METHU 5:9 - NITI GONTU N.T. (BSI)

⁹ Lyanko kendo chimie dopa lulyañ nii atañ, niimpalukoda mohlumi Pinii ka oho hiila lukiñ do.

METHU 5:9 Referans Kwoze

HIBRU 12:14

Hikha miyuatañ agiñho chimie mi meto, ho darii hii nyimapa kone hetrḛ Attoh mi kapa lakiñma.

ROM MIKA POL KA SIITI KENIIÑ 12:18

Miila lyimilo matiirḛ, hojalo si niika henko hoke dokiñ donii, hikha miilañ ruka agiñho chimiepa sandu pa miitolya.

GELESIA 5:22

Hojalo Yajiyallo ka ahee hii hensu nii, hempyo, chimie, pigiinii, helakala, aya, lotii,

ROM MIKA POL KA SIITI KENIIÑ 8:14

Niimpalukoda hikha hutiina Pinii ka Yajiyallo lo pagii kodonii hii Pinii ka oho atañ ke.

LUK KA AYAPUYU 6:35

Hojalo nunumika ahha baniimi hentolya, ho aya miibito, ho narto, hang lakutalyi ku hiila helyayo; ho nunupaka ajunii ano kaye kendoke, ho nunu kayejaka oho pa lyikiñ doke; niimpalukoda mo helakala duke henchiñ manii mila ho henchi hehi henii bomi.

2 KORINTIA 13:11

Kamijapa anubarmii atañ, hempyo tolya. nunuka lembo mi miilyañ siitolya, ngiika tonsḛr niimi henge giitolya, kone anyañ mi talii siitolya, chimie pa duhiñ tolya, ho Pinii ka hensunii ho chimie nunuka agiñho dobo kencho.

KOLOSIA 3:13

kone anyañ mi pigii siibii dola ho, kone matiirḛ koneyami halii lyimilo, kone anyañ mi hello siito lya; niihtañpa Attoh nunumi hellotii; hopa nunu tiirḛ hello to loda.

METHU 5:48

Nunu, hopa, digoabiayato, niihtañpa niika dariiganda daka Aba tiirḛ digoabiaya ke.

2 KORINTIA 5:20

Hopa ngunu Kristo ka puyu mika bako binii, Pinii ngunu kiilo mohka yarniiñ mi yardo. Ngunu nunumi yarlyi ke Kristo kii dalyi pa, Pinii ko ahdiñ nyato ku.

MIINIIÑ 7:26

Ho allo lohe yaho mo mohluka gasu ko ahtii ho mohlumi lyartii, lubiidola, Miyu atañ, nunu anubarmii siike, niimpa nunu kone anyañ gasu nyado?

METHU 5:45

niimpalukoda nunu nunuka dariiganda daka Aba ka oho pa lyidupa; niimpalukoda mo mohka danyi mi ingyamiigya mitrḛ ho denki mitrḛ byohu kiinedu, ho miido hukhe kiinedu denki mitrḛ ho ingyamiigya mitrḛ.

1 KORINTIA 6:6

hojalo anubarmii hii anubarmii mi chekho la dapo ko indo, ho hiika hiitiirḛ henjemanii atañka hataho ha?

PILIPIA 4:2

Ngo Yudia mi yartii ho Sinteke mi yartii Attoh ko talii to hiila.

LUK KA AYAPUYU 20:36

niimpalukoda mohlu shiidu hiila shiila keñkuma, niimpalukoda mohlu miidopopi la Pinii ka oho atañ ka ahiñpa lyidoku, turiturku kuniiñ ka oho atañpa lyilyi kunii.

IPISIA 4:1

Hopa ngo, Attoh paka pattiih tunkobo, yarlyi ke nunumi gyoliñ niimi khiiniiñ pa sango mi santo nii pana nunumi gyotiinii,

ROM MIKA POL KA SIITI KENIIÑ 8:16

siikasi Yajiyallo mo atoh haki bido ngunuka yajiyallo agiñho ngunu Pinii ka wiinga ke hiila,

ROM MIKA POL KA SIITI KENIIÑ 8:19

Niimpalukoda miiliñ luliñnii atañ kalya rela doku Pinii ka oho atañ mika kakiñ saniiñ mi;