METHU 5:16 - NITI GONTU N.T. (BSI)

¹⁶ Si chulipa niika hutoh mitrḛ miyu atañka hataho byohu kiineto, niimpalukoda niika aya miigo miiniiñmi mohlumi kala lala ho niika Aba dariiganda hoka duniimi assañ kiine dupa.

METHU 5:16 Referans Kwoze

1 PITAR 2:12

Aya miiju miya Midomiyu atañka punkoho miito, mohlu nunumi miigya niipa khiilii dojalo, mohlumi nunuka aya miigo miiniiñmi kala lala ho Pinii mi assañdopa mohka ahlyiku allo ho.

TAITAS 2:7

Atohmi hikha khiiniiñ ho katiñnaniiñpa kakiñ siito aya miiju atañlo, ho niika tonsḛr ko denkilotii mi, hendimiidi mi kakiñ tolya,

JON KA AYAPUYU 15:8

Siika silo ngiika Aba assañkodu, nunuka abuje ahee hiniiñlo, ho ngiika henjeajiñ hiila kakiñ siito.

IPISIA 5:8

niimpalukoda ronge nunu kamo ho dane, hojalo siisi nunu Attoh ko hutoh hoke danii; hutoh ka himme atañ hiilyañ into

1 PITAR 3:16

ho nunu henju mi didḛr pa atii tolya, niimpalukoda niida nunumi ayamapa miichi, hutiina nunuka aya henjumiiju mi chekhola miidonii Kristo ko hiimi hiinyañmohi dopa.

1 PITAR 4:14

Nunumi matiirḛ khiimapama miido koda Kristo ka armyañ pa, nunu lyanko niike, niimpalukoda tatukatu ka yajiyallo ho Pinii nunuka agiñho duke.

1 PITAR 2:9

Hojalo nunu kahenii haluke, radde ka nyibu atañ, darii ganda, Pinii ka atoh miyu, niimpalukoda nunumi luko kiine dupa mohka hempḛr aya miigo miiniiñmi huna nunumi gyoliñ tiinii kamo hokii mohka hempḛr kapyo hutoh ho.

TAITAS 3:14

Ho ngunuka miyu mi chingii kiine tolya aya miigo miiju ho atoh atohmi miilii siidopa, niimpalukoda aniipiida anna laka lyinii mi hembyuñ dopa, ho piigoama pa miike nelyayo.

1 TIMOTI 6:18

Mohlu aya mi miikiñdo, aya miigo ho mingo dopa, billakellaho ho kobya ho,

2 KORINTIA 9:13

Siika miigo soka tenka koso, nunu Pinii mi assañdiilañ kendo nunuka talii laka Kristo ka ayapuyu mi khiiko hopa, ho hempabiido laka bibyuñ niimi mohlupa ho khiibemiyu patrḛ;

IPISIA 2:10

Niimpalukoda ngunu mohka miigomiinii miyu, Kristo Jisu ko ayamiigo miinii paka puliñnii, nii mina Pinii kapyopa miimyo tiinii, hiiko ngunumi inke nendupa hiila.

HIBRU 10:24

ho kiije ngunu hensusa niihtañ pana kone anya mi haro lupa siikiñ donii hensu niiho ho aya miigo atañ ho,

1 PITAR 4:11

hujalo luchi, kone Pinii ka luniiñ mika lubinii hiilyañ; hujalo miigo miiho talyi, miihoto hiimi Pinii kokii ka tamo bitii niihiilyañ; niimpalukoda kapaneho Pinii mi assañdopa Jisu Kristo kiilo. Mohkiike tatukatu hii ho pamiñ biiniiñhii ayudahepa. Amen.

1 TESOLONIA 2:12

sango mi Pinii khiiko dopa sando pa, huna nunumi gyotiinii mohka atoh raddegandaho ho tatukatu ho.

1 PITAR 3:1

Hiichulipa nunu mihie atañ tiirḛ, tiilii siibito atoh milo ko, niimpalukoda tonge, mohlu aguñ luniiñmi tama siitrḛ, rongkoda lumiñ biitii do aguñ lumapa mohluka mihie atañka henjumiijulo,

MIINIIÑ 9:36

Siisi Joppa ho henjemiyu kone dutii Tabitha hiila armyañ, hiika hii Dorcas lusa niimi. Mo hempḛr denki ho hela bilakela nii.

1 TIMOTI 5:25

Hiichulipa aya miigo miiniiñ hiitiirḛ didḛrpa kadḛrdo; ho hiika atañhii kadḛr lama dado jalo, mohlu achuñ kotola dola kema.

METHU 5:45

niimpalukoda nunu nunuka dariiganda daka Aba ka oho pa lyidupa; niimpalukoda mo mohka danyi mi ingyamiigya mitrḛ ho denki mitrḛ byohu kiinedu, ho miido hukhe kiinedu denki mitrḛ ho ingyamiigya mitrḛ.

TAITAS 2:14

huna mo atohmi ngunupa bisu tiinii ngunumi tupya dukupa hikha kacho hokii ho darii miidupa mohpa mohka atoh miyupa miidupa huna aya miigo atañmi miinala hendo nii.

1 TIMOTI 5:10

ho mo mohka aya miigo miiniiñ mika luta nangko laka dunii, kone huna wiinga aso sucha tiinii, helakala mi kakiñla, piniimiyu atañka alih harbinii, pamyotakho giinii atañ mika hempyo miipanii, ho atoh mi kapane aya miigo hoka henga laka miinii.

1 TIMOTI 2:10

hojalo aya miiju atañ ho, kadiñdopa nyimii huna henjeniika piigomi lukodonii.

GELESIA 1:24

Ho mohlu Pinii mi assañne ngiika piigopa.

TAITAS 3:4

hojalo niido hokii aya ho hensunii helakala Pinii ngunuka Lyangur boko hokii ahtiiku,

1 KORINTIA 14:25

mohka mi chima paka ahha hoka giiniiñmi kakiñ kendo; ho hiila, nyimo chukila, mo Pinii mi herii kendo ho lukiñ do jije Pinii nunu punkoho da hiila.

LUK KA AYAPUYU 11:2

Ho mo mohlumi lutii, “Nunuka kulyiho, luto: “Aba niika armyañ mi kaye kiinesa. Niika raddeganda mi ahkenento.

METHU 9:8

Hiimi miyuabuje danii atañ kappa lala, mohlu biisotii, ho mohlu Pinii mi assañtii, huna siika otority mi siika miyu mi bitiinii.

METHU 23:5

Mohluka hikha mohluka miiniiñmi miyu atañmi miikiñla miida; niimpalukoda mohluka tiiriipappi miya peropa giitola ho jilya mitrḛ sobbe dopa giitola,

METHU 6:16

Ho niida nunu nyochi, heru busu kapa kakiñyo, apukahi hiilyañ, niimpalukoda mohlu mohluka nyimo mi moyo rusu dukiñla mihmi nyodo hiila kakiñdu. Jijeloda, Ngo nunumi lukoso, mohlupa ka ajunii juniimi mohlu latiiku.

METHU 23:9

Ho kiiddiapiñ so miyu kone mitrḛ aba hiila gyolya yo, niimpalukoda nunukii Aba kone siike dunii, dariiganda daka duniibo.

METHU 6:9

Si chulipa kuto: Dariiganda hoka duniibo ngunuka Aba, Niika armyañ mi kaye kiinesa.