PILIPIA 1:1 - NITI GONTU N.T. (BSI)

¹ Pol la Timoti, Kristo Jisu ka miira kokii, Hikha piniimiyu atañ Kristo Jisu ko hutiina Pilipi ho dunii, bisop la deakon atañ agiñho:

PILIPIA 1:1 Referans Kwoze

2 KORINTIA 1:1

Pol, Kristo Jisu ka kiiniñkonii Pinii ka henko jaho, ho Timoti ngunuka anu. Pinii ka gyoliñkonii Korint hoka dunii atañmi, hikha piniimiyu atañka agiñho hutiina Akaia ho dunii:

ROM MIKA POL KA SIITI KENIIÑ 1:1

Pol, Jisu Kristo ka miira, kiiniñkonii paka gyoliñ nii, Pinii ka ayapuyu paka atii tiingunii

TAITAS 1:1

Pol, Pinii ka miira ho Jisu Kristo ka kiiniñkonii kone, hiimi uro yapa hembyuñ kiine dupa Pinii ka kahe konii atañka henje mi ho mohluka jije ka chila mi niihna piniisanju jaho donii,

1 TIMOTI 3:8

Deakon atañ tiirḛ hendi nyakiñdo, allyosonye giikiñma, roalha mi abupa diigetange kema, doyapa hiila diibuñ kema;

2 TESOLONIA 1:1

Pol, Silvanas, ho Timoti, Tesolonika daka gyoliñkonii atañmi Pinii ngunuka Aba ho Attoh Jisu Kristo kokii:

1 TESOLONIA 1:1

Pol, Silvanas, ho Timoti, Tesolonika daka gyoliñkonii atañmi Pinii Aba ho Attoh Jisu Kristo ko: Nunumi aroh-aya ho chimie lulyi.

IPISIA 1:1

Pol, Kristo Jisu ka kiiniñkonii Pinii ka henko jaho, Pinii miyu atañmi hutiina lotii nyadonii Kristo Jisu ko:

ROM MIKA POL KA SIITI KENIIÑ 1:7

Hikha Rom daka Pinii ka heniiñ atañ, hutiina piniimiyu hiila lusu donii: Nunumi aroh-aya hiilyi ho chimie Pinii ngunuka Aba ho Attoh Jisu Kristo kokii.

2 PITAR 1:1

Saimon Pitar, Jisu Kristo ka miira ho kiiniñkonii kone, Hiika atañpa hutiina patii kunii henje ahiñ ngunuka agiñho danii ngunu Pinii la Lyangurbo Jisu Kristo ka denki ho:

JEMS 1:1

Jems, Pinii la Attoh Jisu Kristo ka miira, Alyañlenye impyainsanii halu atañmi: Ayahelyi.

1 TIMOTI 1:2

Timoti mi, ngiika jije wiinga henjeho: Aroh-aya, aroh, ho chimie Pinii Aba kokii ho Kristo Jisu ngunuka Attoh kokii.

MIINIIÑ 20:28

Nunu attohpa hendi nyatolya ho hikha subuñ atañmi, nunumi Darii Yajiyallo mohlumi kabii niipa miitii, Pinii ka gyoliñkonii atañmi kage niipa humina mo mohka attoh Oho ka ai lo riitii nii.

MIHUKAKIÑNIIÑ 1:1

Jisu Kristo ka kakiñniiñ, nii mina Pinii mohmi bitiinii mohka miira atañmi kakiñ dupa niihna hempḛr nyibya lyikiñ donii; ho mo siika siimi chindopa miitii miidopopi mi mohka miira Jon ko kiiniñ lala,

JUD KA SIITI KENIIÑ 1:1

Jud, Jisu Kristo ka Miira ho Jems ka anu, Humina gyotiinii, Pinii Aba ko heniiñjapa ho Jisu Kristo pa atii tiinii:

1 PITAR 2:25

Niimpalukoda nunu ngonyane subuñ chitañ, hojalo siisi subuñ sorniiko ahku doku ho nunuka yallo mika Kabii boko.

TAITAS 1:7

Bisop pakoda, Pinii kiimi ka kalya biniipa, pahañhansa giikiñma loda; mo hentii siikiñma malo ohepada hadii niikiñma malo ow taniikema malo pasugasu niikiñma malo paser miiliñ biidupa hiila chahi niikiñma,

HIBRU 13:23

Nunu tala kendo ngunuka anu Timoti mi apalintii ku, huka agiñ hona ngo nunumi kapa talyinii mo matiirḛ nyibya ahlyi kumilo.

2 TESOLONIA 1:10

niida mo ahchi hiika allo ho mohka piniimiyu atañko assañ kokiñdo, ho aluñ kendo hikha hutiina henje nyadonii, niimpalukoda nunu ngunuka pyakoniimi henjetii.

1 TESOLONIA 2:2

Hojalo ngunu heru hensutiiku ho hiinyañmohi dopa miipa kosu tiijalo Pilipi ho, nunu chindo, ngunu haroto ngunuka Pinii ko nunumi Pinii ka ayapuyu mi luko dopa hempḛr uro cherii niika hataho.

IPISIA 1:15

Siika piigopa, niimpalukoda ngo tapatii nunuka Atoh Jisu mika henje niimi ho nunuka hensu niimi hikha piniimiyu atañpa,

1 KORINTIA 16:10

Niida Timoti ahchi, kage tolya mohmi nunuka punkoho dupyopa dudo pa, niimpalukoda mo Attoh ka miigo mike miidonii, ngo chuli.

