TAITAS 1:2 - NITI GONTU N.T. (BSI)

² santḛrlamanii sango ka hentiñ naniiñho nii mina Pinii, huna pema gollu manii, ayu kolyuñkolo hoka hemme biniiñ

TAITAS 1:2 Referans Kwoze

1 JON 2:25

Ho siikasi niihna mo hemme bitii nii ngunupa, santḛrlamanii sango.

2 TIMOTI 1:9

huna ngunumi lyangur tiinii ho gyotiinii darii gyojulo, ngunuka miigo miiko hopa mapa hojalo mohka atoh piigopa ho aroh-aya nii mina mo ngunumi bitiinii Kristo Jisu kiilo ayu kolyuñkolo ho,

JUD KA SIITI KENIIÑ 1:21

nunu attohmi Pinii ka hensuko atii siito; Attoh Jisu Kristo ka aroh mi kalya tolya santḛrlamanii sango lohepa.

2 TIMOTI 1:1

Pol, Kristo Jisu ka kiiniñkonii kone Pinii ka henko jaho sango niihna Kristo Jisu ko hemme tola donii,

TAITAS 3:7

niimpalukoda ngunumi lupya dukupa hiila mohka aroh-aya lo ho pensikoniiñ pa lyidoku santḛrlamanii sango ka hentiñ ho.

TAITAS 2:13

ngunuka lyaniiñ hentiñ mi kalyala, ngunuka tatukatu kahe Pinii ho Lyangur bo Jisu Kristo ka ahsa niimi,

2 TIMOTI 2:15

Niika miikhe jami ayapa miito atohmi Pinii ka taliikokunii kone hiila kakiñ siidupa, miigomiinii miyu huna hang hiinyañ dopa lyimanii, miidiko jaho miila jije ka aguñmi gabiitola.

2 TIMOTI 2:13

ngunu lotii mada jalo, mo lotii lokañdu, niimpalukoda mo atohmi mapa siila kema.

1 JON 5:20

Ho ngunu chindo Pinii ka Oho ahtii ho ngunumi chila nanii bitii, mohmi chila dopa huna jije nii; ho ngunu mohko da huna jije nii, mohka Oho Jisu Kristo. Siikasi jije Pinii ho santḛrlamanii sango.

TAITAS 2:7

Atohmi hikha khiiniiñ ho katiñnaniiñpa kakiñ siito aya miiju atañlo, ho niika tonsḛr ko denkilotii mi, hendimiidi mi kakiñ tolya,

1 TESOLONIA 5:8

Hojalo, ngunu allo kiike, kiije ngunu hendi nyasa, ho giito henje ka habyañsiitiñ la hensu niimi, ho dachañ byopa pa sangopyako ka hentiñ naniiñmi giito.

ROM MIKA POL KA SIITI KENIIÑ 6:23

Niimpalukoda ingyamiigya ka miijo shiigo ke, hojalo Pinii ka binyo paka ahmiñayiñ biniiñ hii santḛrlamanii sango ke Kristo Jisu ngunuka Attoh.

METHU 25:46

Ho mohlu mungu mapa ka miikhiiñ ko gandaho inkiñdo, hojalo denki atañ santḛrlamanii sango dokoho.

METHU 25:34

Ho Radde mohka lahbi dalyi hoka danii atañmi lukiñdo, Ahto, ngiika Aba ka Lyaniiñ atañ, nunupaka dohadolo mika pulyi jaho hokii ka miimyo tola donii raddeganda mi labii heku;

MIHUKAKIÑNIIÑ 17:8

Achu-amyo niika kapanii hii, ho siisi nyima, ho hiika hii kamoramba ura hokii chakiñdo ho pamyo kenko ho inkiñdo; ho kiiddiapiñ hoka dunii atañ huka armyañ na sango ka kheta ho kemanii dohadolo mika liidi rabii jaho hokii, kapuñtale nyakiñdo achu-amyo mi kala la, niimpalukoda hiika hii dune ho nyima ho ahkiñ do.

MIHUKAKIÑNIIÑ 13:8

ho hikha hutiina kiiddiapiñ so dunii hii herii kendo siimi, kone abi huka armyañ mina kema nii dohadolo mika liidi rammarampa Subuñ menko boka sango ka kheta ho hiimi menkiñdo.

2 TIMOTI 2:10

Hopa ngo kapane drih mi pigiidu kahe koniikiipa, niimpalukoda mohlumi tiirḛ sangopyako mi pake nendupa Kristo Jisu ko lyulasamanii tatukatu ka agiñho:

1 TIMOTI 6:19

hiitañpa atii tiikuñ siibiito atohpa aya liidi rabiidola ahlyinii allopa, niimpalukoda mohlumi sango mi sala dopa niihna jije sango nii.

