METHU 2:13 - NITI GONTU N.T. (BSI)

¹³ Siisi mohluka inne kuho, kato, Attoh ka miidopopi Josep ka emmako ahtii ho lutii, “Gurito, wiinga la mohka annii nyimi ingiila, ho Egip ho hargii he, ho ngiika luko menda hemi ho duhe; niimpalukoda Herod wiinga mi mehpa miido ke, mohmi mempa dupa.”

METHU 2:13 Referans Kwoze

MIINIIÑ 12:11

Ho Pitar mo atohpa ahla. Ho lutii, “Siisi ngo hendḛr doku Attoh mohka miidopopi mi kiiniñtii ngiimi tupya dupa, Herod ka alah hokii ho hikha Jew miyu atañka hemmyo nii hokii.”

MIINIIÑ 10:7

Miidopopi mohmika luriibo inke kiile, mo mohka miira anye mi gyolii tii ho henjenii sipahi kone mohmika kalyala danii apur hokii,

MIINIIÑ 5:19

Hojalo ayoho Attoh ka miidopopi patiihude ka alyeh mi miiko bitii ho mohlumi agoho lingii tiiku ho lutii,

METHU 2:12

Ho mohlumi Herod ko ahkur lyaku yo hala emmako lubii lyinii, mohlu lembo byahe yapa atoh ganda ho intiiku.

METHU 1:20

Hojalopa mohka hiila hendalyi, kato, Attoh ka miidopopi mohka emmako ahtii, lubiidola, “Josep, David ka oho, no biisoyo Mary mi niika mihie paka biisa niimi, mohka wiinga giiniiñsi Darii Yajiyallo loke;

METHU 2:16

Ho Herod, chiniimiyu atañ mohmi gollutii byomi hiila chila lala, hempḛr hadiitii, ho mo kiiniñtii ho hikha milobo atu budu ronye malo hiimika ajañ yami menge Betlehem ho hikha aruñare hoka dunii hemi, chiniimiyu kokii niihtañpa mo tapa tii hiika myodu jami khiirii biidola miike nentii.

MIHUKAKIÑNIIÑ 12:14

Hojalo annii akha mi hempḛr kaye khonkhuñ ka ale lenye mi bibiido niimpalukoda mohmi tabu kokii Zabyo ho gogii kiine dupa hiila, hiika duko ho nohna mohmi kalyañ kendonii danyi nyahiñ hela nyampohe.

MIINIIÑ 16:36

Ho patiihude kabiibo Pol mi luko biido, lubiidola, “Diigolugo lulyañbo atañ niinyimi inke nento ludo; hopa siisi agoho linto ku ho chimie pa ingeku.”

MIINIIÑ 10:22

Ho mohlu lutii, Kornelius, sipahi sabii, denki ho Pinii mika biisonii miyu, huna hikha Jew ganda loka khiikonii, darii miidopopi lo luko kotola niipa kiiniñtii mohka ude ho ahgii hiila, ho niika lusaniimi tadupa

MIINIIÑ 7:19

Mo ngunuka miyu atañmi kana mapa miitii ho ngunuka aba atañmi chechepa mohluka wiinga ajañ atañmi lukope lutii, mohlu mempa dupa.

METHU 10:23

Niida nunumi taun koneho miihimiire talyi, kone yaho hargiitolya; niimpalukoda jijeloda, Ngo nunumi lukoso, nunu Isrel ka hikha taunho inja ladii make, miyu ka Oho ka ahma rampa.

MIHUKAKIÑNIIÑ 12:6

ho annii akha hii jabyo ho hargiitii, nohna mohpa duko dotiinii Pinii ka miimyo biniiñ, hiiko 1260 allo kalyañkada kendo.

MIHUKAKIÑNIIÑ 12:4

Mohka amie lo yapuñ daka takḛr hakhu hingemi halo biido, ho hiika hiimi kiiddiapiñ ho jopa lobiido. Ho tabuhii annii akha ka hataho da huna wiinga biipa miidonii, niimpalukoda mo mohka wiinga mi diidupa hiila buliñ dalyi;

METHU 2:22

Hojalopa mo Arkelas Judia mi sangiigyagii niipa dusi duku mohka aba Herod ka dukoho hiila tapalala, mo hiikoho biisola ahkur nanku matii, ho mohmi emmako luluñ bulyinii mo Galili ka gandachie ho ingu giitii.

METHU 2:14

Ho mo guri biila ho wiinga la mohka annii nyimi ayoh liipa ho gyogiitii, ho Egip ho hargii tii,

MIINIIÑ 12:7

ho kato, Attoh ka miidopopi ahtii, ho patiihude ho hutoh byohatii; ho mo Pitar mi aruñho hinne lala ho mohmi ahutii, lubiidola, “nyibya pa gurito.” Ho dachañ ranyi hii mohka alah hokii hupa lyutii.