METHU 2:6 - NITI GONTU N.T. (BSI)

⁶ Ho no, Betlehem, Juda ka kiiddi ho, Juda hoka donii khiima niija lemba kone make; niimpalukoda niiko hokiike akhoja kone ngiika Isrel miyu atañmi sangii niipa ahkiñ donii.

METHU 2:6 Referans Kwoze

JON KA AYAPUYU 7:42

Piniiaguñ hiila lumasa ehna Kristo David ka halugiira hokii kendo hiila, ho Betlehem hokii ahkiñ do hiila, David nii lemba hokii tiinii?”

MIHUKAKIÑNIIÑ 11:15

Ho kanunii miidopopi mohka siirii mi mutii, ho hiiko hempḛr goro aguñ adune dariiganda ho, lubiidola, “Dohadolo ka raddeganda hii ngunuka Attoh ho mohka Kristo ka raddeganda pa lyidoku, ho mo ayu dahepa sangii kendoku.”

METHU 28:18

Ho Jisu ahtii ho mohlumi lutii, “Hikha yapuñ la kiiddiapiñ nyika otority mi ngiimi bitola do.

MIHUKAKIÑNIIÑ 2:27

ho mo mohlumi sangii kendoke dachañ panyilo, dekiñ piichañ ka penyo penyopa tache donii hiilyañpa, ngo atoh tiirḛ harchichike mi lariitii ngiika Aba kokii;

KOLOSIA 1:18

Mo apo ka attoh, gyoliñkonii; mo kapyoja, butu japa ka bukonii shiinii hokii, kapane drihho mo limpyo japaka linnii.

METHU 2:1

Siisi Jisu mi Judia ka Betlehem ho butii Radde Herod ka myodu ho, kato, danyichaggo hokii chiniimiyu atañ Jerusalem ho ahtii, lubiidola,

IPISIA 1:22

ho mo hikha drih atañmi mohka alih liidi ho atiitii ho mohmi hikha drih ka atohpa miitii gyoliñkonii pa,

JON KA AYAPUYU 21:16

Ronye niipa mo mohmi lutii, “Saimon, Jon ka oho, no ngiimi hendu ha?” Mo mohmi lutii, “Ḛh, Attoh; no chindo ngo niimi hendu hiila.” Mo mohmi lutii, “Ngiika subuñ atañmi kage tolya.”

HIBRU 7:14

Niimpalukoda siikasi jijeloda ngunuka Attoh Juda ka ohoasi, ho hiika halugiira kii dalyi mi Mose hang nyibu atañka piigo mi luma.

MIHUKAKIÑNIIÑ 7:17

Niimpalukoda Siibuñ raddeduko punko hoka daniibo mohlumika siibuñsorniibo, ho mo mohlumi lembo pagiikendo turnii yasie ka shoo huliñ ko lohe; ho Pinii tipa kendo kone abika mila mi mohluka amee hokii.