MIHUKAKIÑNIIÑ 1:9 - NITI GONTU N.T. (BSI)

⁹ Ngo Jon, nunuka anu, huna nunuka agiñho hembo montiinii Jisu ko hentḛrkanyi mi ho raddeganda pa ho yanupa pigii biidola, siilokiiddi Patmos luniiñho ahtii Pinii aguñ kiipa ho Jisu mika pyako kopa.

MIHUKAKIÑNIIÑ 1:9 Referans Kwoze

MIHUKAKIÑNIIÑ 3:10

Niimpalukoda nunu ngiika yanupa pigiito hiiniiñmi atiibiido, ngo nunumi tenka nii myodu hokii lapya talyi niihna hikha dohadolo so ahla donii, hiika atañmi tenka dupa hutiina kiiddiapiñ so dunii.

MIINIIÑ 14:22

henjeajiñ atañka yallo mi alḛr lupa lala, mohlumi henje mi haro lupatii, ho lubiido abuje hentḛrkanyi loke ngunu Pinii ka raddeganda ho ahkiñ donii.

JON KA AYAPUYU 16:33

Ngo siika simi nunumi lubii lyike, ngiikoho nunupa chimie hii dodopa. Dohadolo so nunuko hentḛrkanyi dolyi diike; hojalo ngarka jilya datolya, ngo dohadolo mi pamiñ tiike.”

MIHUKAKIÑNIIÑ 1:2

huna haki bitiinii Pinii ka aguñmi ho Jisu Kristo mika pyako niimi, hikha mohka kapanii lohepa.

MIHUKAKIÑNIIÑ 13:10

Hu kone jalo matiirḛ nyima lako kendo, nyima lako kendoke mo; mi kone matiirḛ ilyo lo pakhii kokiñ dokoda, ilyo lo mo pakhii kokiñdo loda. Siika sike gyoniiñ pigiidopa ho piniimiyu atañka henje.

PILIPIA 4:14

Hojalo siikasi nunuka helakala ke nunu ngiika ahiare mika henche monii si.

MIHUKAKIÑNIIÑ 12:11

Ho mohlu mohmi pamiñtii Subuñ ka ai lo ho mohluka aguñ pyako niilo, niimpalukoda mohlu mohluka sangomi abyo siimatii shiihi lyihepa.

MIHUKAKIÑNIIÑ 7:14

Ngo mohmi lutii, “Tonsḛrbo, no chindo.” Ho mo ngiimi luhii, Siika atañsi mohlu hutiina hempḛr kahe hentḛrkanyi hokii lintii kunii; mohlu mohluka tarii mi ase tiiku ho hiika atañmi puloo dopa miitiiku Siibuñ ka ai lo.

2 TIMOTI 1:8

Hiinyañ yo ngunu Attoh mika pyako saniiñmi, malo ngiimi mohka pattiih tunko bomi, hojalo hembyuñ monto herumi heniiñmi ayapuyu pa Pinii ka harchichikelo,

ROM MIKA POL KA SIITI KENIIÑ 8:25

Hojalo ngunu matiirḛ hentiñ dokoda nii mina ngunu kapa manii, ngunu pigiibiidola hiimi kalya du.

MIHUKAKIÑNIIÑ 14:12

Siika sike gyoniiñ pigiikiinedupa piniimiyu atañmi, hiika atañ hutiina Pinii ka lujubiniiñ mi atii biidonii ho Jisu ka henje mi.

HIBRU 10:36

Niimpalukoda nunu pigii niimi anna doke, niimpalukoda nunu Pinii ka henko jaho miidupa ho lariidupa hemme biniiñmi.

PILIPIA 1:7

Siikasi ngiipa hendiko hiila hendo hikha nunupaka heniiñsi, niimpalukoda ngo nunumi ngiika ahha ho atii biidu, nunu hikha ngiika agiñho aroh-aya mika labo monii, anyeruho ngiika patiihtunko kotrḛ ho ayapuyu mika lutrḛ ko ho jijeke hiila luko ko.

MIHUKAKIÑNIIÑ 11:7

Ho mohlu mohluka pyako niimi pyaja lala, achu-amyo kamoramba urañ hokiika chanii mohluka agiñho gyambo pakiñdo ho mohlumi pamiñ kendo ho mohlumi menkiñdo,

ROM MIKA POL KA SIITI KENIIÑ 8:17

ho ngunu matiirḛ wiinga koda, ngunu pensi kosa nii, Pinii kiimi ka penko sanii ho Kristo ahiñpa pensi kosanii, ngunu mo agiñho heru hembodu niimpalukoda mohka tatukatu ho ngunu tiirḛ dubo dupa.

