1 Jon 2:13 - Tataroha Diana

¹³ No ko uusu-uusu huniꞌomu maeni rato ineu, aena aana omu saie oto iini e uure oto mai aehotalana. No ko uusu-uusu huniꞌomu maeni saanau ineu, aena aana omu aꞌailaꞌasie iini tataꞌala.

1 Jon 2:13 Referans Kwoze

Tataroha Diana I Sulie A Jisas Kraes Nge A Jon E Uusue 14:7

Oto aana omu sai diana aaku, nge omu saie oto noꞌone Aamaku eena. Na omu sai diana aana taane oto, na omu leesie oto.”

1 Jon 2:14

No ko uusu-uusu huniꞌomu maeni mwela ineu, aena aana omu saie oto a Mamaꞌa. No ko uusu-uusu huniꞌomu maeni rato ineu, aena aana omu saie oto iini e uure oto mai aehotalana. No ko uusu-uusu huniꞌomu maeni saanau ineu, aena aana iꞌomu oto mo iini aꞌailaꞌa, na aena aana walana God e iiꞌo i lalo aamiu, na aena aana omu aꞌailaꞌasie iini tataꞌala.

1 Jon 4:4

Maeni mwela ineu, iꞌomu mo iini a God eena, na omu aꞌailaꞌasie oto mo propet eero-eero, aena aana Liꞌoa Maaꞌi nge e iiꞌo i lalo aamiu, e saka liutaa aana liꞌoa i lalo aada mo iini ni welumalau.

1 Jon 1:1

Ie melu ko uusue uusu-uusu huniꞌomu i sulie tohungei iinoni e uure oto mai aehotalana, nge ingeie mei Wala ni Meurihe. Melu ko uusue oto mala melu rongoa aana aalingameelu, na melu leesie aana maameelu. Melu toꞌomaaie, na melu hele aana oto aana kiꞌimeelu.

Tataroha Diana I Sulie A Jisas Kraes Nge A Luk E Uusue 10:22

Oto ko heꞌi unue loꞌu hunie mwala uuri, “Aamaku e niie oto ahutana walu ola hunieu hunie ne ke paine haahiꞌi. Na nga iini kaꞌa manataꞌinie ike a Kale taꞌe a Mamaꞌa mola haliꞌite. Na nga iini e kaꞌa manataꞌinie ike a Mamaꞌa taꞌe a Kale mola haliꞌite, na mo iini nge a Kale ko lio hilisire huni unu haataꞌi aana Aamana.”

Tataroha Diana I Sulie A Jisas Kraes Nge A Jon E Uusue 17:3

Na loꞌongaꞌinge aana maurihe huu ngeena, uri hunie mwala ke sai diana aamu, taꞌa-taꞌa God oto toꞌohuu, na uri kire ke saieu noꞌone, a Jisas Kraes, iini o uusungeꞌinie mai.

1 Jon 5:18

Kie manataꞌinie oto uri taꞌe-taꞌena nga iini e hute aana a God, e kaꞌa talei oora-oorahaꞌaa ike, aana a Kalena God ko kinetaꞌinie mwaanie uri Naꞌohai Iini Tataꞌala, a Pwelu Eero-eero, e kopi aana huni waelie.

1 Jon 3:12

Kie ke suꞌuri urihana a Kein wau i naꞌo, aana ingeie iini a Pwelu Eero-eero mola, na e horo maesie oto aasine, a Ebol. ?Aena e ue kaꞌu nge a Kein e horoꞌie aasine urine? E horoꞌie aena aana a Ebol e oodotaꞌi, na iiꞌonga diana ingeie e haataꞌinie uri iiꞌolana a Kein e kaꞌa oodo.

Matiu 11:27

Oto e si teꞌuri loꞌu hunie mwala, “Aamaku e niie oto ahutana walu ola hunieu hunie ne ke paine haahiꞌi. Na nga iini kaꞌa manataꞌinie ike a Kale taꞌe a Mamaꞌa mola haliꞌite. Na nga iini e kaꞌa manataꞌinie ike a Mamaꞌa taꞌe a Kale mola haliꞌite, na mo iini nge a Kale ko lio hilisire huni unu haataꞌi aana Aamana.

1 Jon 5:20

Na kie manataꞌinie oto noꞌone uri a Kalena God e lae mai na e niie oto saenanaunge naka, uri hunie kie ke manataꞌinie Iini Toꞌohuu. Na maurihaꞌaka oto i lalo aana Iini Toꞌohuu, aana ikie i lalo aana Kalena, a Jisas Kraes. Taꞌe ingeie mola tohungei God, na ingeie oto aahuꞌine maurihe huu.

1 Jon 2:12

No ko uusu-uusu huniꞌomu, maeni mwela ineu, i sulie a Mamaꞌa e saeꞌaasie oto mo oorahaꞌaanga iꞌomu i tehulaꞌana a Jisas Kraes.

