ROM MIKA POL KA SIITI KENIIÑ 7:6 - NITI GONTU N.T. (BSI)

⁶ Hojalo siisi ngunumi dapo hokii apalintiiku, niimpalukoda nii hona ngunumi nyima latu tola dotiinii hokii ngunu shiitii ku, Hopa ngunu bilo ka khu keto laka dapo donii hiilyañ miiho make hojalo Yajiyallo ka niti sango hoke.

ROM MIKA POL KA SIITI KENIIÑ 7:6 Referans Kwoze

2 KORINTIA 3:6

huna ngunumi miilalula dopa bitiinii niti hemmesiiniiñ ka miirapa, keto laka dapo homapa hojalo Yajiyallo ho; niimpalukoda dapo hii mendu, hojalo Yajiyallo hii sango bidu.

ROM MIKA POL KA SIITI KENIIÑ 7:4

Hiichulipa, ngiika anubarmii atañ, nunu shiitii ku dapo pa Kristo ka apo kiilo, hopa nunu khiibe koneyakii kuke, hiikii humina shiiniiñ hokii turiturku kiine tiikunii niimpalukoda ngunumi Pinii pa ahee hibi kiine dupa.

ROM MIKA POL KA SIITI KENIIÑ 6:4

Ngunu mi alie tiiku mohka agiñho shiiniiñ hoka baptisma laniiñ ho, hopa niihtañpa Kristo shiiniiñ hokii turi tiiku Aba ka tatukatu lo, ngunu mitrḛ imbo ladopa niti sango ho.

GELESIA 3:13

Kristo ngunumi tupyatiiku dapo ka beniiñ hokii, ngunu paka beko sanii mi beko biidola-niimpalukoda hiila ketii, “Kone abiko beniiñ dokiñdo huna sannii ho hosḛr siida nii”,

KOLOSIA 3:10

ho niti henjumiiju mi giito, nii mina nitidopa miidonii chiniiñho puniiboka kapupa.

GELESIA 6:15

Niimpalukoda hopa mitupipa koniiñmi hangpa khiima, malo mitupipakoma niimi, hojalo niti puliñnii.

ROM MIKA POL KA SIITI KENIIÑ 12:2

Siika kiiddiapiñ ka luko talya yo hojalo lyiguhto nunuka ahhami niti dopa, hosuke nunu kakiñ lakiñ siidonii niihna Pinii ka henju, niihna aya donii ho larii lasanii ho digoabiaya nii.

ROM MIKA POL KA SIITI KENIIÑ 6:22

Hojalo siisi nunumi tupya biilyi ke ingyamiigya hokii ho Pinii ka miira pa lyido ku, nunuka ahkur kuniisi dardḛkunii ho hiika hii dotḛr kuke, santḛrlamanii sango.

2 KORINTIA 5:17

Hopa, mi kone matiirḛ Kristo ko dado kukoda, mo niti puniiñ ke; khu hii lyune kuke, kato, niti doku.

ROM MIKA POL KA SIITI KENIIÑ 7:1

Nunu chimapo, anubarmii atañ niimpalukoda hutiina dapo mi chindonii hiipa ke ngo ludunii. Dapo hii mohluka turla daho hosuke rataliitola dosu donii

ROM MIKA POL KA SIITI KENIIÑ 6:2

Pema hiila ma! Niihtañpa ngunu huna ingyamiigya ho shiitii kunii hiira hiiko sankañ la dachi?

ROM MIKA POL KA SIITI KENIIÑ 6:19

Ngo miyu ka lujju hoke ludu nii, niimpalukoda nunuka dumiñ henju giikopa. Niimpalukoda nunu niihtañpa ronge nunuka asiialyo miibḛr la dane ho uro yaya uro yaya ingyamiigya muju ho, hopa siisi nunuka asiialyo mi denki ka asopaya lyikenento dardḛkunii naniiñpa.

ROM MIKA POL KA SIITI KENIIÑ 6:11

Hopa nunu tiirḛ atohmi ingyamiigya ho shiitiiku hiila hensuto ho Pinii Kristo Jisu ko turdoku hiila.

ROM MIKA POL KA SIITI KENIIÑ 1:9

Niimpalukoda Pinii ngiika haki, humina ngo miihodonii ngiika yajiyallo lo Oho ka ayapuyu ho, lungo mapa ngo kiirañ niimi ngiika kuniiñ ho hempadu,

PILIPIA 3:3

Niimpalukoda ngunu jije mitupipakoniiñ, huna Pinii mi yajiyallo lo heriidonii, ho Kristo Jisu ko assañ kodunii, ho asiialyoho hentiñ siimanii.

ROM MIKA POL KA SIITI KENIIÑ 7:2

Hiichulipa milo ingkunii nyimii mi dapo hii gapo liitola do nii dahepa mohka millo turla duchi; hojalo mohka millo matiirḛ shiido koda mohmi hiika dapo hii millo ka piigo hokii tupya tiiku.

IPISIA 4:24

ho niti henju mi giitoku, Pinii kapu ka jije denki ho darii loka puniiñmi.