MIHUKAKIÑNIIÑ 19:10

Ho ngo mohka alih ho giihi to mohmi herii dupa, hojalo mo ngiimi lune, “No hiila miiyo! ngo nochitañ miira ahiñke ho niika anubarmii hiilyañ hutiina Jisu mika pyako niimi badonii. Pinii mi heriito.” Niimpalukoda Jisu mika pyako niisi nyibuheniiñ ka yajiyallo ke.

MIINIIÑ 9:13

Hojalo Ananias lusitii, “Attoh, ngo abuje miyu kokii siika miyu ka piigo mi tapato, niimkane diimmah mo miitii niika henjenii miyu atañmi Jerusalem ho;

JON KA AYAPUYU 12:26

Hujalopa matiirḛ ngiimi miihotalyi, mo ngiimi imbo monkiñdo loda; ho noh ngo da, hiiko ngiika miira tiirḛ dakiñdo; hujalopa ngiimi matiirḛ miihotalyi, Aba mohmi khiikiñdo.

MAK KA AYAPUYU 13:34

Siikasi miyu koneka myodi innii chitañ ke, mohka ude mika ile lyiho ho mohka miira atañmi kage niipa atiitii, kone abimi mohluka miigo mi bitii hela, ho alyeh ago hoka dabii bomi ayapa kabii tolya hiila lutii.

MIHUKAKIÑNIIÑ 22:9

hojalo mo ngiimi luhii, “No hiimi miiyo! ngo niika agiñho miira ahiñ siike ho niika nyibuhenii anubarmii atañka, ho hiika atañ agiñho hutiina siika kheta daka aguñ atañmi atii biidonii. Pinii mi heriito.”

MIHUKAKIÑNIIÑ 2:12

“Ho Pargamum gyoliñkonii daka miidopopi kedo: ‘Mohka aguñ huna ilyo lyogañ lyoro areh giinii biidonii.

MIHUKAKIÑNIIÑ 2:8

“Ho Ismarna gyoliñkonii daka miidopopi kedo: ‘Kappyo jahii la kami jaka aguñ atañ, huna shiitii kunii ho turiturku tiikunii.

MIHUKAKIÑNIIÑ 1:20

Michilamanii kanuhe takḛr atañmi nii mina no ngiika lahbi alah ho kapa tiinii, ho kanuhe ayyiñ hokiika yamumiiru mi, kanuhe takḛr atañ hii kanuhe miidopopi atañ ke ho kanuhe yamumiiru atañ hii kanuhe gyoliñkonii atañke.

MIINIIÑ 1:20

Hiila ketola do Assañbiisie ka kheta ho, Mohka duko mi jirara doke nento, ho hiikaho kone mitrḛ sanke neyo; ho Mohka duko mi mih kone yami dusi kiineto .

GELESIA 1:10

Siisi ngo miyu atañlo khiiko dupa peha miidonii malo Pinii lopeha? Malo ngo miyu atañmi hempyo miipa papeha miidonii? Ngo matiirḛ siisijalo miyu atañmi hempyo miipa pa miido milo, ngo Kristo ka miira pa lyimake.

GELESIA 3:26

niimpalukoda Kristo Jisu ko nunu miilañru Pinii ka oho atañ kuke, henje kiilo.

GELESIA 3:28

Hopa Jew malo Grik hiila khiisu kema, miira malo dasḛr hiila tiirḛ khiisu kema, milobo malo nyimii hiila tiirḛ khiisu kema, niimpalukoda nunu miilañru Kristo Jisu ko kone ke.

IPISIA 6:24

Aroh-aya dokiñcho hikha ruko hutiina ngunuka Attoh Jisu Kristo mi hendonii ayudahepa.

PILIPIA 2:5

Siika henju siimi nunu punkoho giitolya, niihna nunukii Kristo Jisu kokii giidonii,

PILIPIA 2:19

Ngo hentiñdo Attoh Jisu ko Timoti mi nunuko nyibya kiiniñ bichi ke, niimpalukoda ngo nunuka puyu lo hempyo dupa.

PILIPIA 3:3

Niimpalukoda ngunu jije mitupipakoniiñ, huna Pinii mi yajiyallo lo heriidonii, ho Kristo Jisu ko assañ kodunii, ho asiialyoho hentiñ siimanii.

PILIPIA 3:8

Jije ludokoda ngo kapanedrih mi alyu siitii luchi niimpalukoda hiimitiirḛ khiiniiñya ngo chingiitii Kristo Jisu ngiika Attoh mi. Mohkiipa ngo heru hembitii alyu siila hikha drih atañmi, ho hiika atañmi ma hiila khiitii, niimpalukoda ngo Kristo mi padupa

PILIPIA 3:12

Ngo siika siimi kapatiiku hiilama malo digoabiayaku hiilama; hojalo ngo miikañari miidu siika siimi ngiipa miibii dupa, niimpalukoda Kristo Jisu ngiimi mo atoh kiipa miitii ku.

PELEMON 1:1

Pol, Kristo Jisu paka pattiih tuñkonii, ho Timoti ngunuka anu, Pailemon ngunuka heniiñja miigo miihiñnii ahiñ mi