MIHUKAKIÑNIIÑ 19:10

Ho ngo mohka alih ho giihi to mohmi herii dupa, hojalo mo ngiimi lune, “No hiila miiyo! ngo nochitañ miira ahiñke ho niika anubarmii hiilyañ hutiina Jisu mika pyako niimi badonii. Pinii mi heriito.” Niimpalukoda Jisu mika pyako niisi nyibuheniiñ ka yajiyallo ke.

MIHUKAKIÑNIIÑ 12:17

Ho tabu hii hadiido annii akha mi, ho inneku gyambo padupa hiila hikha mohka ohoasi mi, hiika atañmi hutiina Pinii ka lujubiniiñ mi atii biinya donii ho Jisu pa pyako binya danii.

MIHUKAKIÑNIIÑ 6:9

Mo yangonii jhipponiimi miiko kiile, ngo kapato agyañ ka ura ho hiika atañka yallo mi hutiina Pinii ka aguñpa menko nyabii nenii ho mohluka haki biniiñ kiipa;

MIHUKAKIÑNIIÑ 1:4

Jon kokiila pengkanuhe gyoliñkonii Asia hoka doniimi: Aroh-aya la chimie mi nunupa bilyike mohkokii huna dunii ho huna dutiinii ho huna ahkiñ donii, ho kanuhe yajiyallo kokii huna mohka raddeduko hataho danii,

2 TESOLONIA 3:5

Attoh nunuka ahha mi Pinii mi hendopa kakiñ nedo ho Kristo ka ranttiniimi.

METHU 20:23

Jisu mohlumi lutii, “Nunu ngiika tango mi tala kendo, hojalo ngiika lahbi dalyiho ngiika lahchi dalyi hoka dusa niimi ngo lula kema, hojalo hiikahii hiipasii dokiñ donii hupana ngiika Aba miimyo bitiinii.”

MAK KA AYAPUYU 10:39

Ho mo anye mohmi lutii, “Ngiinyi miila kendo.” Ho Jisu mo anyemi lutii, “Ngo niihna tandonii niinyi tiirḛ tangki doke; ho niihtañ baptisma na Ngo latiinii, nunu tiirḛ lakiñ doke;

MIINIIÑ 1:15

Hiika myodu ho Pitar mohluka apurho guritii (hoka miyu dukuñnii hii lange la nyikhañ hepa dutii), ho lutii,

2 KORINTIA 1:7

Ngunuka nunupaka hentiñ hii abyumake; niimpalukoda ngunu chindo nunu ngunuka heru henko ho hembo mondo koda, nunu ngunuka henjuñ hotiirḛ hembo monkiñdo.

1 PITAR 5:1

Hopa ngo harolupalyi nunu koka amiabañ atañmi, amiabañ ahiñpa lyilyila ho Kristo ka heruheniiñ ka hakipa hiikahaho ho tatukatu hoka dabo saniiñ nii mina kakiñ kendonii

MIHUKAKIÑNIIÑ 1:1

Jisu Kristo ka kakiñniiñ, nii mina Pinii mohmi bitiinii mohka miira atañmi kakiñ dupa niihna hempḛr nyibya lyikiñ donii; ho mo siika siimi chindopa miitii miidopopi mi mohka miira Jon ko kiiniñ lala,

MIHUKAKIÑNIIÑ 1:6

ho ngunumi miitii raddeganda pa, mohka Pinii la Aba nyika nyibupa, mohmi assañ kencho ho pamiñbiinii ayudahe dokiñ cho. Amen.

MIHUKAKIÑNIIÑ 20:4

Ho ngo kapato raddeduko atañmi, ho hiika atañ hoka dunii atañ ayakacho mi kaniipa. Hiira kapatota yallo atañmi hutiina langu patu konya biinenii Jisu mika pyako kopa ho Pinii ka aguñpa, ho hutiina achu-amyo mi herii nyama nenii malo hiika puchiniimi ho hutiina hiika miiho niimi mohluka tiirii ho malo alah atañ ho giima nenii. Mohlu turi neku, ho Kristo ka agiñho anyañ jare sangii sahiñ mone.