METHU 9:13 - NITI GONTU N.T. (BSI)

¹³ Inge ho chingii siikasi nii hiisa niimipe, ‘Ngo aroh ke anna donii, ho membi niimi make.’ Niimpalukoda Ngo denki atañmi gyopa ahma ke, hojalo ingyamiigyanii atañ mike.”

METHU 9:13 Referans Kwoze

MAK KA AYAPUYU 2:17

Ho hiimi Jisu tapa lala, mo mohlumi lutii, “Huna dasḛr la dunii hii datḛr mi anna make, hojalo huna achih-ahe nyadonii; Ngo denki mi gyopa make ahdunii hojalo ingyamiigyanii atañ mike.”

LUK KA AYAPUYU 19:10

Niimpalukoda miyu ka Oho hii ahtii lyunii mi medupa ho lyangur dupa.”

LUK KA AYAPUYU 5:32

Ngo denki mi gyopa amake, hojalo ingyamiigyanii atañ misuke henkur kiine dupa hiila.”

METHU 12:7

Ho nunu matiirḛ si nii lusaniimi ludo hala chintii koda, ‘Ngo aroh ke anna donii, ho membi niimi make,’ nunu miigya manii bomi halii diima.

2 PITAR 3:9

Attoh mohka hemme nii piigo ho haso make tonge hasodo hiila lusu dono, hojalo nunupa mo kalya lake dunii, kone mitrḛ lyuke nena mapa, hojalo miilañrumi henkur kiine nala.

MIINIIÑ 3:19

Henkurto hopa, ho ahkur toku, niimpalukoda nunuka ingyamiigya niimi hello kodu kupa, jojo myodu ahkiñ doke Attoh ka dabo monii hokii.

MIINIIÑ 11:18

Mohlu siimi tapa lala miilañru adu nyama tii. Ho mohlu Pinii mi assañtii, lubiidola, “Hokoda Pinii Midomiyu atañ miilañmi sango paka henkur kunii mi bittii ku.”

METHU 3:2

“Henkur nyato, niimpalukoda dariiganda ka raddeganda hii alahho dokuke.”

MIINIIÑ 5:31

Pinii mohmi lahbi alah dalyiho Sangii ho Lyangur niipa miichatii, Isrel mi henkurkiine dupa ho ingyamiigyanii atañ hokii hello kiine dupa.

LUK KA AYAPUYU 24:47

ho hiika henkur niimi ho ingyamiigyanii atañ hokii ka hello kuniiñ mi hikha ganda atañ ho tonsḛrkhenyo kendo mohka armyañ pa, Jerusalem hokii lukoribiila.

METHU 4:17

Hiika myodu hokii Jisu tonsḛrkhenyo ribiitii, lubiidola, “Henkur nyato, niimpalukoda dariiganda ka raddeganda hii tunii dokuke.”

MIINIIÑ 2:38

Ho Pitar mohlumi lutii, “Henkurto, ho kone abi baptisma lato Jisu Kristo ka armyañ pa, nunuka ingyamiigyanii atañmi hello kodu pa; ho nunu Darii Yajiyallo ka ahmiñayiñ mi larii kendoke.

METHU 3:8

Henkur giiniika ahee ya hinya to,

MIINIIÑ 20:21

Jew atañ ma Grik atañ mima pyako biidola Pinii mika henkur sanii mi ho Attoh Jisu Kristo mika henje saniimi.

METHU 21:42

Jisu mohlumi lutii, Nunu ronge hetrḛ piniipota mi rika mapo: Ude miinii ka yalañ kakhu hii siirañ rañtupa dukiñ doke; siikasi Attoh ka miiniiñke, ho hiikahii ngunu kata ho hempḛr kapyodo?

METHU 12:3

Mo mohlumi lutii, “Nunu rika matopo David ka miiniiñmi, mohka haya lyiho, ho hutiina mo agiñho dabotiinii:

MAK KA AYAPUYU 12:26

Ho shiinii atañka turi lyikuho, nunu Mose ka kheta ho puri matopo, tareapya piigo mika luko niimi, niihtañpa Pinii mohmi lutii, ‘Ngo Abraham ka Pinii ke, ho Isak ka Pinii, ho Jakob ka Pinii’?

JON KA AYAPUYU 10:34

Jisu mohlumi lusitii, “Hiila nunuka dapo ho ketola domasa, ‘Ngo ludu, nunu pinii ke’?

METHU 19:4

Mo lusitii, “Nunu rika matopo huna lotuho mo anye mi putiinii mo anye mi milo bola nyimii pa putii hiila,

METHU 12:5

Malo hiila tiirḛ rika matopo dapoho niihtañ pana dumoaloho piniiude ka nyibu atañ dumoalo mi khiimapama miitiinii, hojalo pahañ siile haliimatii?

LUK KA AYAPUYU 10:26

Mo mohmi lutii, “Nii hiila dapo ho ketola do? Niihtañpa no ridu?”

MAK KA AYAPUYU 12:33

ho mohmi hikha ahha lo henkiñdo, ho hikha chiniiñlo, ho hikha harchichikelo, ho atohka ariapii mi atohmika heniiñ chuli paka heniiñ, siikasi uroya khiiniiñ pa lyido hikha yamu hoka byabi niimi la achu-amyo membi niimi hentola.”

LUK KA AYAPUYU 5:31

Ho Jisu mohlumi lusitii, “Huna dasḛr la dunii hii datḛr mi anna make, hojalo huna achih nyadonii;