ROM MIKA POL KA SIITI KENIIÑ 10:12 - NITI GONTU N.T. (BSI)

¹² Niimpalukoda hiiko hang ponsa siima Jew la Grik nyi; Attoh ahiñsii hikha ruka Attoh ho mohka mingo mi bido hikha rumi huna mohmi gyodo nii.

ROM MIKA POL KA SIITI KENIIÑ 10:12 Referans Kwoze

PILIPIA 4:19

Ho ngiika Pinii hikha nunuka anna niimi bikiñ doke mohka abuje tatukatu Kristo Jisu kokii.

MIHUKAKIÑNIIÑ 17:14

mohlu gyambo pakiñdo Subuñmi, ho Subuñ hii mohlumi pamiñ kendo, niimpalukoda mo attoh atañka Attoh ho radde atañka Radde, ho hutiina mo agiñho danii hiika atañ gyokodo kahekonii ho lotii.”

ROM MIKA POL KA SIITI KENIIÑ 3:22

Pinii ka denki hii Jisu Kristo mika henje kopa ahkiñdo hikha hutiina henje nyadonii. Niimpalukoda hiiko khiingu khiire nyima;

GELESIA 3:28

Hopa Jew malo Grik hiila khiisu kema, miira malo dasḛr hiila tiirḛ khiisu kema, milobo malo nyimii hiila tiirḛ khiisu kema, niimpalukoda nunu miilañru Kristo Jisu ko kone ke.

KOLOSIA 3:11

So Grik ho Jew hiila lyila kema, mitupikonii ho mitupikomanii, moreymiyu, dimpiirapii, miira, dasḛrmiyu, hojalo Kristoke hikharu, ho hikharuko hoke.

1 TIMOTI 2:5

Niimpalukoda Pinii kone sii dusu dunii, ho gondu konesii dusu dunii Pinii la miyuatañ nyika punkoho, miyu Kristo Jisu,

PILIPIA 2:11

ho aguñ gonge abi khako kendo Jisu Kristo Attoh hiila, Pinii Aba mika assañ naniiñpa.

IPISIA 3:6

hiika hii, niihtañpa Midomiyu hii pensikonii ahiñpa lyiniiñ, apo koneka uru ahiñ, ho Kristo Jisu ka hemme biniiñ mika henchemoniiñ ayapuyu kiilo.

MIHUKAKIÑNIIÑ 19:16

Mohka tariiho ho mohka halañho mohka armyañ hii ketola do, radde atañka Radde ho attoh atañka Attoh.

IPISIA 1:7

Mohko ngunumi tupyabiniiñ doku mohka ai lo, ngunuka palleniimi hello kuniiñ, mohka hempḛr aroh-aya doniiñlo

ROM MIKA POL KA SIITI KENIIÑ 14:9

Niimpalukoda siika sipa Kristo shiitii ho hiira turiturku tiiku, hiikohopa mo anye ruka Attoh pa lyikiñdo shiinii ho turnii katrḛ.

ROM MIKA POL KA SIITI KENIIÑ 2:4

Malo no helii henga lakiñ doha mohka hiimkane helakala ho yanupa pigiiniimi ho yanuniimi? No chimapo Pinii ka helakala niisi niimi henkur kiine dukupa hiila?

KOLOSIA 1:27

Mohlumi Pinii kahetii chinke nendupa Midomiyu atañka punkoho niimkane kahe na siika mingo tatukatu michimaniisi, niihna Kristo nunuko donii, hentiñ naniiñ ka tatukatu.

2 KORINTIA 8:9

Niimpalukoda no chindo Attoh Jisu ka aroh-aya mi, mo mingo siitii tiirḛ, hojalo ngunu kiipa mo aroh pa lyitii, mohka aroh kopa ngunumi mingo kiine dupa.

1 KORINTIA 15:47

Kapyo miyu hii kiiddiapiñ hokiitii, dimḛr ka miyu; anyenii miyu hii dariiganda hokii.

1 KORINTIA 1:2

Pinii ka gyoliñkonii Korint hoka donii, hiika atañmi hutiina Jisu Kristo ko dardḛtiiku nii, piniimiyu hiila tonge paka gyokonii hikha hiika atañ agiñho kapakohe ganda siiko ho Attoh Jisu ka armyañ mika gyoko ho, anye ruka Attoh ngunukii ho mohlukii:

IPISIA 2:7

niimpalukoda ahlyi niika santuñ ho mohka khiikolamanii aroh-aya helakala ka mingo mi ngunumi kakiñ dupa Kristo Jisu ko.

IPISIA 2:4

Hojalo Pinii, huna aroh ho mingo donii, hempḛr hensunii hokii mohka ngunu mihka hennii,

ROM MIKA POL KA SIITI KENIIÑ 15:12

ho Aijaya lubyañ la ludo, “Jesse ka liima hii tuliñ kendoke, mo huna Midomiyu atañmi sangii kendonii; mohko Midomiyu atañka hentiñ naniiñ dokiñdo.”

MIINIIÑ 9:14

ho so mo otority biitola nyibu burii kokii miilañ rumi radu pa hiila huna niika armyañ mi ludonii.”

IPISIA 3:16

niimpalukoda mohka mingo tatukatulo mo nunumi alḛrnaniiñ mi bikiñcho mohka Yajiyallo lo miyu ka ura ho,

IPISIA 3:8

Ngiimi, lusudokoda ngo atujasu hikha piniimiyu punkoho, siika aroh-aya mi bitii, Midomiyu atañmi tonsḛrkhenyo dopa Kristo ka mechilamanii mingomi,

MIINIIÑ 7:59

Ho mohluka Stepen mi yalañ kula dopa, mo kutii, “Attoh Jisu, ngiika yajiyallo mi larii to.”