PELEMON 1:17 - NITI GONTU N.T. (BSI)

¹⁷ Hopa no ngiimi niika miihiñ ahiñ hendo milo, lariito mohmi ngiimika larii kachañ ho.

PELEMON 1:17 Referans Kwoze

2 KORINTIA 8:23

Taitas mi ludo koda, mo ngiika miigo miihiñ ahiñ ho nunu mika miiho ko miigo miihiñnii; ho ngunuka anubarmii ludo koda, mohlu puyu bakonii atañ gyoliñkonii atañ ho, Kristo mika assañ naniipa.

METHU 10:40

“Huna niimi kariidonii ngiimi ke kariidonii, ho huna ngiimi kariidonii ngiimika kiiniñ bomike kariidonii.

PELEMON 1:12

Ngo mohmi niiko kiiniñ nenku biilyi kuke, ngiika ahha jami ke kiiniñ biilyinii.

JEMS 2:5

Tageto, ngiika heniiñja anubarmii atañ. Pinii kahe masu peha dohadolo daka arro miyu mi henje ho mingo kiine dupa ho mohka hemme biniiñ raddeganda mi pensi dupa huna mohmi hendonii?

HIBRU 3:1

Hopa, darii anubarmii atañ, hutiina dariiganda ka gyoniiñmi henche mondo nii, Jisu mi taliimonto, kiiniñkonii ho bukuñ nyibu ngunuka khako ko.

IPISIA 3:6

hiika hii, niihtañpa Midomiyu hii pensikonii ahiñpa lyiniiñ, apo koneka uru ahiñ, ho Kristo Jisu ka hemme biniiñ mika henchemoniiñ ayapuyu kiilo.

MIINIIÑ 16:15

Ho mo baptisma laku lala, mohka ude uru agiñho, mo ngunumi mehii, lubiidola, “Nunu matiirḛ ngiimi Attoh pa lotiido hiila kado milo ngiika ude so ahto ho duto.” Ho mo ngunumi uropa lyarii.

METHU 25:40

Ho Radde mohlumi luko lusi kendo, Jijeloda, Ngo nunumi lukoso, nunuka siika khiima janii ngiika anubarmii atañ mika kalyañ nii hii, nunu ngiimi ke kalyañ donii.

METHU 18:5

Hujalopa si chitañ himme mi karii talyi ngiika armyañ pa hii ngiimi ke karii donii;

1 JON 1:3

nii mina ngunu kapa tiikunii ho tapatiikunii ngunu tiirḛ nunumi gyukodu, niimpalukoda nunumi ngunuka dukuñko dubo kodupa hiila; ho ngunuka dukuñ niisi Aba ka agiñ hoke ho mohka Oho Jisu Kristo ka agiñho.

1 PITAR 5:1

Hopa ngo harolupalyi nunu koka amiabañ atañmi, amiabañ ahiñpa lyilyila ho Kristo ka heruheniiñ ka hakipa hiikahaho ho tatukatu hoka dabo saniiñ nii mina kakiñ kendonii

HIBRU 3:14

Niimpalukoda ngunu Kristo ko tache siidu, ngunu matiirḛ ngunuka kapyo daka hatii mi abyu mapa gabii tola dokoda kamikalo lohe,

PELEMON 1:10

Ngo niimi yarlyi ke ngiika wiinga, Onesimas pa, huka aba pa ngo lyido ku ngiika patiihtunko niiho.

1 TIMOTI 6:2

Hukiina henjenii atoh dunya dunii khiimapa miiyo mohlu anubarmii pa lyiko hopa; hiilamapa mohlu uroyapa ayapaya miiho kendo niimpalukoda mohluka miiniiñ hokii hu miijo kapado lukoda henjemiyu atañ ho heniiñja. Tonsḛrto ho siika miigo atañ sipa yarto.

PILIPIA 1:7

Siikasi ngiipa hendiko hiila hendo hikha nunupaka heniiñsi, niimpalukoda ngo nunumi ngiika ahha ho atii biidu, nunu hikha ngiika agiñho aroh-aya mika labo monii, anyeruho ngiika patiihtunko kotrḛ ho ayapuyu mika lutrḛ ko ho jijeke hiila luko ko.

PELEMON 1:18

Mo matiirḛ niimi miigya siitii kujalopa, malo niiko hokii hang pagiraguñ giido jalo pa, hiimi ngiika bigo ho khiigyo liito.