MAK KA AYAPUYU 1:1 - NITI GONTU N.T. (BSI)

¹ Pinii ka Oho, Jisu Kristo ka Ayapuyu mika luri biiniiñ.

MAK KA AYAPUYU 1:1 Referans Kwoze

JON KA AYAPUYU 20:31

hojalo siika atañ siimi ka keniiñsi nunumi Jisu hii Kristo hiila henje kiine dupa, Pinii ka Oho, ho henje biidola nunumi sango kapa kiine dupa mohka armyañ pa.

METHU 17:5

Mo luriila datiirañ, kato, hempḛr puloo jomii mohlumi hipu biitii, ho jomii hokii aguñ gonge lutii, “Siikasi ngiika heniiñja Oho ke, humina ngo ano hempyo biidunii; mo luniiñ tatolya.”

METHU 4:3

Ho tenkalarka bo ahtii ho mohmi lutii, “No Pinii ka Oho milo, siika yalañ siimi luto yatañ pa lyito hiila.”

METHU 14:33

Ho hulu hoka dunii atañ mohmi heriinyatii, lubiidola, “Jijeloda no Pinii ka Oho.”

METHU 3:17

ho kato, aguñ gonge yapuñ hokii luliñdo, lubiidola, “Siikasi ngiika heniiñja oho, humina ngo ano hempyo biidunii.”

ROM MIKA POL KA SIITI KENIIÑ 8:3

Niimpalukoda Pinii miitiiku dapo ka miila manii mi, asiialyo loka ajju giiniiñ mi: mohka atoh Oho mi ingyamiigya ka asiialyo kapupa ho ingyamiigya pa kiiniñ bilala, mo asiialyoho ingyamiigya mi khiiliitii,

JON KA AYAPUYU 1:14

Ho Aguñ hii asiialyo pa lyitii ho ngunuka punkoho duhatii, aroh-aya la jije poteje giitola; ngunu ko mohka tatukatu hii do, hiila ka tatu katu mo Aba ka hiiro kone kontii.

JON KA AYAPUYU 6:69

ho ngunu henjedu, ho chindo, no Pinii ka Darii kone hiila.”

JON KA AYAPUYU 3:16

Niimpalukoda Pinii dohadolo mi ano hela mohka Oho konekontii mi bitii, hujalopa mohmi henje talyi hii lyukiñma hojalo santḛrlamanii sango giikiñdo.

JON KA AYAPUYU 1:49

Natanel mohmi lusitii, “Tonsḛrbo, no Pinii ka Oho! No Isrel ka Radde!”

JON KA AYAPUYU 1:34

Ho ngo kappatii ho haki pa lyilyi siikasi Pinii ka Oho ke hiila.”

LUK KA AYAPUYU 1:35

Ho miidopopi lutii Mary mi, “Darii Yajiyallo niiko ahkiñ doke, ho hempḛr kaye jaka harchichike hii niimi lyipu biilyi diike; hopa wiinga buko sanii bomi darii lukiñdo, Pinii ka wiinga hiila.

ROM MIKA POL KA SIITI KENIIÑ 8:32

Mo huna atoh ka Oho mitrḛ atii siibii manii hojalo ngunupa hiila bipatii, mo ngunumi amane drih mi mo agiñho bikiñ mata ehna?

MIINIIÑ 1:22

lotujaho hokii Jon ka baptisma bilyi hokii khiiri biila mohmika ngunu apur hokiika chagii menda hemi, ngunu punko hokii siika miyu mi ngunu agiñho dagii kendo mohka turiturku kuniiñ mi haki binii pa.

MIINIIÑ 13:24

Mohka ahma rampa Jon tonsḛr khenyotii henkur niika baptisma lanii mi Isrel daka miyu atañmi.