JEMS 3:17 - NITI GONTU N.T. (BSI)

¹⁷ Hojalo ayoh hokii ka chila hii kapyo japa darii, hiikahiibaho chimie, yanu, luniiñ taliinii, poteje aroh ho aya ahee atañ, heriñkariñ giima malo lyolyichochi nyima.

JEMS 3:17 Referans Kwoze

JEMS 3:15

Siika chila si ayoh hokii tomake, hojalo kiiddiapiñ kiike, yajiyallo giimanii, igii kokii ke.

ROM MIKA POL KA SIITI KENIIÑ 12:9

Hensu niimi henju ho hento; niihna diimmah nii hiimi kachoto, niihna aya donii hiimi gabiito;

JEMS 1:17

Kapane aya peniiñhii ho kapane digoabiaya ahmiñayiñ hii ayoh hokii ke, hutoh ka Aba kokii todo hukohona hang lyiguhmanii malo yallobyotiñnii nyimanii lyiguhkopa.

JEMS 1:5

Nunu kokii matiirḛ konejalo chila papo domilo, mohmi Pinii kokii kuke nento, huna hikha miyu atañmi kobya la bidunii ho hang gamapa, ho hiika hiimi mohmi bikiñ doke.

1 JON 3:18

Himme atu atañ, kiije ngunu hensu masa aguñlo kontii malo luniiñlo kontii hojalo miibii dola ho jije lo.

1 PITAR 1:22

Nunuka yallomi darii miibii dola nunuka luniiñ talii niilo jijemi, jijeka anubarmii hensu niilo, kone anyañmi hempḛr uropa hensu tolya ahha lo.

METHU 5:8

Lyanko kendo ahha darii atañ, niimpalukoda mohlu Pinii mi kappa kendo.

1 JON 3:3

Ho kone abi huna mohko hentiñ mi atii donii atohmi darii miisudu niimpalukoda mo darii.

LUK KA AYAPUYU 21:15

niimpalukoda ngo nunumi aguñ ho chila bichi ke, nii mina nunuka ahha banii chekhola dala kemanii malo cherii lakiñ manii.

LUK KA AYAPUYU 6:36

Aroh tolya, nunuka Aba tiirḛ aroh niike.

HIBRU 12:14

Hikha miyuatañ agiñho chimie mi meto, ho darii hii nyimapa kone hetrḛ Attoh mi kapa lakiñma.

2 TIMOTI 2:24

ho Attoh ka miira atañ gasupasu kemake hojalo kone abimi helakala kendo, denki tonsḛrbo pa lyikiñdo, pigiibiidola,

1 PITAR 2:1

Hopa hikha kanamapa miiniiñ la surupiibi mi ho lotiimaniimi ho kariñ mi ho hikha nipasiiniiñ mi apa toku.

JEMS 2:4

nunu khiingukhiire masu peha nunuka punkoho, ho diimmah henju giitola ayakacho kama siipeha?

HIBRU 12:11

Myodu hepahe kapane miilyañ nii kako achih heru giido hempyo giisa niimi hentola; Kamikalo ho siikasi chimie denki ahee miya higiido humina siika silo miilyañ tiiku nii.

KOLOSIA 1:10

sango mi Attoh lo khiiko dopa sankiñ cho hiila, mohmi hempyo miipa dopa, kapane aya miigo ho ahee hibi dopa ho Pinii ka drih mi abu yapa chila dopa.

ROM MIKA POL KA SIITI KENIIÑ 15:14

Ngo ngiipa koda nunumi hembyañ biisu du, ngiika anubarmii atañ, niimpa nunuko poteje ayahii dosudo, hikha chila hii poteje do, ho kone anyañ mi tonsḛr siila do.

1 KORINTIA 12:8

Kone mi Yajiyallo lo bitii chila mi luliñ dopa, ho kone mi chiniiñmi bitii Yajiyallo ahiñlo,

JEMS 4:8

Pinii ko ahdeto ho mo nunuko ahde kendoke. Nunuka alah mi harsuto, nunu ingyamiigyanii atañ, ho nunuka ahha mi darii miito, nunu lyonye paka miyu heniiñ atañ.

1 TIMOTI 5:21

Pinii ho Kristo Jisu ho kahenii miidopopi ka hataho ngo niimi lubii lyike siika miiju siimi atii biitolya khiingu khiire mapa, henguhere la hang miite mapa.

