MIHUKAKIÑNIIÑ 1:7 - NITI GONTU N.T. (BSI)

⁷ Kato, mo jomiika agiñho ahla do, ho kone abika amee mohmi kapa kendo, hiika atañ lohepa huna mohmi niikhii tiinii; ho hikha kiiddiapiñ daka halugiira atañ heru kendo mohkiipa. Hiipa tiirḛ. Amen.

MIHUKAKIÑNIIÑ 1:7 Referans Kwoze

METHU 24:30

hiikahiiba ho miyu ka Oho ka kagiñnanii hii yapuñho dari kendo, ho hikha kiiddiapiñ daka halu atañ heru nyakiñdo, ho mohlu miyu ka Oho mi yapuñ daka jomii ho harchichike ka agiñho huda khada ahla doniimi kappa kendo;

JON KA AYAPUYU 19:37

Ho hiira gongeta piniipota ludo, “Mohlu mohmi kala dakiñdo humina mohlu niilii talyinii.”

MAK KA AYAPUYU 14:62

Ho Jisu lutii, “ḛh ngo; ho nunu kappa kendoke Miyu ka Oho mi Pinii ka lahbi alah ho dupa harchichike giitola, ho Jomii agiñho yapuñ hahoho ahla dopa.”

LUK KA AYAPUYU 21:27

Ho mohlu miyu ka Oho mi harchichike ho tatu katu ka agiñho jomii ho ahla dopa kappa kendo.

1 TESOLONIA 4:17

hiikahiiba ho ngunu hutiina turla dunii, hutiina dulya dukunii, tongepa ngunumi chagii kendoku jomiiho Attoh mi yapuñ ho kapa dukupa; ho ngunu kiirañ Attoh ka agiñho dubo kendoku.

1 TESOLONIA 1:10

ho mohka Oho mi kalya dupa dariiganda hokii, humina mo seritiikunii shiiniiñ hokii, Jisu huna ngunumi tupya donii hempḛr uro ahsanii hadii hokii.

MAK KA AYAPUYU 13:26

Ho mohlu ‘Miyu ka milobo oho’ mi jomii ho ahla dopa kappa kendo hempḛr kaye harchichike ho huda khada agiñho.

JUD KA SIITI KENIIÑ 1:14

Siika drih kiipa tiirḛ Enok Adam kokiila kanunii santuñ bo nyibuhentii, lubiidola, “Kato, Attoh ahla do mohka hempḛr toro darii miidopopi atañ agiñho,

METHU 26:64

Jisu mohmi lutii, “No ludonii hiila siilo. Hojalopa ngo nunumi lukoso, siisikiija nunu miyu ka Oho mi Pinii ka lahbi alah ho dupa kappa kendo harchichike mi giitola, ho dariiganda daka jomii ho ahla dopa kappa kendo.”

MIHUKAKIÑNIIÑ 22:20

Hii huna pyakodonii siika drih atañmi luto, “Jijeloda ngo hempḛr nyibya ahkur talyi kuke.” Amen. Ahto, Attoh Jisu!

1 JON 3:2

Heniiñja, ngunu Pinii ka wiinga atañke siisi; siikasi ahma ranke niihtañ kendo ngunu hiila, hojalo ngunu chindo mohka ahlyi kuho ngunu mo chuli kendo, niimpalukoda ngunu mohmi kapa kendo mo niihtañ hiitañpa.

HIBRU 10:29

Niimkane heruyapa pamyokenko kendo nunu henka duha hiika miyu mi huna Pinii ka Oho mi khiipa donii, ho khiimapama miidonii hemmesiiniiñ ka ai mi niilona mo darii miitiikunii, ho hadii dopa miitiinii aroh-aya ka Yajiyallo mi?

JON KA AYAPUYU 19:34

Hojalo sipahi kone mohka khiike ho adañ niilii tii, ho ohepada hiikohokii ai la yasie nyi biliñtii.

MIHUKAKIÑNIIÑ 22:4

mohlu mohka nyimo mi kapa kendo, ho mohka armyañ hii mohluka tiirii atañ ho giikiñdo.

HIBRU 6:6

mohlu matiirḛ ho henje kuma pa khiibe pinii mi herii dokoda, mohlu hiira Pinii ka Oho mi mohluka atoh piigo pa ledabiido ho mohmi khiimapama miipa biido.

METHU 16:27

Niimpalukoda Miyu ka Oho ahkiñdo mohka miidopopi agiñho mohka Aba ka tatukatu lyiho, ho mo hikha miyu atañmi bikiñdo niihna mohlu miitiinii.

METHU 16:28

Jijeloda, Ngo nunumi lukoso, so tange danyada mohlu miyu ka Oho mi mohka raddeganda ho ahma rampa mohlu shiinii mi hempa kempa ke.

METHU 25:31

Miyu ka Oho ka huda khada ahlyi kuho, ho hikha miidopopi atañka agiñho, mo mohka tatu katu duta naniiñho dukiñdo.