METHU 12:32 - NITI GONTU N.T. (BSI)

³² Ho hujalopa miyu ka Oho mi chekhola luchi hiimi hello kendo; hojalo hujalopa Darii Yajiyallo mi chekhola luchi hiimi hello lakiñma, siika santuñ sotrḛ malo santuñ ronge ka ahsanii hotiirḛ.

METHU 12:32 Referans Kwoze

MAK KA AYAPUYU 3:29

hojalo hujalopa Darii Yajiyallo mi nipakoya talyi hiimi pema hello bila kema, hojalo hiika ingyamiigya hii ayu-dahe paka hello lama saniiñ.

JON KA AYAPUYU 7:39

Siisi siikasi Yajiyallo ka piigo mi mo lutii, huna mohmi henje talyi nii hii larii kendo; niimpalukoda siisilohepa Yajiyallo mi bima tiirañ, niimpalukoda Jisu mi siisi lohe pa assañ matii rañ.

1 TIMOTI 1:13

kapyo ho ngo mohmi nipakoya la ho miihimiire la ho nyapakoya la miisutiijalo; hojalo ngo aroh mi patiiku niimpalukoda ngo chimapa miito henje mapa,

TAITAS 2:12

ngunumi miinyolunyo giitii henje maniiñmi apato ho dohadolo ka helyihembyo atañmi, ho hendimiidipa santo hiila, lotii, ho piniihenju jaho santo hiila siika dohadolo so,

IPISIA 1:21

hikha sangiinii bomi kayeyapa ho otority mi ho harchichike mi ho domiñ bomi, ho hikha armyañ mika kayeyapa myaniiñ myantii, siika santuñ so kontii mapa hojalo ahsanii santuñ hotiirḛ;

MIINIIÑ 3:19

Henkurto hopa, ho ahkur toku, niimpalukoda nunuka ingyamiigya niimi hello kodu kupa, jojo myodu ahkiñ doke Attoh ka dabo monii hokii.

LUK KA AYAPUYU 12:10

Ho koneabi huna miyu ka Oho mi chekhola ludonii hiimi hello bikiñdo; hojalo hu Darii Yajiyallo mi nipala ludo hiimi hello bikiñma

METHU 12:31

Hopa ngo lukoso, kapane ingyamiigya ho nipakoya niimi hello bikiñdo miyu mi, hojalo Yajiyallo mika nipakoya niimi hello lakiñma.

1 TIMOTI 1:15

Luniiñsi jije ho khiiniiñ poteje talii mondopa giido, Kristo Jisu dohadolo so ahtii ingyamiigyanii atañmi lyangur dupa hiila. Ho ngo ingyamiigyanii atañ hopa koda akhoja;

JON KA AYAPUYU 7:12

Ho hiikoho abuje mohka piigo mi budubudu miyuatañ lusu nyatii. Ho kone lutii, “Mo denki miyu ke,” tange lutii, “Ma, mo miyu atañmi lembo ngogii da.”

LUK KA AYAPUYU 23:34

Ho Jisu lutii, “Aba, mohlumi helloto; niimpalukoda mohlu chimake mohlu nii miido hiila.” Ho mohlu pota tuka siitii mohka pulye atañmi tache siidu pa hiila.

MAK KA AYAPUYU 10:30

hii lange abuyapa siika santuñ so kappa kendo, ude ho anubarmii, annii ho himme-oho, ho aji, miihimiire ka agiñho, ho ahsanii santuñ ho santḛrlamanii sango.

JON KA AYAPUYU 7:52

Mohlu lusitii, “No tiirḛ Galili hokii peha? Meto ho no kapa kendoke Galili hokii nyibuhenii kone hetḛr linkiñ make hiila.”

LUK KA AYAPUYU 7:34

Miyu ka Oho diila tala ahtii; ho nunu luda, Kato, diiretanche ho owtanga nii, biijokajo myanii atañ la ingyamiigyanii atañka ajiñ!

METHU 11:19

miyu ka Oho ahbiila diido-tando, ho mohlu ludo, Kato, diiretanche ho owtanga nii, biijokajo myaniiatañ la ingyamiigya atañka ajiñ! Hojalo helananiisi kala giikiñ doke mohka miiniiñ atañlo.

METHU 13:55

Si hiika bitie miiniika oho masu peha? Mohka annii Mary hiila masu peha? Ho mohka anu atañ Jems, Josep, Saimon ho Judas hiila masu peha?

METHU 8:20

Ho Jisu mohmi lutii, “Yali pa ubu dodu, ho piita patḛr asi; hojalo miyu ka Oho pa dinta dingi kotrḛ nyima.”

METHU 12:8

Niimpalukoda miyu ka Oho si dumoalo katrḛ attoh ke.”

METHU 13:22

Ho tareapya hoka lilonii hiilake; mohlu hiika aguñ mika taniibo, hojalo supuñ mika hena, ho mingo hembyo, ho yoheya drih pachi mika hembyo hii ahla ho aguñmi lara biikoda, ho hii hang ahee higiima.

METHU 13:39

ho ahha-banii, hiimika lilobo igii ke; amoo pidu myodu luniiñsi nyantḛr anyañ ke, ho pihnii atañ miidopopi atañ ke.

METHU 13:40

Niihtañpa tagurenso atañmi pikuñ lala ho yamu hompa du, hii chulipa lyikiñdo anyañ nyantḛrho.

MAK KA AYAPUYU 3:28

Jijeloda, ngo nunumi lukoso, hikha ingyamiigya mi hello bila kendo miyu ka Oho hii, ho nii nipakoya mohlu lusu tiijalo;

LUK KA AYAPUYU 16:8

Atoh lotiimanii kalyabiiniiñ bomi assañbiido mohka piibi niimi; niimpalukoda siika dohadolo ka oho atañ piibi yado mohluka santuñ ho sandupa hutoh ka oho atañmi hentola.

LUK KA AYAPUYU 18:30

hii siika santuso abu yapa pakiñ do, ho ahsa niika santuñ ho santḛrlamanii sangomi.

1 TIMOTI 4:8

niimpalukoda apo ka miinyo niisi tiirḛ ayado, piniisanju ada kapakohe piigo ahdo ke, siikasi siisi ka sango patrḛ hemme bitii ho ahsa nii sango patrḛ.

1 TIMOTI 6:17

Siika dohadolo soka mingo pakoda, luto mohlumi hentii siiyo hiila, malo mohluka hentiñ lasamanii ka mingo mi hentiñ nayo hojalo Pinii miya huna kapane drihmi ngunumi bitiinii hempyo biike nendupa.

2 TIMOTI 4:10

Niimpalukoda Demas, siika siilobiilyo ka dohadolo mi hembyola, ngiimi apatela ho Tesolonika ho inne; Kresen Gelesia ho inne, Taitas Dalmatia ho.

JEMS 1:27

Niihna darii piniihenju ho miibḛr manii Pinii kala ho Aba ka hataho hii sike: mijiatu atañ mika katenii ho hiimie atañmi mohluka herumyanka ho, ho atohmika dohadolo so miidukoma paka danii.