METHU 4:17 - NITI GONTU N.T. (BSI)

¹⁷ Hiika myodu hokii Jisu tonsḛrkhenyo ribiitii, lubiidola, “Henkur nyato, niimpalukoda dariiganda ka raddeganda hii tunii dokuke.”

METHU 4:17 Referans Kwoze

METHU 3:2

“Henkur nyato, niimpalukoda dariiganda ka raddeganda hii alahho dokuke.”

MIINIIÑ 2:38

Ho Pitar mohlumi lutii, “Henkurto, ho kone abi baptisma lato Jisu Kristo ka armyañ pa, nunuka ingyamiigyanii atañmi hello kodu pa; ho nunu Darii Yajiyallo ka ahmiñayiñ mi larii kendoke.

LUK KA AYAPUYU 5:32

Ngo denki mi gyopa amake, hojalo ingyamiigyanii atañ misuke henkur kiine dupa hiila.”

LUK KA AYAPUYU 24:47

ho hiika henkur niimi ho ingyamiigyanii atañ hokii ka hello kuniiñ mi hikha ganda atañ ho tonsḛrkhenyo kendo mohka armyañ pa, Jerusalem hokii lukoribiila.

MIINIIÑ 17:30

Henchiñ mapa ka myodu mi Pinii kagotii, hojalo siisi mo hikha miyu atañmi kapane hokiimi henkur tote hiila ludo,

METHU 9:13

Inge ho chingii siikasi nii hiisa niimipe, ‘Ngo aroh ke anna donii, ho membi niimi make.’ Niimpalukoda Ngo denki atañmi gyopa ahma ke, hojalo ingyamiigyanii atañ mike.”

MIINIIÑ 26:20

hojalo kapyopa Damaskas daka dunii mi luko lupyotii, ho Jerusalem, ho hikha Judia gandaho, ho Midomiyu atañ kotrḛ, niimpalukoda mohlumi henkur la Pinii ko ahkur kiine dukupa ho aya miigo miike nendupa mohluka henkur kuniiñmi.

LUK KA AYAPUYU 15:7

Hiichuli pa, ngo lukosa nunumi, dariiganda ho siimitiirḛ uro yapa hempyo kendo ingyamiigyanii koneka henkur lyiho hikha denki kowakhange la midiñkowa hemi apayatiila hutiina henkur dupa lyimanii.

MIINIIÑ 3:19

Henkurto hopa, ho ahkur toku, niimpalukoda nunuka ingyamiigya niimi hello kodu kupa, jojo myodu ahkiñ doke Attoh ka dabo monii hokii.

LUK KA AYAPUYU 15:10

Hiichulipa, ngo nunumi lukoso, Pinii ka miidopopi atañ hempyo du ingyamiigyanii koneka henkur lyikuho,”

MIINIIÑ 20:21

Jew atañ ma Grik atañ mima pyako biidola Pinii mika henkur sanii mi ho Attoh Jisu Kristo mika henje saniimi.

HIBRU 6:1

Hopa kiije ngunu chimpyo paka Kristo ka tonsḛrniimi atii lyartii kula ho hengḛr dalyi ya hata chasa, hiira miisamanii miigo hokii henkur niika liidi mi rammapa ho Pinii kii dalyi ka henje miya rasa,

MIINIIÑ 11:18

Mohlu siimi tapa lala miilañru adu nyama tii. Ho mohlu Pinii mi assañtii, lubiidola, “Hokoda Pinii Midomiyu atañ miilañmi sango paka henkur kunii mi bittii ku.”

METHU 25:1

Ho dariiganda ka raddeganda mi nyimuñ alyañ hemi khiitiñ nantii hutiina mohluka muru mi biitola ho mihielasa bomi kappa dupa intiinii.

METHU 13:47

“Hiira, dariiganda ka raddeganda hii pakhe chulido hiimi yasie siimie ho kulo lala kapane ngiiyyi kubii donii chuli;

METHU 10:7

Ho nunu ilyila tonsḛrkhenyo tolya, lubiidola, Dariiganda ka raddeganda hii alah ho dokuke.

LUK KA AYAPUYU 9:2

ho mo kiiniñ biido Pinii ka raddeganda mi tonsḛr khenyo niipa ho miipya niipa.

METHU 11:12

Jon Baptisma binii boka allo hokii khiiri biila siisilohepa dariiganda ka raddeganda ho herugiila do payagaya siiniiñmi, ho payagayanii miyuatañ hiimi chechepa chenya biido.

METHU 13:24

Koneya lutiñnaniiñ mohlumi lukotii, lubiidola, “Pinii ka raddeganda mi khiitiñ nantii miyu ka aya kormo, mo aji hoka lilo niimi

METHU 13:9

Hukiina yaroo giidonii, mohmi take nento.

METHU 13:11

Ho mo mohlumi lusitii, Nunumi Pinii ka raddeganda ka khiibe chimma niimi chindopa bitola do, hojalo mohlumi siimi bima.

METHU 6:10

Niika raddeganda mi ahke nento. Niika henko doke nento, kiiddiapiñ so niihtañpa dariiganda ho do.

LUK KA AYAPUYU 3:23

Jisu, mohka miigolugo mika miiri biilyiho, anyañ nyang hikhañ hepa lyitiiku, Josep ka oho paka lyilyinii, Heli ka oho,