ROM MIKA POL KA SIITI KENIIÑ 2:9 - NITI GONTU N.T. (BSI)

⁹ Hiiko ho hentḛrkanyi ho hengahenkha dokiñdo miyu koneabiko huna diimmah miidonii, Jew ko kapyopa ho Grik kotrḛ,

ROM MIKA POL KA SIITI KENIIÑ 2:9 Referans Kwoze

1 PITAR 4:17

Niimpalukoda myodu si ahlyi kuke ayakacho kari biidu kupa Pinii ka ude atañ hokii kari biila; ho hiikahii matiirḛ ngunu kokii kari biido koda, nii lyikiñdo mohluka kamikalo hii hutiina Piniika aya puyu mi luniiñ tama nenii?

ROM MIKA POL KA SIITI KENIIÑ 1:16

Niimpalukoda ngo hiinyañma ayapuyu pa: siikasi Pinii ka harchichike hikha koneabi paka sangopyako hutiina henje nyadonii, kapyopa Jew pa ho Grik patrḛ.

2 TESOLONIA 1:6

Pinii sipa bisi kendoke ayakacho kalyiho heru myañka mi huna nunumi herumyanka dopa miitiinii,

ROM MIKA POL KA SIITI KENIIÑ 9:24

ngunu mitrḛ humina gyotii nii, Jew atañ hokii kontii mapa Midomiyu hokii tiirḛ?

ROM MIKA POL KA SIITI KENIIÑ 2:10

hojalo tatukatu ho khiiniiñ ho chimie dokiñdo koneabiko huna aya miidonii, Jew ko kapyopa ho Grik kotrḛ.

MIINIIÑ 3:26

Pinii, mohka miira mi seritii, kapyopa nunuka kiiniñ bitii, nunumi lyandupa nunu kone abimi nunuka diimmah hokii henkur kiine dupa.”

LUK KA AYAPUYU 24:47

ho hiika henkur niimi ho ingyamiigyanii atañ hokii ka hello kuniiñ mi hikha ganda atañ ho tonsḛrkhenyo kendo mohka armyañ pa, Jerusalem hokii lukoribiila.

KOLOSIA 3:11

So Grik ho Jew hiila lyila kema, mitupikonii ho mitupikomanii, moreymiyu, dimpiirapii, miira, dasḛrmiyu, hojalo Kristoke hikharu, ho hikharuko hoke.

GELESIA 3:28

Hopa Jew malo Grik hiila khiisu kema, miira malo dasḛr hiila tiirḛ khiisu kema, milobo malo nyimii hiila tiirḛ khiisu kema, niimpalukoda nunu miilañru Kristo Jisu ko kone ke.

ROM MIKA POL KA SIITI KENIIÑ 10:12

Niimpalukoda hiiko hang ponsa siima Jew la Grik nyi; Attoh ahiñsii hikha ruka Attoh ho mohka mingo mi bido hikha rumi huna mohmi gyodo nii.

MIINIIÑ 28:28

Hojalo nunu chinto hokoda siika Pinii ka sangopyako mi Midomiyu atañ ko kiiniñ bulyike: mohlu tage kendoke.

MIINIIÑ 28:17

Allo lohiñhe daku lala mo hoka Jew sangii gyagii niimi gyobii nyimi; ho mohlu ahkuñ kiile, mo mohlumi lutii, “Anubarmii atañ, ngo hang miigya masu miyu atañmi malo ngunuka aba-apa ka muju lujju mi, hojalo ngiimi pattiih tunko niipa Jerusalem hokiila Rom miyuatañ ko nembo bitii.

MIINIIÑ 26:20

hojalo kapyopa Damaskas daka dunii mi luko lupyotii, ho Jerusalem, ho hikha Judia gandaho, ho Midomiyu atañ kotrḛ, niimpalukoda mohlumi henkur la Pinii ko ahkur kiine dukupa ho aya miigo miike nendupa mohluka henkur kuniiñmi.

MIINIIÑ 20:21

Jew atañ ma Grik atañ mima pyako biidola Pinii mika henkur sanii mi ho Attoh Jisu Kristo mika henje saniimi.

MIINIIÑ 13:26

Anubarmii atañ, Abraham ka uru atañka oho atañ, ho nunu agiñ hoka dabonii Pinii mika biisonii atañ, ngunupa kiiniñ bitii siika sangopyako ka puyu mi.

MIINIIÑ 11:18

Mohlu siimi tapa lala miilañru adu nyama tii. Ho mohlu Pinii mi assañtii, lubiidola, “Hokoda Pinii Midomiyu atañ miilañmi sango paka henkur kunii mi bittii ku.”

METHU 16:26

Niimpalukoda niihpe miyu pa aya donii, mo matiirḛ hikha supuñ mi biisu dojalo ho mohka sango mi alyu siido koda? Malo niihpe miyu si mohka sango pa bisi siila kendo nii?

ROM MIKA POL KA SIITI KENIIÑ 8:35

Hu ngunumi Kristo ka heniiñ hokii miipe kendo? Hentḛrkanyiha, malo hengahenkhaha, malo miihimiireha, malo diime ahniiñha, malo nyimadama niiha, malo hachesiireha, malo ilyoha?