ROM MIKA POL KA SIITI KENIIÑ 1:13 - NITI GONTU N.T. (BSI)

¹³ Ngo nunumi chinke nenado, anubarmii atañ, ngo kiirañ nunuko ahnañto (hojalo siisilohe pa atiñ tola done), niimpalukoda ngo amoo iche ladupa nunuka punkoho ho hiika agiñho khiibe Midomiyu atañka punko hokii tiirḛ.

ROM MIKA POL KA SIITI KENIIÑ 1:13 Referans Kwoze

MIINIIÑ 19:21

Siisi siika lyiniiñ ka hiiba ho Pol hentii yajiyallo ho Masedonia la Akaia mi impo biila Jerusalem inchi hiila, lubiidola, “Hiiko ngo datii hela, ngo Rom mitrḛ kate kendo.”

PILIPIA 4:17

Hiilamaje ngo ahmiñayiñ medu hiila; hojalo ngo ahee mi medu niihna nunuko abuyapa dori kendo nii.

2 TIMOTI 4:17

Hojalo Attoh ngiika agiñho dabo, ho ngiimi tamo mi bihii puyu mi aya loda luko dopa, niimpalukoda hikha Midomiyu atañmi siimi tadopa. Hopa ngiimi patii ka aguñ hokii papya tiiku.

1 TESOLONIA 4:13

Hojalo ngunu nunumi chima dopa atii tamake, anubarmii atañ, hutiina imila donya dokunii, niimpalukoda nunumi heru madopa khiibe atañka heru henchañho hukiina hentiñ naniiñ nyimanii.

1 TESOLONIA 2:18

niimpalukoda ngunu nunuko hiira-hiira ahnañla lyito-Ngo, Pol, hojalo Saitan ngunumi miitiñ biine.

2 KORINTIA 1:8

Niimpalukoda ngunu nunumi chimapa dake nena ma, anubarmii atañ, Asia hoka ngunuka pamyotakho heniiñmi ngunumi hiimkane uropa, ho pigiilama dopa nyorpilo ngunu santo kudo hiila tiirḛ henku mato.

1 KORINTIA 12:1

Siisi yajiyallo ka ahmiñayiñ ka piigo mi, anubarmii atañ, ngo nunumi luko mapa biina ma.

1 KORINTIA 10:1

Ngo nunumi chinke nenado, anubarmii atañ, ngunuka aba atañ hikha jomii ka ura ho dane, ho hikha miilañru yasie siimie mi repo bobiine,

KOLOSIA 1:6

niihna nunuko ahtii nii, jijelusu dokoda hikha dohadolo ho siikasi ahee hila do ho sancha la do-hiichuli nunuka punko hotiirḛ, nunuka tapabii allo hokii ho Pinii ka aroh-aya mi chindo jije ho,

ROM MIKA POL KA SIITI KENIIÑ 11:25

Hiilamakoda nunu atohmi chilanii hiila hensu kendo nunuka atoh hentiisiiniiho, ngo nunumi siika lukolamanii drih mi chinke nenado, anubarmii atañ: henjelamanii ahha hii Isrel tange ko ahla do, nii dahepa hikha Midomiyu atañ ahtema,

JON KA AYAPUYU 15:16

Nunu ngiimi kahe make, hojalo ngoke nunumi kahe tiinii ho bibiilyinii ingela ho ahee hidopa ho nunuka ahee mi giigela dopa; niimpalukoda niijalo nunu Aba mi ngiika armyañ pa kuchi, mohmi nunumi bike nendupa.

JON KA AYAPUYU 4:36

Hii huna pidonii ajho injomi larii kendo, ho santḛrlamanii sango ka ahee mi tukuñ biikiñdo, niimpalukoda liloniila ho pinii nyi hempyo hehiñdupa hiila.

2 TESOLONIA 2:7

Niimpalukoda michilamanii diimmah atañka miigo miila doku; mo kontii huna lutiñtiinii siimi miikiñ siidonii nii dahepa mo siimi lembo hokii lara biitema.

