

Taꞌe maholo omu ko heiholotaꞌi, omu ke unue mola, ‘Iau, ne kei teꞌurine,’ wa ‘Haꞌike, nou saꞌa teꞌurine ike.’ Mala omu kei unue loꞌu nga mei ola aaopa, leu ngeena e uure oto mai mwaanie a Satan, iini oorahaꞌaa eena.”

Tataroha Diana I Sulie A Jisas Kraes Nge A Jon E Uusue 8:40

Taꞌe iꞌomu, omu ko si eriꞌapasie mola uri omu ke horoꞌieu i tehulaꞌana uri ineu no ko sare haꞌarongoꞌomu aana mo wala toꞌohuu nou rongoꞌi mwaanie a God. A Ebraham e kaꞌa teteꞌurine ike.

Tataroha Diana I Sulie A Jisas Kraes Nge A Jon E Uusue 8:41

Iꞌomu, omu ko deu oto mola i sulie tolahana tohungei aamamiu ni ngeena.” Oto kire ko aalamie uuri, “!Haꞌike eena! !Iꞌemeelu nga mo kaleni aro-aro haꞌike! A God maraana oto aamameelu, na iꞌemeelu oto mo tohungei kalena.”