PILIPIA 1:5 - NITI GONTU N.T. (BSI)

⁵ payapacho nunuka miibyuñ monko hopa ayapuyu ho allo lotu jaho hokii siilo lohepa.

PILIPIA 1:5 Referans Kwoze

HIBRU 3:14

Niimpalukoda ngunu Kristo ko tache siidu, ngunu matiirḛ ngunuka kapyo daka hatii mi abyu mapa gabii tola dokoda kamikalo lohe,

PELEMON 1:17

Hopa no ngiimi niika miihiñ ahiñ hendo milo, lariito mohmi ngiimika larii kachañ ho.

PILIPIA 1:7

Siikasi ngiipa hendiko hiila hendo hikha nunupaka heniiñsi, niimpalukoda ngo nunumi ngiika ahha ho atii biidu, nunu hikha ngiika agiñho aroh-aya mika labo monii, anyeruho ngiika patiihtunko kotrḛ ho ayapuyu mika lutrḛ ko ho jijeke hiila luko ko.

1 JON 1:3

nii mina ngunu kapa tiikunii ho tapatiikunii ngunu tiirḛ nunumi gyukodu, niimpalukoda nunumi ngunuka dukuñko dubo kodupa hiila; ho ngunuka dukuñ niisi Aba ka agiñ hoke ho mohka Oho Jisu Kristo ka agiñho.

IPISIA 3:6

hiika hii, niihtañpa Midomiyu hii pensikonii ahiñpa lyiniiñ, apo koneka uru ahiñ, ho Kristo Jisu ka hemme biniiñ mika henchemoniiñ ayapuyu kiilo.

2 KORINTIA 8:1

Ngunu nunumi chinke nenado, anubarmii atañ, Pinii ka aroh-aya piigo mi Masedonia gyoliñkonii atañ mika kakiñ niimi,

ROM MIKA POL KA SIITI KENIIÑ 15:26

Niimpalukoda Masedonia la Akaia nyi hempyo biidola bibyuñ tii arro atañmi piniimiyu atañka punko Jerusalem hoka dunii atañpa;

1 JON 1:7

hojalo ngunu matiirḛ hutoh ho indo koda, niihtañpa mo hutoh ho da, ngunu kone anyañ ka agiñho dukuñ siidoke, ho mohka Oho Jisu ka ai ase duke ngunumi kapane ingyamiigya hokii.

2 PITAR 1:1

Saimon Pitar, Jisu Kristo ka miira ho kiiniñkonii kone, Hiika atañpa hutiina patii kunii henje ahiñ ngunuka agiñho danii ngunu Pinii la Lyangurbo Jisu Kristo ka denki ho:

PILIPIA 2:12

Hopa, ngiika heniiñja, kiirañ nunu luniiñ taliine, hopa siisi tiirḛ, ngiika daho kontiimapa hojalo uroyapa ngiika nyima lyiho hotiirḛ, nunuka sangopyako ka miigomi biiso biidola ho alye biidola miitolya;

1 KORINTIA 1:9

Pinii lotii ke, hulona nunumi mohka Oho agiñho dukuñ mondo pa gyotiinii, Jisu Kristo ngunuka Attoh.

ROM MIKA POL KA SIITI KENIIÑ 11:17

Hojalo halloh tonge matiirḛ tatu neku koda, ho nunu, morey kutuahee, hiiko matiirḛ mohluka dosako hiimi gagyo biido koda santa chake nendupa kutuahee sannii hokii,

MIINIIÑ 2:42

Ho mohlu miilañru kiiniñkonii atañka tonsḛr niimi ho dukuñsiinii siiniiñmi, yatañ petu niimi ho kuniiñ mi henga la miitii.

ROM MIKA POL KA SIITI KENIIÑ 12:13

Bibo tolya piniimiyu atañka anna ho, nyibo ahnii atañmi helakala tolya.

PILIPIA 1:12

Ngo nunumi chinke nenna do, anubarmii atañ, niihna ngiiko lyitiinii jijeloda ayapuyu ka aya kiipa siike,

PILIPIA 1:16

Kamidakii miido hensu niilo, chimbii tola ngiimi so ayapuyu mi lugur niipa atiitii hiila;

PILIPIA 1:27

Nunuka sango ka henjumiiju miya Kristo ka ayapuyu ka khiiniiñ kiipa atiito, niimpalukoda ngo ahla ho nunumi kapajalo malo kapa majalo, ngo tapa dupa nunu alḛrpa dasudake yajiyallo konepa, ahha puhepa giila henje ka ayapuyu miihiñ nyasuda hiila,

PILIPIA 2:22

Hojalo Timoti niimkane khiiniiñ miyu nunu chindo, niihtañpa mo oho ka aba mika miiho miichañ ho ngiika agiñho ayapuyupa miiho mone.

PILIPIA 4:3

Ho nunu mitrḛ ngo kulyi ke, jije ajiñ atañ, siika annii akha atañmi hembyuñ to, niimpalukoda mohlu ngiika agiñho ngiimi miibyuñ montiike ayapuyu lukoko Klement ka agiñho ho khiibe ngiika miigo miihiñ agiñho, huka armyañ na sango ka kheta ho ketola donii.