ROM MIKA POL KA SIITI KENIIÑ 5:21

hopa, ingyamiigya hii shiiniiñ mi dogiitii, aroh-aya hiitiirḛ dogii kendo denkilo santḛrlamanii sango mi Jisu Kristo ngunuka Attoh kiilo.

MIINIIÑ 15:18

Attoh lutii, hu siika drih atañmi bilo ka khu hokii chindopa miitii.

JON KA AYAPUYU 17:2

niimpalukoda no mohmi hikha miyu atañmi diimiñlumiñ ladopa harchichike bitii, santḛrlamanii sango bidopa humina no mohmi bitiinii.

JON KA AYAPUYU 10:28

ho ngo mohlumi santḛrlamanii sango bidu, ho mohlu iche hetḛr lyukiñma, ho kone hetḛr mohlumi ngiika alah hokii robii lakiñma.

JON KA AYAPUYU 6:68

Saimon Pitar mohmi lusitii, “Attoh, huko ngunu inchi? Niiko santḛrlamanii sango ka aguñ hii do;

JON KA AYAPUYU 6:54

hii huna ngiika apomi diidonii ho ngiika ai mi tandonii hiiko santḛrlamanii sango do, ho ngo mohmi kami allo ho seri talyi.

JON KA AYAPUYU 5:39

Nunu piniipota mi medo, niimpalukoda nunu hendo hiiko santḛrlamanii sango do hiila; ho hiika atañke ngiipa haki bitiinii;

1 TIMOTI 6:12

Pagomi aya paju ho pato henjelo; santḛrlamanii sango mi hendi biitolya niihpana niimi gyotiinii niika abuje haki atañka hataho khadiko khako kopa .

1 TESOLONIA 2:15

huna anyerumi mentiinii Attoh Jisu la nyibuhenii atañmi, ho ngunumi ago nempalintii, ho Pinii mi herumiipatii ho hikha miyu atañmi chekhotii

ROM MIKA POL KA SIITI KENIIÑ 16:25

Siisi mohko huna nunumi alḛr giila kendonii ngiika ayapuyu chulipa ho Jisu Kristo ka tonsḛr khenyo nii hokii, chila maniiñ mika mihukakiñ nii chulipa nii mina ayu kolyuñ kolo hokii achuñ tola doniimi mih chimapa

ROM MIKA POL KA SIITI KENIIÑ 5:4

ho pigiilaniiñ hii henju miiju mi lingiidu, ho henju miiju hii hentiñnanii mi lingiidu,

ROM MIKA POL KA SIITI KENIIÑ 5:2

Mo kiilo ngunu ahla dopa lyido siika aroh-aya ho nii hona ngunu danii, ho ngunu hempyodo ngunuka hentiñho Pinii ka tatukatu mi ngunu hembo kendo hiila.

ROM MIKA POL KA SIITI KENIIÑ 2:7

hutiina pigiibiidola aya miigo miibii dola medonii tatukatu mi ho khiiniiñmi ho lyula sama niimi, mo santḛrlamanii sango bikiñdo;

ROM MIKA POL KA SIITI KENIIÑ 1:2

nii mina mo kappyopa hemme tola dotiinii mohka nyibuhenii atañlo darii piniipota ho,

JON KA AYAPUYU 17:24

Aba, ngo hendo mohlutrḛ, humina no ngiimi bitiinii, ngiika agiñho dado koda nohna ngo danii, ngiika tatukatu mi kapa dopa niika ngiimika biniiñmi niika heniiñ ho dohadolo mika pumarampa.

KOLOSIA 1:27

Mohlumi Pinii kahetii chinke nendupa Midomiyu atañka punkoho niimkane kahe na siika mingo tatukatu michimaniisi, niihna Kristo nunuko donii, hentiñ naniiñ ka tatukatu.

MAK KA AYAPUYU 10:30

hii lange abuyapa siika santuñ so kappa kendo, ude ho anubarmii, annii ho himme-oho, ho aji, miihimiire ka agiñho, ho ahsanii santuñ ho santḛrlamanii sango.

MAK KA AYAPUYU 10:17

Ho mo myodi impa irikele, miyu kone haratii ho mohka hataho liibañ khangatii, ho mohmi tahiitii, Denki tonsḛrbo, nii miido kodape ngo santḛrlamanii sango kappa kendonii