ROM MIKA POL KA SIITI KENIIÑ 10:18 - NITI GONTU N.T. (BSI)

¹⁸ Hojalo ngo takadu, mohlu tapa ma ehna? Jije mohlu tapatii; niimpalukoda “Mohluka luniiñ hikha kiiddiapiñ ho intii patii, ho mohluka aguñ atañ dohadolo ka dotḛr lyihepa.”

ROM MIKA POL KA SIITI KENIIÑ 10:18 Referans Kwoze

ROM MIKA POL KA SIITI KENIIÑ 1:8

Kappyopa, ngo Pinii mi payapacho lulyi Jisu Kristo mi luta nala nunu miilañrupa, niimpalukoda nunuka henjemi hikha dohadolo so gyukotii.

METHU 24:14

Ho siika raddeganda ka ayapuyu mi hikha kiiddi dotrḛ ho tonsḛr khenyo kendo, hikha ganda atañmi luko lugiñ naniiñpa; hosu kamikalo hii ahkiñ siidonii.

1 TESOLONIA 1:8

Niimpalukoda Attoh ka aguñ kontii nunukokii biliñma Masedonia la Akaia nyiho, hojalo nunuka Pinii mika henje hii kapakohe tapa do, hiikohopa ngunu hang ludo patrḛ lyima.

KOLOSIA 1:23

nunumi henjeho dakañ kiine dupa, abyumapa bilo henju ho henkañdopa, ayapuyu ka hentiñ nii hokii hengu madopa nii mina nunu tapa tiinii, nii mina pukonii kone abimi tonsḛr khenyo tiinii dariiganda ka ura hoka daniimi, ho niihpana, ngo, Pol miihoniipa lyitiinii.

KOLOSIA 1:6

niihna nunuko ahtii nii, jijelusu dokoda hikha dohadolo ho siikasi ahee hila do ho sancha la do-hiichuli nunuka punko hotiirḛ, nunuka tapabii allo hokii ho Pinii ka aroh-aya mi chindo jije ho,

MAK KA AYAPUYU 16:15

Ho mo mohlumi lutii, “Hikha kiiddiapiñ ho ingela ho tonsḛrhe aya puyumi hikha puliñnii atañmi.

METHU 28:19

Hopa inge ho hikha ganda atañ ho henjeajiñ lyidopa miinge, baptisma bingelya Aba ho Oho ho Darii Yajiyallo ka armyañ pa,

METHU 26:13

Jijeloda, Ngo nunumi lukoso, nohjalo siika ayapuyu mi tonsḛrkhenyo talyi siika kiiddidotrḛ so, niihna mo miitiinii hiimi tiirḛ luko kendoke mohmi hempa hengi naniiñpa.”

METHU 4:8

Hiira, igii mohmi hempḛr putoo ohoh ho chagiitii, ho hikha kiiddiapiñ daka raddeganda mi kakiñtii ho hiika halyiñ milyiñ kapyo mi;

ROM MIKA POL KA SIITI KENIIÑ 15:19

kagiñnanii la kahotamo nyika harchichikelo, Darii Yajiyallo ka harchichike lo, hiikohopa Jerusalem hokii luri biila hikha Illyrikum lohepa ngo hikha Kristo ka ayapuyu mi lutii,

MIINIIÑ 28:23

Mohlu allo lohe mohpa kahe lala, mohlu mohka imi ko ahtii hempḛr taropa. Ho mo mohlumi drih mi lukotii aro hokiila alyiñ kamo lohe, Pinii ka raddeganda mi pyakotii ho mohlumi taliidopa yarkatii Jisu ka piigomi Mose ka dapo hokii tiirḛ ho nyibuhenii kokii tiirḛ.

MAK KA AYAPUYU 16:20

Ho mohlu inkula ho aya puyu mi kappa kohe gandaho tonsḛrkhenyo tii, Attoh mohluka agiñho miigo miibo montii ho puyu mi jije ke hiila kakiñ la kagiñnanii dojo montii. Amen.

MIINIIÑ 26:20

hojalo kapyopa Damaskas daka dunii mi luko lupyotii, ho Jerusalem, ho hikha Judia gandaho, ho Midomiyu atañ kotrḛ, niimpalukoda mohlumi henkur la Pinii ko ahkur kiine dukupa ho aya miigo miike nendupa mohluka henkur kuniiñmi.

MIINIIÑ 1:8

Hojalo nunu harchichike mi larii kendoke Darii Yajiyallo ka nunukoka ahlyi ho; ho nunu ngiika haki pa dukiñdo Jerusalem ho, hikha Judia ho, ho Samaria ho, ho hikha kiiddi dotḛrso.”