1 Jon 2:1

Maeni mwela ineu, no ko uusue oto urine huniꞌomu uri hunie omu ke suꞌuri oorahaꞌaa. Taꞌe mala uri nga iini ko oorahaꞌaa, kie toꞌo aana taane iini huni peꞌikie aani erenga oolitaka peꞌie a Mamaꞌa. Na ingeie oto a Jisas Kraes, iini e oodotaꞌi taꞌingelu.

Taetas 2:6

Na o ke haꞌa-uusulie loꞌu mo saanau hunie ikire noꞌone kire ke haꞌahili-hilie tolahada mwaanie aaelanga.

2 Korinit 4:6

Aana haꞌaholanga a God e unue uuri, !Raa-raa kei raangie rodohono! Jenesis 1:3 Na ingeie noꞌone nge e sinelie saemeelu aana raa-raa ingeie, hunie melu ke lio saie uri mwala e sai leesie manikuluhaꞌana God aana a Jisas Kraes.

Tataroha Diana I Sulie A Jisas Kraes Nge A Jon E Uusue 16:3

Mwala kei haꞌasapesaluꞌaꞌomu urine, aena aana kire kaꞌa manataꞌiniꞌemereꞌi ike a Mamaꞌa.

Tataroha Diana I Sulie A Jisas Kraes Nge A Jon E Uusue 14:9

Oto a Jisas e aalamie ko teꞌuri, “!Mwae! ?No ko iiꞌo tewa oto peꞌiꞌomu, na uri o kaꞌa saieu ue, Pilip? A tei nge ko leesieu, e leesie a Mamaꞌa otona. ?E ue o ko saetoꞌo aana ne ke haataꞌinie a Mamaꞌa loꞌu eemiu?

Tataroha Diana I Sulie A Jisas Kraes Nge A Jon E Uusue 8:19

Oto kire ko si dolosi aana Jisas uuri, “?Oto aamamu ingeie i tei?” A Jisas e aalamire oto ko teꞌuri, “Omu kaꞌa saieu ike, kaꞌu omu kaꞌa saie ike noꞌone Aamaku. Mala uri omu ke saieu, haꞌalaa omu saie oto noꞌone Aamaku.”

Matiu 13:38

na hohola walumalau eena. Litei ola diana mwala aana Aalahanga a God eena, na mo rea oto mo iinoni a Satan,

Matiu 13:19

Tala nge mo lite ngeena kire teke i sulie e urihana mo iini nge kire rongoa taane mo wala aana Aalahanga a God. Taꞌe e kaꞌa tewa na a Satan e lae mai ko taꞌaasie nga taa nge hasilana e lae kaꞌu i manatada.

1 Timoti 5:1

Maholo o ko haꞌa-oodohie nga mwane nge e neꞌi rato oto, o ke suꞌuri ere raramaa hunie, taꞌe o ke ere rako peꞌie mala uri ingeie oto aamamu. Na o ke takuhie mo mwane saanau oto mala ikire mo eesimu mwane.

Tataroha Diana I Sulie A Jisas Kraes Nge A Jon E Uusue 17:21

Oto no ko eitanaiꞌo Mamaꞌa, uri hunie kire ke mani neꞌie taꞌa-taꞌa iinoni, mala oto iꞌoe i lalo aaku na ineu i lalo aamu. No ko eitanaiꞌo uri hunie kire ke iiꞌo noꞌone i lalo aakarue, hunie walumalau ke hiiwalaimoli aana uri iꞌoe o uusungeꞌinieu mei.

Matiu 5:37

Taꞌe maholo omu ko heiholotaꞌi, omu ke unue mola, ‘Iau, ne kei teꞌurine,’ wa ‘Haꞌike, nou saꞌa teꞌurine ike.’ Mala omu kei unue loꞌu nga mei ola aaopa, leu ngeena e uure oto mai mwaanie a Satan, iini oorahaꞌaa eena.”

Tataroha Diana I Sulie A Jisas Kraes Nge A Jon E Uusue 16:33

Nou unue oto walu ola ienini huniꞌomu, hunie uri omu ke si toꞌo aana hanuelamanga aani iiꞌonga tararuru peꞌieu. Walumalau kei haꞌasapesaluꞌaꞌomu taane, taꞌe mwaanie omu meꞌu-meꞌu. Saemiu ke mango mola, aana nou tola hehesie oto walumalau.”

Haataꞌinge 2:7

“Omu ke pwaarongo diana, hunie omu ke rongo saie nga taa nge Liꞌoa Maaꞌi ko unu-unue hunie mo soihaadaꞌinge. Mo iini nge kire ko aꞌailaꞌa taraꞌasi honosie aaelanga, nge ne kei toliꞌaasie kire ke lae mai i laona hohola a God hunie kire ngaue hue-huana ai nge e sai niie maurihe huu.”

Haataꞌinge 12:11

Oto maholo ie e saꞌa haꞌasusungeꞌinie loꞌu mo eesike aana kire aꞌailaꞌasie oto aana apune a Kalei Sipu, aana walaimolinge kire tarohaꞌinie, aana kire toliꞌaasie maurihaꞌada i tehulaꞌana.