METHU 4:3 - NITI GONTU N.T. (BSI)

³ Ho tenkalarka bo ahtii ho mohmi lutii, “No Pinii ka Oho milo, siika yalañ siimi luto yatañ pa lyito hiila.”

METHU 4:3 Referans Kwoze

1 TESOLONIA 3:5

Niimpalukoda siika piigopa, siimi ngiika pigii laku malyiho, ngo kiiniñto nunuka henjemi chindupa hiila, niimpalukoda biisola tenkalarkabo nunumi tenkatama siiyuha hiila ho ngunuka miigo miiniiñ danyo pa impa tama siiyuha hiila.

MIHUKAKIÑNIIÑ 2:10

Biisoyo niihna nunu heru henkiñ donii. Kato, igii si jopa liipa miidoke nunu tonge mi patiihude ho, hiikahii nunumi tenka dupa hiila, ho allo lolyañ hepa nunu hentḛrkanyi la lyikiñ doke. Lotiitolya shiihi menda hemi, ho ngo nunumi sango ka tahiñ byopa mi bichi ke.

METHU 3:17

ho kato, aguñ gonge yapuñ hokii luliñdo, lubiidola, “Siikasi ngiika heniiñja oho, humina ngo ano hempyo biidunii.”

HIBRU 12:16

kone mitrḛ kalyikabyo malo Isau kii hiilyañ piniihenju mi heriimanii pa dake neyo, huna apiñ purepa pyudo siibii donii mohka oho abañ hiila khiiko saniiñmi.

MIINIIÑ 9:20

Ho sinagog ho nyibyaloda mo Jisu mi gyukotii, lubiidola, “Mo Pinii ka Oho ke.”

LUK KA AYAPUYU 4:9

Ho mo Jisu mi Jerusalem ho chagiitii, ho piniiude ka mantu jaho dake nentii, ho mohmi lutii, “No matiirḛ Pinii ka oho milo, sokiila no atoh atoh huhi huka he;

LUK KA AYAPUYU 4:3

Igii mohmi lutii, “No matiirḛ Pinii ka Oho milo, siika yalañ siimi yatañ lyitote hiila luto.”

METHU 14:33

Ho hulu hoka dunii atañ mohmi heriinyatii, lubiidola, “Jijeloda no Pinii ka Oho.”

METHU 16:16

Saimon Pitar lusitii, “No Kristo, turnii Pinii ka Oho.”

METHU 26:63

Hojalopa Jisu adumatii. Ho bukuñ nyibu mohmi lutii, “Ngo niimi turnii Pinii armyañ pa lyarlyike, ngunumi lukope no matiirḛ Kristo, Pinii ka Oho milo.”

MAK KA AYAPUYU 1:1

Pinii ka Oho, Jisu Kristo ka Ayapuyu mika luri biiniiñ.

MAK KA AYAPUYU 3:11

Ho niidajalopa kacho yajiyallo mohmi kappa talyi, mohlu mohka liidi ho giihatii ho gyutii, “No Pinii ka Oho!”

MAK KA AYAPUYU 5:7

ho hempḛr uropa gyukhe jami gyulala, mo lutii, “No ngiimi nii miipa, Jisu, Pinii kahe jaka Oho? Ngo niimi Pinii kiipake lulyinii, ngiimi heru myanka dopa miiyo”

LUK KA AYAPUYU 1:35

Ho miidopopi lutii Mary mi, “Darii Yajiyallo niiko ahkiñ doke, ho hempḛr kaye jaka harchichike hii niimi lyipu biilyi diike; hopa wiinga buko sanii bomi darii lukiñdo, Pinii ka wiinga hiila.

LUK KA AYAPUYU 4:41

Ho igii tiirḛ abuje miyu kokii lintiiku, gyunya biidola, “No Pinii ka Oho!” Hojalo mo mohlumi gatii, ho kone mitrḛ luke nematii, niimpalukoda mohlu chintii mo Kristo hiila.

LUK KA AYAPUYU 22:70

Ho mohlu miilañru lutii, “No Pinii ka Oho ha, hokoda?” Ho mo mohlumi lutii, “Nunu luda ngo hiila.”

JON KA AYAPUYU 1:34

Ho ngo kappatii ho haki pa lyilyi siikasi Pinii ka Oho ke hiila.”

JON KA AYAPUYU 1:49

Natanel mohmi lusitii, “Tonsḛrbo, no Pinii ka Oho! No Isrel ka Radde!”

JON KA AYAPUYU 9:35

Jisu tapatii mohlu mohmi mompa biine hiila, ho mohmi kapa lala mo lutii, “No henje duha miyu ka Oho mi?”

JON KA AYAPUYU 20:31

hojalo siika atañ siimi ka keniiñsi nunumi Jisu hii Kristo hiila henje kiine dupa, Pinii ka Oho, ho henje biidola nunumi sango kapa kiine dupa mohka armyañ pa.

2 KORINTIA 1:19

Niimpalukoda Pinii ka Oho, Jisu Kristo, humina ngunu nunuka punkoho tonsḛrkhenyo tonii, Silvanas, Timoti ho ngo, hii ḛh la ma nyimaneke; hojalo mohko ḛh adike.

GELESIA 2:20

Ngo Kristo agiñho leda kotiiku; siikasi ngomake huna sando nii, hojalo Kristo huna ngiiko sando kunii; ho sango ngiika asiialyo loka saniiñsi ngo henje loke sandunii Pinii ka Oho mi, huna ngiimi hendo nii ho ngiipa atohmi bisu tiinii.

HIBRU 4:14

Hiiko hokiija ngunukii kaye bukuñ nyibu duku huna dariiganda mi impo biila intiinii, Jisu Pinii ka Oho, kiije ngunuka khako niimi khakañ ari khasa.

HIBRU 7:3

Mohkii aba malo annii malo ohoasi nyimatii, ho allo lotu malo sango ka kami allo tiirḛ, hojalo Pinii ka Oho kapupa mo dukañari nyibupa dutii.

1 JON 3:8

Mo huna ingyamiigya donii hii igii kokii; niimpalukoda igii si lotu jaho hokii ingyamiigyanii. Pinii ka Oho ahdo paka lyiniiñsi igii ka miigo miiniiñmi pyadu dupa hiila.