2 KORINTIA 2:14

Hojalo Pinii mi payapacho lulyi, huna kiirañ ngunumi Kristo kiilo pamiñ giidonii, ho ngunu kiilo mohmika chiniiñ ka riso mi kapakohe sutii kiine donii.

1 KORINTIA 9:2

Ngo matiirḛ mipa kiiniñkonii pa lyima siijalo, oha nunupa ngo lyisu dokeha; niimpalukoda nunu Attoh ko ngiika kiiniñkonii ka tiihonanii pa lyido.

MIINIIÑ 21:19

Mohlumi ayahelyi luku lala, mo kone kone luri biila Pinii ka Midomiyu atañka punko hoka mohmi miigiñ nala drih miiniiñ atañmi lukotii.

MIINIIÑ 15:12

Ho hikha miyuatañ adu nyamatii; ho mohlu taladotii Barnabas la Pol nyika niihtañ kagiñnanii ho kahotamo Pinii miitii mohlumi miigiñ nala Midomiyu atañka punkoho.

MIINIIÑ 14:27

Ho mohlu ahchi biila, mohlu tongepa gyoliñkonii mi dakuñ giitii ho lukotii hikha Pinii ka mohlumi ka miiniiñmi, ho niihtañpa mo alyeh miiko bitii Midomiyu atañmi henje dopa.

JON KA AYAPUYU 12:24

Jijeloda, jijeloda, ngo nunumi lukoso, nii dahepa emmo elyañ kiiddi ho liihi tama ho shiitema, hii kontiisii dokañ siidunii; hojalo hii matiirḛ shiido koda, hiika hii abuje ahee hidu.

MIINIIÑ 1:15

Hiika myodu ho Pitar mohluka apurho guritii (hoka miyu dukuñnii hii lange la nyikhañ hepa dutii), ho lutii,

MIINIIÑ 28:14

Hiiko ngunu anubarmii atañmi kapa, ho ngunumi mohluka agiñho gyolii lokanuhe allo dudopa. Ho hiila ngunu Rom ho ahchi.

ROM MIKA POL KA SIITI KENIIÑ 1:12

hiika hii, ngunu taliisiila kone anyañ ka henje lo haro lupa siidupa, anyerulo nunu kiilo la ho ngiikiilo.

ROM MIKA POL KA SIITI KENIIÑ 7:1

Nunu chimapo, anubarmii atañ niimpalukoda hutiina dapo mi chindonii hiipa ke ngo ludunii. Dapo hii mohluka turla daho hosuke rataliitola dosu donii

1 KORINTIA 1:10

Ngo nunumi lyarlyi ke, anubarmii atañ, ngunuka Attoh Jisu Kristo ka armyañ pa, hikha nunu taliito ho nunuka punkoho chekho siiyo, hojalo nunu tongepa ahha puhe pa giito ho ahiñpa ayakacho mi kato.

1 KORINTIA 14:20

Anubarmii atañ, nunuka heniiñ ho himme chitañ heyo; diimmah ho himme pa lyito, hojalo heniiñ ho hengḛr nyato ku.

1 KORINTIA 14:26

Nii hokoda, anubarmii atañ? Niida nunu ahkuñ talyi, kone abi bariebiisie mi biito, risanii, nyibuheniiñ, khiibe aguñ, malo lusibiniiñ. Hikha drih mi miitolya miilyañ siina naniiñpa.

GELESIA 3:15

Miyu kii dalyi pa lumu nando koda, anubarmii atañ: kone hetrḛ opama miyu ka henjumi, malo hiiko abyañ liima, ronge hiimi miilyañ tiiku koda.

GELESIA 6:18

Attoh Jisu Kristo ka aroh-aya hii nunuka yajiyallo agiñho dabo kencho, anubarmii atañ. Amen.

PILIPIA 1:22

Siikasi asiialyo matiirḛ sango giido koda, hiika hii ngiiko hoka ayamiigo miina naniiñpa. Hojalo niihmi kahe talyi ngo luko lakiñma.

KOLOSIA 1:10

sango mi Attoh lo khiiko dopa sankiñ cho hiila, mohmi hempyo miipa dopa, kapane aya miigo ho ahee hibi dopa ho Pinii ka drih mi abu yapa chila dopa.