1 Jon 1:9 - Tataroha Diana

⁹ Taꞌe mala kie ko haꞌahoue mo oorahaꞌaa ikie hunie a God, nge kie sai norutoꞌo aana huni saeꞌaasie mo oorahaꞌaa ikie, aana ingeie e oodotaꞌi na kei tohungei haꞌarereꞌakie mwaanie taꞌena nga takalonga ikie.

1 Jon 1:9 Referans Kwoze

1 Jon 1:7

Taꞌe mala uri kie ko iiꞌo i laona raa-raa mala a God noꞌone ko iiꞌo i laona raa-raa, nge kie ke iiꞌo ruru peꞌikie hailiu, na apune Kalena, a Jisas, ke si haꞌarereꞌakie mwaanie ahutana oorahaꞌaa.

Hibru 10:23

Kie ke lae peꞌi hele maꞌutaꞌa aana maaꞌoohinge susutoꞌo hunie walu ola nge kie ko unue uri a God e haiholotaꞌiniꞌi hunikie, aena aana kie sai norutoꞌo aana God, iini e haiholotaꞌinie walu olana.

1 Timoti 1:15

Nga taa nge ne kei unue ie e toꞌohuu, na o sai norutoꞌo aana oto. A Kraes Jisas e lae mai laona walumalau huni haꞌa-uurie kira oorahaꞌaa. O sai leesie leune e toꞌohuu, aana ineu oto ngaeta iini nou aaela liutaa, taꞌe ingeie mone e haꞌa-uurieu.

1 Korinit 1:9

Aana a God, iini nge e soiꞌomu hunie omu ke iiꞌo ruru peꞌie a Kalena, e sai deu i sulie walana, na a Kalena oto Aalaha ikie a Jisas Kraes.

Palonga 19:18

Na mo iini hunge aana mo iini kire hiiwalaimoli kire lae mai naꞌona ahutana mwala, kire ko si haꞌahoue mo oorahaꞌaa kire dauꞌi keꞌu.

Tataroha Diana I Sulie A Jisas Kraes Nge A Mak E Uusue 1:5

Na mwala hunge kire lae mai saana uure mwaanie i Jerusalem na taꞌena nga leu loꞌu aana poꞌo ni henue i Jiudia. Kire ko haꞌahoue oto mo oorahaꞌaa ikire, oto a Jon ko si loto maaꞌi aada i laona wai peine i Jodan.

Taetas 2:14

aana e toliꞌaasie maraana hunie ke mae honotaka, na hunie ke tola aalihoꞌi aaka mwaanie mo oorahaꞌaanga ikie. E haꞌarereꞌakie oto hunie kie ke neꞌi iinoni oto ingeie, hunie kie ke tohungei iiꞌo oodotaꞌi aani esuilana mo ola diana oto tarau.

1 Korinit 6:11

E toꞌohuu oto, holaꞌinaꞌo ngaeta mo iini hikemiu kire urine noꞌone. Taꞌe ie, loto-aasilana mo oorahaꞌaa iꞌomu e lae oto, na haꞌamaaꞌilemiu e lae oto aana satana Aalaha ikie a Jisas Kraes na aana nanamanga Liꞌoa Maaꞌi a God ikie.

Hibru 6:10

Aana leinge a God e oodo oto taꞌingelu na e kaꞌa sai pulongosie ike asunge iꞌomu na manata-diananga nge omu haataꞌinie hunie mwala i tehulaꞌana a Kraes. E lio saie mola uri omu peꞌi-peꞌi diana aana mo iinoni ingeie, na uri omu ko lae-lae ue aana peꞌinge huniꞌomu heiliu.

Haataꞌinge 15:3

na kire ko kanalie kana a Mosis, koni-konihe a God, na kana a Kalei Sipu uuri, “God Aalaha Hahuꞌana Nanama, o esuie mo ola paine na kire tohungei diana oto liutaa. Iꞌoe oto inemauri haahie ahutana mwala, ahutana mo ola o esuiꞌi kire oodotaꞌi na kire toꞌohuu.

Hibru 11:11

Aani hiiwalaimolinge mone, nge a Sera e toꞌo mwela mola, maꞌalana e amara na e tohungei repo oto hiitoꞌo. Aena aana e norutoꞌo aana God uri kei haꞌa-oaie haiholotaꞌinge ingeie,

Matiu 3:6

Mwala ngeena kire ko haꞌahoue oto mo oorahaꞌaa ikire, oto a Jon ko si loto maaꞌi aada i laona wai peine i Jodan.

Epesas 5:26

hunie uri soihaadaꞌinge ke neꞌi iinoni maaꞌi a God. E haꞌarereꞌara urine aana maholo e lotohire aani wei, aena aana kire hiiwalaimoli aana walana.

Uusu-uusu A Pol Hurula'aa Hunie Mo Rom 3:26

taꞌe ie e leie a Kraes haahie oorahaꞌaanga ahutana mwala ni welumalau. Oto i leune a God e haataꞌinie oto leinge ingeie e oodotaꞌi taane, na e tohungei melisi na e oodo hunie ahutana mwala kire hiiwalaimoli aana Jisas ke neꞌi iinoni oodotaꞌi oto i maana maraana.

Tataroha Diana I Sulie A Jisas Kraes Nge A Jon E Uusue 17:25

“Mamaꞌa, iꞌoe oto o tohungei oodotaꞌi, na maꞌalana uri walumalau e kaꞌa saiꞌo, taꞌe ineu nou saiꞌo mola, na mo iini ineu ie kire saie taane uri iꞌoe ni o uusungeꞌinieu mei.

Tataroha Diana I Sulie A Jisas Kraes Nge A Luk E Uusue 22:57

Taꞌe a Pita e taateingeꞌinie, ko teꞌuri, “!Keine, nou kaꞌa saie ike a mwane ngeena!”