METHU 16:26 - NITI GONTU N.T. (BSI)

²⁶ Niimpalukoda niihpe miyu pa aya donii, mo matiirḛ hikha supuñ mi biisu dojalo ho mohka sango mi alyu siido koda? Malo niihpe miyu si mohka sango pa bisi siila kendo nii?

METHU 16:26 Referans Kwoze

LUK KA AYAPUYU 9:25

Niimpalukoda niihpe miyu pa ayadonii mo matiirḛ hikha dohadolo mi biisu dojalo ho mohka sangomi alyu siido koda?

LUK KA AYAPUYU 12:20

Hojalo Pinii mohmi lutii, ‘Piicha! Siho ayoh so niika yallo mi anna dokuke lukoda; ho drihpachi niika miimyo niimi, hupape hii dokiñ dokunii?’

LUK KA AYAPUYU 16:25

Hojalo Abraham lutii, ‘Oho, hempato no niika sango ho aya drih adiñ kappatii, ho Lazaras hii chulipa ayamanii drih adiñ; hojalo siisi mohmi so hempyo pa biido kuke, ho no heruhela do.

METHU 5:29

Nunuka mihbi amee matiirḛ ingyamiigya giido milo, hiimi harpa lila la ho ripato; hiika hii amee puhe giima niiya aya yadoke hikha apo mi yamuganda hoka togii saniiñmi hentola.

METHU 16:25

Niimpalukoda hujalopa atoh ka sango mi lyangur siichi hiimi alyu siikiñ doke, ho hujalopa mohka sango mi ngiipa alyu siichi hiimi pakiñ doke.

METHU 16:27

Niimpalukoda Miyu ka Oho ahkiñdo mohka miidopopi agiñho mohka Aba ka tatukatu lyiho, ho mo hikha miyu atañmi bikiñdo niihna mohlu miitiinii.