METHU 25:21 - NITI GONTU N.T. (BSI)

²¹ Mohka atoh mohmi lutii, Aya miitii, denki ho lotii miira; no eche mitrḛ lotii biida, Ngo niimi abujemi kabii kiine talyi; kiije ahto niika atoh ka hempyo sokoso.

METHU 25:21 Referans Kwoze

METHU 25:23

Mohka atoh mohmi lutii, Aya miitii, denki ho lotii miira; no eche mitrḛ lotii biida, Ngo niimi abujemi kabii kiine talyi; kiije ahto niika atoh ka hempyo sokoso.

LUK KA AYAPUYU 16:10

“Huna hempḛr iche mi lotii biidonii abu mitrḛ lotii biikiñdo; ho huna hempḛr iche mitrḛ lotii manii abu mitrḛ lotii biikiñ ma.

JON KA AYAPUYU 12:26

Hujalopa matiirḛ ngiimi miihotalyi, mo ngiimi imbo monkiñdo loda; ho noh ngo da, hiiko ngiika miira tiirḛ dakiñdo; hujalopa ngiimi matiirḛ miihotalyi, Aba mohmi khiikiñdo.

2 TIMOTI 2:12

ngunu matiirḛ pigii dokoda, ngunu mo agiñho sangii monkiñdo; ngunu matiirḛ mohmi mapa dokoda, mo tiirḛ ngunumi mapa kendo;

MIHUKAKIÑNIIÑ 3:21

Hii huna pamiñdonii, ngo mohmi ngiika agiñho raddeduko ho dugii talyi, niihtañpa ngo atoh tiirḛ pamiñtii ho ngiika Aba ka raddeduko ho dubo du.

JON KA AYAPUYU 14:3

Ho ngo ila ho nunupa duko miimyo tela, Ngo hiira ahkur talyi ho ngo nunumi ingii talyi, niimpalukoda noh ngo da ho nunu miilañmi dagii dupa.

JON KA AYAPUYU 17:24

Aba, ngo hendo mohlutrḛ, humina no ngiimi bitiinii, ngiika agiñho dado koda nohna ngo danii, ngiika tatukatu mi kapa dopa niika ngiimika biniiñmi niika heniiñ ho dohadolo mika pumarampa.

MIHUKAKIÑNIIÑ 2:10

Biisoyo niihna nunu heru henkiñ donii. Kato, igii si jopa liipa miidoke nunu tonge mi patiihude ho, hiikahii nunumi tenka dupa hiila, ho allo lolyañ hepa nunu hentḛrkanyi la lyikiñ doke. Lotiitolya shiihi menda hemi, ho ngo nunumi sango ka tahiñ byopa mi bichi ke.

METHU 24:45

Huna hokoda lotii ho piibi miira, humina mohka atoh hikha ude mi kabii tolya hiila bitiinii, mohlumi myodu mi kabii dola mohluka diigo mi bidopa?

PILIPIA 1:23

Ngiimi anyeruso hendḛr lama miibiido. Ngiika heniiñ yadiñ inkula ho Kristo ka agiñho dubo nandoku hiila, niimpalukoda hiika hii hempḛr aya yakiñdo.

MIHUKAKIÑNIIÑ 7:17

Niimpalukoda Siibuñ raddeduko punko hoka daniibo mohlumika siibuñsorniibo, ho mo mohlumi lembo pagiikendo turnii yasie ka shoo huliñ ko lohe; ho Pinii tipa kendo kone abika mila mi mohluka amee hokii.

ROM MIKA POL KA SIITI KENIIÑ 2:29

Mo Jew huna ura hokiila aya donii, ho jije mitupikonii hii ahha hoke donii, yajiyallo hoke ho keto laka donii make. Mohka assañ nii hii miyu kokii make hojalo Pinii kokiike.

LUK KA AYAPUYU 12:44

Jijeloda, ngo nunumi lukoso, mo mohmi hikha mohka ganda nencha atañmi kabii kiine kendo.

METHU 25:46

Ho mohlu mungu mapa ka miikhiiñ ko gandaho inkiñdo, hojalo denki atañ santḛrlamanii sango dokoho.

METHU 24:47

Jijeloda, Ngo nunumi lukoso, mo hikha mohka donii panii atañmi mohmi kabii kiine kendo.

MIHUKAKIÑNIIÑ 21:7

Mo huna pamiñdonii siika pensi konii si dokiñdo, ho ngo mohka Pinii pa lyichi ho mo ngiika oho pa lyikiñdo.

HIBRU 12:2

Jisu mi kabii dola miitu rigiibo ho digoabiaya dopaka miinii ngunu henjemi, huna mohka hata hoka hempyo atii tola doniiñ kiipa pogyañ mi pitii nii, hiinyañ mitrḛ hempa kapa biidola, ho duku Pinii ka duko lahbi alah ho.

2 KORINTIA 10:18

Niimpalukoda siikasi miyu make huna atohmi assañ siidonii taliitiiku hiila, hojalo humina Attoh assañdonii.

1 KORINTIA 4:5

Hopa iche hetrḛ ayakacho kaniiñmi lulya yo myodu ahma rampa, Attoh ka ahma rampa, huna hutoh mi ahgii kendo nii siisi ka kamo hoka drih achuñ tola donii atañpa ho luko kendo ahha hoka heniiñ atañmi. Ho hikha miyuatañ kapa kendo mohluka heniiñmi Pinii kokii.

2 KORINTIA 5:9

Hopa ngunu ude ho duchiha malo adho pa dachiha, ngunu mohmi hempyo miipa talyi hiilaka heniiñ hii ngunuka miisanii.

1 TIMOTI 3:13

niimpalukoda huna denkipa deakon atañpa sangii donii mohlu atohpa aya daju mi miilii siigiido ho kahe hentiñnanii henje giitota niihna Kristo Jisu ko donii.