ROM MIKA POL KA SIITI KENIIÑ 8:16 - NITI GONTU N.T. (BSI)

¹⁶ siikasi Yajiyallo mo atoh haki bido ngunuka yajiyallo agiñho ngunu Pinii ka wiinga ke hiila,

ROM MIKA POL KA SIITI KENIIÑ 8:16 Referans Kwoze

1 JON 4:13

Siika silo ngunu chindo ngunu mohko giigela do ho mo ngunu ko, niimpalukoda mo ngunumi mohka atoh Yajiyallo mi bitii.

2 KORINTIA 1:22

mo mohka tiihonanii lo ngunumi tiihotii ho ngunumi mohka Yajiyallo mi bitii ngunuka ahha ho hentiñ naniiñpa.

2 KORINTIA 5:5

Mo huna siika drih siimi ngunupa miimyo bidonii hii Pinii, huna ngunumi Yajiyallo mi bitiinii chigiiniipa.

IPISIA 1:13

Mohko nunu tiirḛ, hutiina jije ka aguñmi tapa tiinii, nunuka sangopyako ka ayapuyu mi, ho mohmi henjetii, ho tiiho tola dotiiku hemme biniiñ Darii Yajiyallo lo,

ROM MIKA POL KA SIITI KENIIÑ 8:26

Hiichulipa Yajiyallo ngunumi hembyuñ du ngunuka ajju ho; niimpalukoda ngunu chima niihtañpa kukiñdo ngunuka kusa niimi, hojalo Yajiyallo ngunupa kubidu hempḛr uropa hiimi hiika aguñmi luko lakiñma.

IPISIA 4:30

Ho Pinii ka Darii Yajiyallo mi heru miipa lyayo, huko hona nunumi tiiho tola dokunii tupyabiniiñ allo hopa.

2 KORINTIA 1:12

Ngunu ka hentii hii sike, ngunu henju ka pyakonii hiilake niihtañ pana ngunu dohadolo ho datiinii, ho abuyaya nunuka hataho, darii ho pinii henju jaho, kiiddiapiñ ka chila lomapa hojalo Pinii ka aroh-aya lo.

ROM MIKA POL KA SIITI KENIIÑ 8:23

ho puliñnii kontiima, hojalo ngunu atoh tiirḛ, huko hona Yajiyallo ka ahee hipyoja donii, ura ho herula ngunu kalya du oho pa chiko nyadupa, ngunuka apo mika tupyabiniiñ mi.

1 JON 5:10

Hii huna henje donii Pinii ka Oho mi hiiko pyakonii hii do. Hii huna henje manii Pinii mohmi gollu niipa miibii do, niimpalukoda mo henjema pyakoniimi Pinii ka mohka Oho paka haki biniiñmi.

METHU 5:9

Lyanko kendo chimie dopa lulyañ nii atañ, niimpalukoda mohlumi Pinii ka oho hiila lukiñ do.

LUK KA AYAPUYU 20:36

niimpalukoda mohlu shiidu hiila shiila keñkuma, niimpalukoda mohlu miidopopi la Pinii ka oho atañ ka ahiñpa lyidoku, turiturku kuniiñ ka oho atañpa lyilyi kunii.

JON KA AYAPUYU 1:12

Hojalo hikha hutiina mohmi lariitiinii, hutiina mohka armyañ mi tajetiinii, mo harchichike mi bitii Pinii ka oho pa lyidopa;

MIINIIÑ 5:32

Ho ngunu siika drih atañka hakipa lyido, ho hiichuli Darii Yajiyallo tiirḛ humina Pinii bitiinii hu mohmi lunii mi tado.”

ROM MIKA POL KA SIITI KENIIÑ 8:14

Niimpalukoda hikha hutiina Pinii ka Yajiyallo lo pagii kodonii hii Pinii ka oho atañ ke.

ROM MIKA POL KA SIITI KENIIÑ 8:19

Niimpalukoda miiliñ luliñnii atañ kalya rela doku Pinii ka oho atañ mika kakiñ saniiñ mi;

ROM MIKA POL KA SIITI KENIIÑ 9:8

Siika lusaniisi hiilake siikasi asiialyo ka oho make hutiina Pinii ka oho nii, hojalo hemme biniiñ ka oho atañmi khiido ohoasi atañ hiila.

ROM MIKA POL KA SIITI KENIIÑ 9:26

“Ho hiika lengo jaho nohna mohlumi lutiinii, ‘Nunu ngiika miyuma,’ mohlumi gyokiñdo ‘Turnii Piniika oho atañ.’”

2 KORINTIA 6:18

ho ngo nunuka aba pa lyikiñdo, ho nunu ngiika milobo ho nyimii wiinga atañ, Attoh Tamojabo ludo.”

GELESIA 3:26

niimpalukoda Kristo Jisu ko nunu miilañru Pinii ka oho atañ kuke, henje kiilo.

GELESIA 4:6

Ho niimpalukoda nunu oho atañ ku, Pinii kiiniñtii mohka oho ka Yajiyallo mi ngunu ahha ho, gyobiidola, “Aba! Aba!”

1 JON 3:1

Kato niihtañ hensunii Aba ngunumi bitii, ngunumi Pinii ka wiinga hiila gyoko dopa; ho hiila ngunu, niimpa dohadolo ngunumi chima lukoda siika atañsi mohmi chima kopa.

1 JON 3:2

Heniiñja, ngunu Pinii ka wiinga atañke siisi; siikasi ahma ranke niihtañ kendo ngunu hiila, hojalo ngunu chindo mohka ahlyi kuho ngunu mo chuli kendo, niimpalukoda ngunu mohmi kapa kendo mo niihtañ hiitañpa.

1 JON 3:10

Siika silo kala lakiñdo huna Pinii ka wiinga hiila, ho huna igii ka wiinga: hujalopa miidiko miiniiñmi miima hii Pinii kiima, malo hii huna atohka anubarmii mi hemanii.

MIHUKAKIÑNIIÑ 21:7

Mo huna pamiñdonii siika pensi konii si dokiñdo, ho ngo mohka Pinii pa lyichi ho mo ngiika oho pa lyikiñdo.