METHU 13:22 - NITI GONTU N.T. (BSI)

²² Ho tareapya hoka lilonii hiilake; mohlu hiika aguñ mika taniibo, hojalo supuñ mika hena, ho mingo hembyo, ho yoheya drih pachi mika hembyo hii ahla ho aguñmi lara biikoda, ho hii hang ahee higiima.

METHU 13:22 Referans Kwoze

1 TIMOTI 6:17

Siika dohadolo soka mingo pakoda, luto mohlumi hentii siiyo hiila, malo mohluka hentiñ lasamanii ka mingo mi hentiñ nayo hojalo Pinii miya huna kapane drihmi ngunumi bitiinii hempyo biike nendupa.

LUK KA AYAPUYU 8:14

Ho tareapya hoka chohi do luniiñsi, hiika atañke hutiina tadonii, hojalo mohluka lembo hoka ilyi kuho hena ho mingo ho sango ka hempyo hii lara biidu, ho mohluka ahee hii sanbyañ lama.

LUK KA AYAPUYU 12:15

Ho mo mohlumi lutii, “Hendi nyato, ho helyihembyo saniiñmi hendi tolya; niimpalukoda miyu sango hii niimkane mohkii gandanencha do hiiko giita make.”

2 TIMOTI 4:10

Niimpalukoda Demas, siika siilobiilyo ka dohadolo mi hembyola, ngiimi apatela ho Tesolonika ho inne; Kresen Gelesia ho inne, Taitas Dalmatia ho.

METHU 13:7

Tangenii kormo hii tareapya ho chohatii, ho tare hii sanchatii ho hiika hiimi halotii.

LUK KA AYAPUYU 12:21

Si chuli lyikiñdo huna atohpa atii tiikuñ biidonii, ho hii Pinii kii dalyiho mingoma.”

LUK KA AYAPUYU 21:34

“Hojalo nunu attoh pa henditolya, hiila makoda nunuka ahha atañ hame rikiñ doke diigo la tango ho siika sango mika henaho, ho hiika allo hii nunuko aluñpada ke ahkiñ donii;

MIINIIÑ 8:18

Siisi Saimon Yajiyallo biniiñ mi kapa lala kiiniñkonii atañka alah tencha niilo, mo mohlumi tiicko biso lubiido,

METHU 12:32

Ho hujalopa miyu ka Oho mi chekhola luchi hiimi hello kendo; hojalo hujalopa Darii Yajiyallo mi chekhola luchi hiimi hello lakiñma, siika santuñ sotrḛ malo santuñ ronge ka ahsanii hotiirḛ.

METHU 13:39

ho ahha-banii, hiimika lilobo igii ke; amoo pidu myodu luniiñsi nyantḛr anyañ ke, ho pihnii atañ miidopopi atañ ke.

METHU 13:40

Niihtañpa tagurenso atañmi pikuñ lala ho yamu hompa du, hii chulipa lyikiñdo anyañ nyantḛrho.

ROM MIKA POL KA SIITI KENIIÑ 12:2

Siika kiiddiapiñ ka luko talya yo hojalo lyiguhto nunuka ahhami niti dopa, hosuke nunu kakiñ lakiñ siidonii niihna Pinii ka henju, niihna aya donii ho larii lasanii ho digoabiaya nii.

1 KORINTIA 1:20

No chilamiyu da? No pagenii da? No da siika santuñ soka cheriibo? Pinii piicha mi siika dohadolo ka chila pa miima siipeha ehna?

1 KORINTIA 2:6

Hojalo hangḛr kuniiñ atañ ho ngunu chila mi tiilii du, si siika santuñ ka chila masu jalo malo siika santuñ ka sangii nii boka masu jalo, huna lyukiñ donii.

1 KORINTIA 2:8

Kone hetrḛ siika santuñ soka sangii nii atañ siimi chima; niimpalukoda mohlu matiirḛ chintii koda, mohlu leda diimmah tatukatu ka Attoh mi.

1 KORINTIA 3:18

Kone hetrḛ atoh mi talubalo siiyo. Nunuka punko hokii matiirḛ kone siika myodu so mo chila hiila hensu domilo, hiimi mohmi piicha pa lyike nento niimpalukoda mohmi chila kiine dupa.

2 KORINTIA 4:4

Mohluka piigo ho siika dohadolo ka uyi ke henjemanii atañka ahha mi micha dopa miibii donii, mohlumi ayapuyu ka hutoh Kristo ka tatukatu mi kapa madopa, huna Pinii kapu donii.

GELESIA 1:4

huna atohmi ngunuka ingyamiigya kopa bisu tiinii ngunumi tupya dupa siilobiilyo ka diimmah myodu sokii, ngunuka Pinii ho Aba ka henju jaho;

IPISIA 2:2

niihona nunu ronge ila datiinii, siika dohadolo ka henju ho imbo laka doho ho, ho yapuñ ka raddewiinga ka harchichike ka kiiliñ ho imbola dane, yajiyallo siisijalo miigo miila do luniiñtamanii oho atañ ko.