METHU 6:1 - NITI GONTU N.T. (BSI)

¹ Nunuka mihmika heriilyiho hendi biidola miito mihmi miikiñ talyi hiila miiyo; niimpalukoda hiilamiikoda nunu dariiganda daka Aba kokii ajunii juniimi kappa kemake.

METHU 6:1 Referans Kwoze

METHU 23:5

Mohluka hikha mohluka miiniiñmi miyu atañmi miikiñla miida; niimpalukoda mohluka tiiriipappi miya peropa giitola ho jilya mitrḛ sobbe dopa giitola,

JON KA AYAPUYU 12:43

niimpalukoda mohlu miyu ka assañ niimi uro yapa hemi lyado Pinii ka assañ niimi hentola.

HIBRU 6:10

Niimpalukoda Pinii hensamiisa la nunuka miigo miiniiñmi kago kema ho nunuka heniiñmi mohkiipa piniimiyu atañ mika miiho niimi, siisi jalo nunu miila do.

LUK KA AYAPUYU 16:15

Hojalo mo mohlumi lutii, “Nunuke hiika atañ hutiina atoh mi miyu atañka hataho denki kakiñ siidanii, hojalo Pinii nunuka ahha mi chindo ke; nii mina miyu ka hataho assañ siidonii hii Pinii ka kata ho khiimake.

GELESIA 6:12

Siikasi hiika atañpa hutiina aya hiila kakiñ nandonii asiialyoho ho hiika hii nunumi mitupipa kodopa lyigiida, ho niimpalukoda mohlumi miihimiire maya pa hiila Kristo ka dapo kiipa.

JON KA AYAPUYU 5:44

Niihtañpa nunu henje lakiñdo, huna kone anyañ ka assañ niimi larii siila ho Pinii kokiika assañdiilañ ahnii miya menya mapa?

2 JON 1:8

Nunu atohpa hendi nyatolya, nunu alyu siima mapa nii pana nunu miigo miitiinii, hojalo poteje injomiijo mi kapa ladopa.

MAK KA AYAPUYU 8:15

Ho mo mohlumi hendi tote lutii, lubiidola, “hendi nyato, hendi nyatii ka ha Parisi atañka ipo hokiila Herod ka ipo nyi hokii.”

METHU 6:16

Ho niida nunu nyochi, heru busu kapa kakiñyo, apukahi hiilyañ, niimpalukoda mohlu mohluka nyimo mi moyo rusu dukiñla mihmi nyodo hiila kakiñdu. Jijeloda, Ngo nunumi lukoso, mohlupa ka ajunii juniimi mohlu latiiku.

METHU 16:6

Jisu mohlumi lutii, “Hendi nyato ho hendi latiika Parisi atañ la Herod ka ipo nyi hokii.”

LUK KA AYAPUYU 12:15

Ho mo mohlumi lutii, “Hendi nyato, ho helyihembyo saniiñmi hendi tolya; niimpalukoda miyu sango hii niimkane mohkii gandanencha do hiiko giita make.”

METHU 5:48

Nunu, hopa, digoabiayato, niihtañpa niika dariiganda daka Aba tiirḛ digoabiaya ke.

METHU 5:16

Si chulipa niika hutoh mitrḛ miyu atañka hataho byohu kiineto, niimpalukoda niika aya miigo miiniiñmi mohlumi kala lala ho niika Aba dariiganda hoka duniimi assañ kiine dupa.

LUK KA AYAPUYU 11:35

Hiikohopa hendi nyato hiilamakoda nunukoka hutoh giiniihii kamo kendoke.

LUK KA AYAPUYU 12:1

Hiika myodu jaho, abuje miyuatañ tongepa dakuñla doho mohlu kone anyañ mi nenje nenge siibiido, mo lurido mohka henjeajiñ atañmi kapyopa, Hendi nyatolya Parisi atañ kokii ka miibḛr kosa niimi, hiika apukahi miiniiñ hokii.

METHU 25:40

Ho Radde mohlumi luko lusi kendo, Jijeloda, Ngo nunumi lukoso, nunuka siika khiima janii ngiika anubarmii atañ mika kalyañ nii hii, nunu ngiimi ke kalyañ donii.

METHU 5:46

Niimpalukoda nunu matiirḛ nunumika hennii mi kontii hensi dokoda, nii ajunii nunuko do? Si chulipa tiicko myanii atañ tiirḛ miinya siimasa ehna?

METHU 23:13

Hojalo aiya la ludu nunumi, pagenii atañ la Parisi atañ, apukahi! Niimpalukoda nunu dariiganda ka raddeganda mi miyu atañmi miipiñ bibiido; niimpalukoda nunu tiirḛ ahma, malo huna ahpa miidonii hiimi tiirḛ ahke nema.

METHU 6:9

Si chulipa kuto: Dariiganda hoka duniibo ngunuka Aba, Niika armyañ mi kaye kiinesa.

HIBRU 2:1

Hopa ngunu taniiyala tagekendo niihna ngunu tapa tiinii, hiilamakoda ngunu hiikohokii ngokiñdo.

HIBRU 11:26

Mo Kristo paka heru hembi niimi uro mingotamo yapa hentii Egip hoka alḛrdrih doniimi hentola, niimpalukoda mo ajju kosa niimi katii.

METHU 16:27

Niimpalukoda Miyu ka Oho ahkiñdo mohka miidopopi agiñho mohka Aba ka tatukatu lyiho, ho mo hikha miyu atañmi bikiñdo niihna mohlu miitiinii.

MIINIIÑ 3:12

Ho Pitar hiimi kapa lala mo miyu atañmi luriitii, Isrel daka miyuatañ, niimpa nunu kahotamo nyadu siimi, malo niimpa nunu ngunumi kadi nyada, ngunuka atoh harchichike lo malo darii henju loka mohmi indo pa miitiinii hiilyañ?