MIINIIÑ 11:24

niimpalukoda mo denki miyuke, poteje Darii Yajiyallo ho giinii. Ho hempḛr miyu taro Attoh ko ahbyañtii.

METHU 23:28

Hiichulipa nunu tiirḛ miyu kata agoho denki kappa siido, hojalo nunuka uraho poteje apukahi ho ingyamiigya giido.

1 TESOLONIA 2:7

Hojalo ngunu yanu toke nunuka punkoho, niihtañpa himme kaniibo kalyañdu hiika kachañho.

PILIPIA 4:8

Kamijapa, anubarmii atañ, niihna jijenii, niihna khiisaniiñ, niihna miidikonii, niihna dariinii, niihna kapyo doniiñ, niihna aroh-aya doniiñ, hiiko matiirḛ hempḛr ayado hiila hendo milo, hiiko matiirḛ hangdrih jalo khiila assañdopa lyido milo, hiika drih atañka piigo mi henka nyato.

PILIPIA 1:11

denki ka ahee atañmi hinyato niihna Jisu Kristo kokii ahdonii, tatukatu ho Pinii mi assañ naniiñpa.

MIINIIÑ 9:36

Siisi Joppa ho henjemiyu kone dutii Tabitha hiila armyañ, hiika hii Dorcas lusa niimi. Mo hempḛr denki ho hela bilakela nii.

JON KA AYAPUYU 1:47

Jisu Natanel mi mohko ahla dopa kappatii, ho mohmi lutii, “Kato, jije Isrel miyu kone, hukohona gollumisu giimanii!”

JON KA AYAPUYU 1:14

Ho Aguñ hii asiialyo pa lyitii ho ngunuka punkoho duhatii, aroh-aya la jije poteje giitola; ngunu ko mohka tatukatu hii do, hiila ka tatu katu mo Aba ka hiiro kone kontii.

TAITAS 3:2

kone mitrḛ diimmah aguñ lubi yayo, gasupasu mi apatolya, yanu tolya, ho kakiñ tolya digoabiaya yanuyamya mi hikha miyu atañmi.

TAITAS 1:15

Darii atañpa hikha darii doke, hojalo lyolyichochi ho henjemanii atañpa hang kone hetrḛ darii make; mohluka henju ho henjumiiju hiitiirḛ hikha surudonyo ke.

ROM MIKA POL KA SIITI KENIIÑ 12:18

Miila lyimilo matiirḛ, hojalo si niika henko hoke dokiñ donii, hikha miilañ ruka agiñho chimiepa sandu pa miitolya.

IPISIA 5:9

(niimpalukoda hutoh ka ahee mi hikha aya ho miidiko ho jije hoke kapa donii),

2 KORINTIA 10:1

Ngo, Pol, ngo loda nunumi yardu, Kristo ka yanu ho ahhakeyiñ mi giitola-ngo huna yanu dunii nunuka agiñ hoka dalyiho, hojalo haro dunii nunupa niida ngo nunu agiñho datema!

2 KORINTIA 9:10

Huna alikormo mi ali niimi bidonii ho yatañ mi diisa niipa bidonii ho bikiñ doke nunuka anna niimi ho niika denki ka amoopigo mi abuyapa miibi kendoke.

METHU 5:9

Lyanko kendo chimie dopa lulyañ nii atañ, niimpalukoda mohlumi Pinii ka oho hiila lukiñ do.

2 KORINTIA 6:6

dariipa dala, chimbiidola, pigiibiidola, helakala biidola, Darii Yajiyallo lo, aya hensu niilo,

2 KORINTIA 7:11

Kato niihtañ henkiñ siika piniihenju ka heru si nunuko lingiido, niihtañ nunu atohmi lupya siido pa miibiido, niihtañ hadiine, niihtañ henjune, niihtañ kalya nyane, niihtañ miinala henyane, niihtañ pamyo kenkone! Kapakohe nunu atohmi lugo giima dopa kakiñ siitii siika drih ho.

JEMS 2:13

Niimpalukoda ayakacho kaniiñ ho aroh nyimake huna aroh kakiñ manii; hojalo aroh hii ayakacho kaniiñmi pamiñ doke.

1 PITAR 2:18

Miira atañ, tiilii siibito atoh atañko hikha khiiniiñlo, hela kala bomi kontii mapa hojalo lurubomi tiirḛ.