MIHUKAKIÑNIIÑ 1:8 - NITI GONTU N.T. (BSI)

⁸ “Ngo Alpha ho Omega ke,” Pinii Attoh ludo, huna dunii ho huna dutiinii ho huna ahkiñ donii, Tamoja.

MIHUKAKIÑNIIÑ 1:8 Referans Kwoze

MIHUKAKIÑNIIÑ 22:13

Ngo Alpha ke ho Omega ke, kapyo ho kami, arañ ho mitu.”

MIHUKAKIÑNIIÑ 21:6

Ho mo ngiimi lune, “Siika siimi miitii ku! Ngo Alpha ke ho Omega ke, arañ la mitu ke. Yasie hangḛr bo atañmi ngo sango ka yasie shoo hokii bichi hang arie lamapa.

MIHUKAKIÑNIIÑ 1:4

Jon kokiila pengkanuhe gyoliñkonii Asia hoka doniimi: Aroh-aya la chimie mi nunupa bilyike mohkokii huna dunii ho huna dutiinii ho huna ahkiñ donii, ho kanuhe yajiyallo kokii huna mohka raddeduko hataho danii,

MIHUKAKIÑNIIÑ 11:17

lubiidola, “Ngunu niimi payapacho ludu, Attoh Pinii Tamo, huna dunii ho dutiinii, niimpalukoda no niika kahe harchichike mi lala la ho sangii ritii.

MIHUKAKIÑNIIÑ 1:17

Ngo mohmi kapa lala, ngo mohka alih ho chuhato shiinii hiilyañ. Hojalo mo mohka lahbi alah mi ngiiko tencha lala, luhii, “Biisoyo, Ngo kapyoja ho kamija ke,

MIHUKAKIÑNIIÑ 2:8

“Ho Ismarna gyoliñkonii daka miidopopi kedo: ‘Kappyo jahii la kami jaka aguñ atañ, huna shiitii kunii ho turiturku tiikunii.

MIHUKAKIÑNIIÑ 4:8

Ho piilyeru turnii achu-amyo hii, kone abikii ale lekhe giitola, poteje amee giitola gokḛrpala ho ura ho, ho allo ayoh mi mohlu pema biisie singuma, “Darii, darii, darii, Attoh Pinii Tamoja, huna dutiinii ho du ho ahkiñ donii!”

2 KORINTIA 6:18

ho ngo nunuka aba pa lyikiñdo, ho nunu ngiika milobo ho nyimii wiinga atañ, Attoh Tamojabo ludo.”

MIHUKAKIÑNIIÑ 19:15

Mohka aguñ hokii hempḛr areh ilyo biliñ biido niilona ganda atañmi pakhii kendonii, ho mo mohlumi sangii kendo dachañ panyi lo; mo nyorpi kendo Pinii Tamojaka hadii ka ow nyorpi naniiñ ho

MIHUKAKIÑNIIÑ 16:14

niimpalukoda mohlu igii ka yajiyallo, kagiñnanii miila, huna intiinii adhoganda ho radde atañ ko hikha dohadolo ho, mohlumi gyokuñla gyambo pake nendupa hempḛr kahe allo Pinii Tamoka.

MIHUKAKIÑNIIÑ 21:22

Ho ngo hang piniiude kapama citi ho, niimpalukoda hiika piniiude hii Attoh Pinii Tamoja la Subuñ nyikii.

MIHUKAKIÑNIIÑ 1:11

lubiidola, “Keto niihna no kapadonii khetaho ho hiika hiimi pengkanuhe gyoliñkonii atañ ko bito, Ipisia ho Ismarna Pargamum ho Taitira ho Sardis ho Piladelpia ho Laodisia ho.”

MIHUKAKIÑNIIÑ 15:3

Ho mohlu biisie do Mose ka biisie mi, Pinii ka miira, ho Subuñ ka biisie mi, lubiidola, “Kahe ho anoaya niika miiniiñ hii, O Attoh Pinii Tamoja! Denki ho jije niika lembo atañhii, O santuñ atañ radde!

MIHUKAKIÑNIIÑ 16:7

Ho ngo tapato agyañ ka kheniiñmi, “Ḛh, Attoh Pinii Tamoja, jije ho kadiko niika ayakacho kaniiñhii!”

MIHUKAKIÑNIIÑ 19:6

Ho ngo tapato takoso hempḛr miyu taro ka adu-abiñ niipa tato, hempḛr yasie abujeka bido niihtañ ho hempḛr uro yapuñ gendo niihtañ, gyubiidola, “Halleluya! Niimpalukoda Attoh ngunuka Pinii Tamoja sangii do.